Fylkir - 14.01.1966, Blaðsíða 4
Gjafir til Landakirkju
----------------------------'N
Neðan frá sjó.
I_________ ________)
Afli og gæftir: Það má segja að
ekkert lát sé á ótíðinni — rok og
stórsjór dag eftir dag. Þó slotaði
aðeins um helgina og þá komust
síldarbátarnir austur í „Bugtir”
Fengu nokkrir bátar síld, var mest
hjá Ingiber Ólafssyni, fékk hann
1900 tunnur. Síðan hefur ekki ver-'
ið hægt að líta að síldveiðum.
Nokkrir bátar munu tilbúnir á
botnvörpuveiðar, _ en þar er sama
sagan, ótíð. Talsvert hefur verið
af síldarbátum úr öðrum verstöðv-
um hér í höfninni undanfarna daga.
Bíða þeir eftir að komast á síldar-
miðin.
Fiskkaupendur: Mikið fjör virðist
vera komin í þá atvinnugrein er
fiskkaup nefnast. Fyrir utan fjögur
hraðfrystihúsin, munu alls 8 aðiljar
aðrir kaupa hér fisk í vetur. Ár-
sæll Sveinsson, Guðni Guðnason,
kaupfélagsstjóri og fleiri, Ingólfur
Eiríksson og fl., Magnús Kristjáns
son kaupm. og fl., Bjarni Sighvats-
son og fl., Ólafur og Símon h.f.,
Sæbjörg h.f., Sigfús Johnsen og fl.
Eru nokkrir af þessum aðiljum að
byrja fyrst í vetur og allir utan
einn hafa stuttan feril að baki í
þessum atvinnurekstri. Virðist að-
sókn í þessa atvinnugrein gefa til
kynna að um ágóðavon sé að ræða
og eitt er víst að þeir, sem vilja
losna við ugga á þessari vetrar-
vértíð ættu ekki að vera á flæði-
skeri staddir.
Til Færeyja: Um seinustu helgi
fóru tveir bátar, Huginn og Bergur
áleiðis til Færeyja. Fara bátarnir
þar í dráttarbraut, til hreinsunar
og viðgerðar. Fá bátarnir þar góða
og fljóta fyrirgreiðslu. En eins og
kunnugt er þá eru miklir erfiðleik-
ar á því að koma þessari stærð
báta í „slipp” hérlendis.
Síldarflökun: ísfélagið fékk hingað
í haust síldarflökunarvél og hóf
flökun á síld. Eru flök þessi söltuð
í tunnur fyrir Ameríkumarkað
Hefur þessi verkunaraðferð ekki
fyrr verið reynd hér í Eyjum. Er
búið að salta í tæpar 600 tunnur.
Með tilliti til aðstæðna hefur vinna
við þetta gengið vel og vantar nú
aðeins síld til að vinna. Markaður
fyrir þessi saltsíldarflök mun vera
sæmilegur í Ameríku fyrir nokkuð
takmarkað magn.
Fyrsti línuróðurinn: Það má segja
að hin eiginlega vetrarvertíð, svo
sem hún var í „gamla daga” hafi
hafist í gær. Þá fóru fyrstu línu-
bátarnir í „útdráttinn”. Voru það
bátarnir Júlía og Björg. Afli var
tregur, enda mun veður ekki hafa
verið sem bezt. En kærkominn var
aflinn þar sem nýr fiskur hefur
ekki sézt síðan um áramót.
Landakirkju berast árlega veg-
legar gjafir. Þann 18. des. s.l. kom
til mín nokkrar konur með tvo
skírnarkjóla, forkunnarfagra og
vandaða, gerðir fyrir dreng og
stúlku. Gefa þær kirkjunni þessa
kjóla í því trausti að þeir geti kom
ið að notum fyrir almening á svip-
aðan hátt og fermingarkyrtlar hafa
orðið. Fyrir tveim árum gáfu þess-
ar sömu konur sams konar skírn-
arkjóla, tvo. Eru kjólarnir því orðn
ii- fjórir. Þess má geta, að konur
þessar hafa haft með sér „sauma-
klýbb” nokkur undanfarin ár og
hafa jafnan lagt í sjóð til þessara
hluta og munu ætla að halda þessu
áfram.
