Mjölnir - 13.08.1975, Blaðsíða 7

Stjórnarkosning í Þormóð ramma h.f.
Framhald af 2. síðu.
í þessu felst. Minnihlutanum
ber að refsa, ef hann vogar
sér að hafa aðra skoðun en
meirihlutinn. Hitt er rétt, að
þessi stefna hefur hvað eftir
annað skotið upp kollinum í
núverandi bæjarstjóm allt frá
upphafi. Meirihlutinn þolir
hvorki gagnrýni né skoðana-
frelsi, hvoru tveggja ber að
refsa harðlega.
Kúgunin mistókst
Bæjarfulltrúar AB lýstu því
yfir, að þeir létu ekki kúga
sig til þess að þegja um skoð-
anir sínar eða fylgja þeim eftir
með atkvæði sínu. Bæjarfulltr.
AB töldu fráleitt að bæjarstj.
gerði sérstaka samþykkt um
breytingu á samþykktum ÞR,
sem gengju í berhögg við yfir-
lýsta stefnu bæjarstjómar. Sam
þykkt á þessari tillögu væri í
rauninni enn frekari viðurkenn
ing á þeirri óheillaþróun, sem
ríkisvaldið hefur að undan
förnu neytt upp á kaupstaðinn.
Bæjarfulltrúar AB undirstrik-
uðu þá afstöðu, sem fram kem
ur hér að ofan, að allar breyt-
ingamar á samþykktum Þorm.
ramma, sem samþykktar voru
á aðalfundi félagsins væru and
stæð stefnu þeirra og væntan-
lega allrar bæjarstjórnarinnar.
Eins væri með þessa tillögu,
og mundu þeir fylgja eftir
þeirri skoðun sinni, hvað sem
meirihlutinn tæki þá til bragðs.
Auðvitað breytti samþykkt til-
lögu meirihlutans engu um orð-
inn hlut, en hér er þó sá mun-
ur- á, að þær tillögur, sem bæj-
arstjóri samþykkti .á aðalfundi
höfðu aldrei verið samþykktar
í bæjarstjórn, en hér gafst
tækifæri til þess að láta vilja
bæjarstjórnar ótvírætt í ljós.
Þetta skildu fulltrúar meirihlut
ans að sjálfsögðu ekki. Hér
var um að ræða stefnumörkun
og ítrekun á fyrri samþykkt-
um um þeta mál.
Tillaga meirihlutans var sam
þykkt með 6 atkvæðum. Á
móti voru bæjarfulltrúar AB
og Jóhann Möller.
Meirihlutinn gerði nú alvöru
úr þeirri hótun sinni að stilla
upp einlitum meirihlutalista í
stjórnarkjörið. Sveinn Bjöms-
son var verkfæri lýðræðisafl-
anna að þessu sinni og átti
hann nú að eflast að mannvirð
ingum og hljóta verðskulduð
laun sinnar trúmennsku. En
margt fer öðruvísi en ætlað er.
Listi AB fékk þrjú atkvæði og
vann hlutkestið um annan full-
trúa bæjarstjórnarinnar í
stjóm Þormóðs ramma h. f.
Sveinn verður hér eftir sem
hingað til að láta sér nægja
hafnarnefndina, enda var það
víst það, sem hann bað um í
upphafi.
Þeir sem hafa lesið nýjasta
tölublað Einherja sjá sennilega
að Bogi Sigurbjörnsson og þeir
félagar, hafa enn ekki skilið
um hvað þessi mál öll snúast,
þó hafa þeir haft tækifæri til
þess að hugsa sig um í nokkra
daga. Það getur auðvitað eng-
inn gert að því hvernig hann
er af guði gerður. En þegar
menn eru að gutla við félags-
mál verður þó að gera til
þeirra nokkrar kröfur. Bogi
virðist til dæmis ekkert skilja
í því, að þegar búið er að sam-
þykkja tillögu t.d. um stjómar-
kjör í Þormóð ramma, þá sé
borin fram tillaga um menn til
þess að sitja í stjóminni. Hvern
ig er það annars með Boga,
virðir hann ekki aðrar tillögur
en þær, sem hann samþykkir
sjálfur?
Um tillögu AB um viðræður
bæjarstjómar og annarra eign-
araðila að Þormóði ramma, er
rétt að minna Boga á, að þessa
tillögu samþykkti hann sjálfur
á bæjarstjórnarfundinum. Þeg-
ar Bogi segir, að stöðugar við-
ræður hafi verið milli aðila um
lausn vandamála Þorm, ramma
fer hann vísvitandi (þó er það
ekki víst) með rangt mál. Um-
ræðurnar fram að þessu, hafa
einungis miðast við að bjarga
fyrirtækinu þetta árið eða svo.
Framtíðin er óljós, og full á-
stæða til þess að afstað ríkis-
valdsins fáist skýrt í ljós áður
en lengra er haldið.
Bókun bæjar-
fulltrúa AB
Bæjarfulltrúar AB létu bóka
eftirfarandi vegna afgreiðslu
mála Þormóðs ramma í bæjar-
stjórn. í þessari bókun kemur
meginstefna AB fram.
Bæjarfulltrúar AB telja, að
með þeim breytingum sem gerð
ar hafa verið á lögum Þorm.
ramma sé stefnt í voða fram-
tíð félagsins. Við teljiun það
höfuðatriði að eignarhlutföll
eigenda félagsins haldist ó-
breytt eins og þau voru fyrir
síðustu aukningu hlutafjárins.
Við teljum það ranga og hættu
lega stefnu, að færa sífellt
stærri hluta hlutafjárins í hend
ur kaupstaðnum, sem ekki hef-
ur fjárhagslegt bolmagn til
þess að standa undir slíkum á-
lögum og ábyrgðum. Þessi
stefna núverandi ríkisstjórnar
er í fullri mótsögn við þau
fyrirheit, sem gefin voru við
stofnun fyrirtækisins og þær
hugmyndir, sem lágu til grund-
vallar þeirri ákvörðun bæjar-
stjórnar og ríkisvalds.
Mengun
Framhald af 3. síðu.
haugabræla leggur að vitum
með kæfandi óþef, rusl er á
götum og óhirða víða, þá telja
þeir sig svikna og koma tæp-
ast aftur.
Siglufjarðarbær er af náttúr-
unnar hendi í einstaklega vina-
legu umhverfi og margt af
mannanna verkum ber vott um
dugnað og framtak sem verð-
skuldar aðdáun og hrós. Slík
aðdáun gæti þó orðið ennþá
meiri ef ráðamenn bæjarins
gengju á undan öðrum bæjar-
búum um hreinlæti og hirðu-
semi á þeim sviðum, sem bæn-
um tilheyra, og samtök myndu
þá fljótt skapast um að hver
gerði hreint fyrir sínum dyrum.
Þá yrði Siglufjörður virkilega
aðlaðandi bær, bæði af náttúr-
unnar og mannanna völdum.
Að því ber að keppa.
Jökulsá eystri verði
ncBsto virkiun i ses,ir tslune,fnd
■ ■ w mm ®vib Skagafjarðarsýslu
Sýslunefnd Skagafjarðarsýslu
gerði nýlega samþykktir um
virkjunarmál á Norðurlandi.
í samþykkt sýslunefndar seg
ir m.a. að sýslunefndin fagni
yfirlýsingu iðnaðarráðherra frá
s.l. vetri um að tekin verði á-
kvörðun um vatnsaflsvirkjun í
Norðul.kjördæmi vestra þegar
á þessu ári. Þá skorar sýslu-
nefndin á iðnaðarráðuneytið
að sjá um það, að það grund-
vallarsjónarmið verði látið ráða
við áætlanagerð og ákvarðana-
tökur um virkjanir, að orkan
verði fyrst og fremst nytjuð
til að fullnægja innlendri orku-
þörf áður en orkunni verði ráð
stafað til stóriðjufyrirtækja í
eigu erlendra aðila.