Eg vil vekja athygli foreldra, sem
koma með börn sín til rkírnar,
hvort sem þau láta skíra í kirkju
eða heimahúsum, að láta sér þessa
höfðinglegu og vel hugsuðu gjöf sð
gagni koma.. Konur þessar vilj.i
ekki láta nafna sina getið.
Þa barst kirkjunni mjög vegleg
gjöf um jólin, sem Guðlaugur Stef-
ánsson fól mér að útvega frá Eng-
landi í gegnum biskupsskrifstof-
una. Eru það tveir forláta kerta-
stjakar, sem standa á gólfi og eru
nokkuð á annan meter á hæð. Eru
þeir úr kopar og mjög efnismiklir
og fallegir. Þeir eru að gerð mjög
líkir altarisstjökunum og skírnar-
fontinum og falla því mjög vel inn
í þessa fornu kirkjugripi.
Gefendur þessara stjaka eru,
Stefán heitinn Guðlaugsson, út-
vegsbóndi í Gerði, Auðbjörg Guð-
laugsdóttir húsfreyja í Ártúnum á
Rangárvöllum og Guðjón Tómas-
son skipstjóri frá Gerði, fósturbróð
ir þeirra. Gefa þau þetta í aldar-
minningu foreldra og fósturforeldra
Guðlaugs Jónssonar útvegsbónda í
Gerði og konu hans Margrétar Eyj-
ólfsdóttur, hinna kunnu og dug-
miklu merkishjóna.
Hafði þessu verið ráðstafað
nokkru fyrir lát Stefáns heitins.
Stjakarnir voru afhentir kirkj-
unni á Þorláksmessu að viðstödd-
um okkur sóknarprestum og sókn-
arnefnd og voru þeir vígðir á að-
fangadagskvöld.
Þá vil ég einnig geta þess, að
tvær veglegar gjafir eru kirkjunni
að berast. Eru þær einnig gefnar
sem aldarminning um hjónin Er-
lend heit. Árnason á Gilsbakka og
konu hans Björgu Sighvatsdóttur.
Er önnur gjöfin peningar til að
flóðlýsa Landakirkju að utan og
garðinn umhverfis. Eru gefendur
yngri dóttir þeirra, Júlíana og mað
ur henar Ragnar Jónsson veitinga-
maður. Hin gjöfin er ræðupúlt,
sem Dagrnar eldri dóttir þeirra gef
ur.
Munu gripir þessir koma á næst-
unni. Um leið þakka ég rausnar-
skap þessa ágæta fólks fyrir hönd
okkar sóknarprestanna, sóknar-
nefndar og safnaðar, má ég heldur
ekki gleyma þeim hlýhug, vinsemd
og virðingu, sem þetta fólk ber til
Landakirkju. Þetta hugarþel til
kirkjunnar hafa fjölmargir glaðir
gefendur sýnt í verki fyrr og síð-
ar. Og eftir því, sem ég hefi kynnst
Vestmannaeyingum og virðingu
þeirri, sem þeir bera til kirkju sinn
ar, þykist ég mega fullyrða að það
sé einsdæmi á landi hér, svo al-
mennt er það.
Þorsteinn L. Jónsson.
Fasteigna-
markaðurinn
Vestmannaeyingum og öð'rum
viðskiptamönnum er óskað gleði-
legs nýárs.
Með hækkuðum bankavöxtum má
búast við frestun á byggingafram-
kvæmdum að nokkru og því meiri
eftirspurn eftir húsnæði til kaups.
Gæti skapað hækkandi verð á fast-
eignum, er frá liði. Ættu því þeir,
sem hugsa sér að kaupa, að draga
ekki að festa kaup.
Nú hefi ég m.a. til kaups cftir-
talið:
fbúð 4 herbergi og eldhsú úsvið
Hásteinsveg. Laus til íbúðar og
lyklavöldin hjá mér til að sýna í-
búðina.