Formaður sýslunefndar Jó-
hann Salberg Guðmundsson
bæjarfógeti á Sauðárkróki,
sagði í viðtali við Þjóðviljann,
að það hefði komið fram í
umræðum þarna, sem ekki
hefði komið svo mikið fram á
öðrum vettvangi, að mönnum
þætti allmikil áfergja og ákafi
vera hjá þessari kynslóð að
virkja þessi mestu og stærstu
vatnsföll og jafnframt að ráð-
stafa til langframa, gjaman til
útlendra aðila, þessari orku,
svo að næstu kynslóðir væru
af þessum ráðstöfunum bundn-
ar. .Þetta þætti mönnum ekki
góð stefna enda hefði nefndin
lagt á það áherslu, að orkan
yrði nýtt til innlendra þarfa
svo sem húsahitunar o.fl. Þá
leggst sýslunefndin gegn virkj-
un Blöndu m.a. vfegna þess að
við það muni a.m.k. 60 ferkm.
gróins beitilands á afréttum
sökkva undir vatn, en þetta
svæði er á svonefndri Eyvinda-
staðaheiði og svæðinu austan
Blöndu, sem eru m.a. afréttar-
lönd skagfirðinga. Þá er bent á
í samþykktinni, að þar sem
gróðurlendi landsins sé of lítið
og alltaf á undanhaldi vegna
ofbeitar og af völdum náttúru-
afla og íslendingar leggi veru-
lega fjármuni í að reyna að
græða sárin á örfoka landi með
misjöfnum árangri, sýnist það
vera að taka með annarri hend
inni, það sem er gefið með
hinni, að ætla sér að sökkva
tugum ferkílómetra gróins
lands undir vatn.
í stað þess, leggur sýslu-
nefndin til, að ráðamenn orku-
mála snúi sér að þeim valkosti
sem næst liggi, en það sé fulln
aðarrannsókn á hagkvæmni
Jökulsárvirkjunar eystri í
Skagafirði.
Það mun liggja fyrir, að Jök
ulsá verði virkjuð í þrem áföng
unr og sagði Jóhann Salberg
bæjarfógeti, að við fyrsta og
annan áfanga mundi ekkert
Jand fara undir vatn, en eitt-
hvað við þann þriðja, sem væri
þó ekkert sem talandi væri um
miðað við þau ósköp, sem færi
undir vatn við virkjun Blöndu.
Þá skorar sýslunefndin á
þingmenn kjördæmisins að
beita sér fyrir því að virkjun
Héraðsvatna hjá Villinganesi
og Jökulsá eystri njóti for-
gangs, svo að nægilegt fjár-
magn fáist á þessu ári til rann
sókna á virkjunarmöguleikum
þar, og leggur áherslu á að lög
verði sett á næsta Alþingi um
þessa virkjun. Þessi væntan-
lega virkjun yrði um 30 mega-
wött, þ.e. fyrsti áfangi hennar
í Héraðsvötnum hjá Villinga-
nesi .
í lok samþykktarinnar er svo
vikið að Norðurlandsvirkjun
og segir þar að sýslunefndin
lýsi þeirri skoðun sinni, að
stefna beri að því að stofna
milli sýslufélaga og bæjarfé-
laga á Norðurlandi félagsskap
Norðurlandsvirkjunn, sem
vinna skuli að öflun raforku
handa byggðum Norðurlands
og muni sýslunefndin gerast
aðili að slíkum félagsskap þeg-
ar hann verði stofnaður.
illiny hjá Framsókn
í grein eftir Svavar Gests-
son í Þjóðviljanum 3. ágúst er
það gert að umtalsefni hvernig
nokkrir braskarar og smáat-
vinnurekendur í Reykjavík
reka nú flokksmaskínu Fram-
sóknarflokksins með góðum
stuðningi frá SÍS-veldinu. Auk-
in áhrif þessara hópa á stjórn
Framsóknarflokksins virðast
vera í fullu samræmi við þá
stefnu Ólafs Jóhannessonar, að
spila nú til hægri, í þetta sinn,
og vera ekki að eltast við
verkalýðinn: „Það eru bændur,
smáatvinnurekendur og embætt
ismenn, sem við eigum að
sinna.“ (Ól. Jóh.) I greininni
er lýst, hvernig fjármagnið frá
aðalhópunum tveimur, sem
standa undir rekstri flokksins,
skilar sér:
„Opinbera leiðin eru auglýs-
ingar í Tímanum. Ef Tímanum
undanfarin ár er flett, og það
borið saman við Tímann á ein-
hverju árabili á undan, sést að
auglýsingar frá SÍS og sam-
bandsfyrirtækjum hafa stór-
aukist í Tímanum. Þá hafa auk
ist mjög auglýsingar í Tíman-
um, sem áðurnefndir einstakl-
ingar hafa einkum forustu fyr-
ir. Auglýsingamagn þessara
fyrirtækja hefur stóraukist á
undanförnum árum.
Önnur aðalaðferðin eru kaup
þessara fyrirtækja og forustu-
manna þeirra á happdrættis-
miðum í happdrætti Framsókn-
arflokksins. Þar er um að ræða
kaup upp á 50—200 þúsund kr.
frá hverjum og einum árlega
Sambandið til dæmis kaupir
jafnan mikið magn happdrætt-
ismiða. (Til skamms tíma voru
stjórnarfundir Tímans haldnir
á skrifstofum SÍS!)
Þriðja aðferðin til þess að
láta þessi fyrirtæki styrkja'
flokkinn og blaðið, er fólgið í
því, að fyrirtækin veita ýms-
um starfsmönnum flokks og
blaðs ókeypis þjónustu af
ýmsu tagi. Ennfremur er nokk-
uð um það að laun einstakra
starfsmanna séu færð beint
í launakostnað fyrirtækja eins
og Olíufélagsins. (Esso.Exxon.)
Fjórða aðferðin eru beinir
styrkir utan auglýsinga, og
greiðslna fyrir starfsmanna-
hald framsóknar. Þessir styrk-
ir eru bein fjárframlög til að-
ila. Þannig greiddu Samvinnu-
tryggingar, SÍS og Olíufélagið
60 þús. kr. hvert á mánuði til
flokksins 1972.“
Verðhækkanir
Framhald af 8. síðu.
er mikið og lífrænt starf þess
sjálf' í verkalýðsfélögunum, að
það sæki fundi, taki þátt í mót
un starfs og stefnu, veiti for- .
usturoönnum sínum aðhald og
hvatningu, og láti þá finna að
þeirra einna sé ekki ákvörðun-
arvaldið.
Verkalýðsfélögin verða á ný
að hljóta það yfirbragð, að þau
séu baráttutæki fjöldans til
sóknar í lífs- og stéttabaráttu,
en ekki einskonar sjúkrasam- i
lög eða sjálfvirk stofnun til út-
hlutunar styrkjum og hlunnind
um.
Bókavarðarstarf
Bókasafn Siglufjarðarkaupstaðar vantar bóka-
vörð frá 1. september n. k.
Kaup samkvæmt 22. launaflokld.
Umsóknir um satrfið þarf að skila fyrir 1. ágúst
n.k. til bæjarstjórans á Siglufirði, eða undirritaðs.
Siglufirði, 26. maí 1975.
F. h. stjórnar Bókasafns Sigluf jarðar
Þ. Ragnar Jónasson
MJÖLNIR — 7