íbúð, 4 herbergi og eldhús við
Fífilgötu.
íbúð, 4 herbergi og 2 eldhús við
Strandveg.
Einbýlishús, lítið við Strandveg.
Einbýlishús, nýviðbyggt við Há-
steinsveg.
Nokkur hús og ibúðir eru einn-
ig til sölu nýleg og sum glæsileg,
en rýmingarfrestur þarf að vera
nokkur.
Nokkrar BIFREIÐAR cru til
sölu m. a. Opel-Record, ekin aðeins
30.000 km. Sem sagt vel tilkeyrð.
Bátar cru til, cf einlivcr hcfur
áhuga.
Þá mætti beina því til þeirra, sem
eitthvað ættu afgangs af forgcngi-
legum fjármunum, að þeir legðu
í arðbæran atvinnurekstur. Eg hefi
nú til sölu 1/6 hluta af hlutabréf-
um í vandaðri VELSMIÐJU hér í
bænum, og 1/6 hluta í tilheyrandi
verzlun, en hluturinn fengist fyrir
gjafverð. Einnig ér verzlunarhús-
næði til sölu og margt fleira, ef að
er gáð. — Vinsamlegast Jítið inn.
JÓN HJALTASON hrl
Skrifstofa: Drífanda við Bóru-
götu. Viðtalstími: kl. 4,30 — 6
virka daga nema laugardaga kl.
1 1 12 f. h. — Sími 1847.
S--------- \
Bæjarfréttir.
v_____________________________)
Þjóðkirkjan:
N.k. sunnudag verður messað kl.
2 eh. Séra Þorsteinn L. Jónsson
predikar.
Hjónabönd:
Um og eftir hátíðarnar hefur sr.
Þorsteinn L. Jónsson gefið saman
eftirtalin brúðhjón.
Þann 24. des. Elínu Teitsdóttur,
og Emil Sigurðsson, bifreiðastjóra
frá Búlandi.
Á jóladag, Elínu B. Jóhannsdótt-
ur Skólavegi 36 og Svavar Simunds
son Hásteinsveg 36.
Á annan dag jóla, Hjördís Guð-
mundsdóttir, símamær og Alexand-
er Guðmundsson, verzlunarmann,
Grænuhlíð 23.
Á gamlársdag, Önnu Sigmars-
dóttur Litlu-Löndum og Eyjólf E.
Konráðsson úr Skagafirði.
Á nýársdag Hörpu Njálsdóttir
Andersen Hásteinsveg9 2 og Ólaf
Óskarsson Boðaslóð 27.
Og þann 8. janúar s.l. Heiðrúnu
Grétu Sigurjónsdóttur Vesturveg
3A og Guðmund Einarsson, vél-
stjóra Vesturveg 3A.
Fylkir óskar brúðhjónunum allra
heilla.
Afmæli:
Þann 17. þ.m. verður Bjarni Guð-
mundsson Illugagötu 13, 60 ára.
Ketill Brandsson Faxastíg 33,
verður 70 ára þann 16. janúar. Blað
ið óskar afmælisbörnunum til ham-
ingju.
Húsakaup.
Páll Þorbjörnsson stórkaupmað-
ur hefir nýlega fest kaup á fisk-
verkunarhúsi dánarbús Ólafs heit.
Auðunssonar er stendur á horni
Bárugötu og Strandvegar. Hyggst
Páll breyta húsinu og ílytja þang-
að veiðarfæraverzlun sína.
Blysför:
Knattspyrnufélagið Týr gekkst
fyrir blysför og Álfadansi daginn
eftir þrettándann. Þar sem þessum
góða fagnaði hefur verið ýtarlega
lýst í öðru bæjarblaði, er ekki á-
stæða til þess að endurtaka lýsingu
á því sem fram fór, en tekið af al-
hug undir þakkir til allra er hlut
áttu að þesari góðu skemmtun.
Heimaklettur:
Vestmannaeyingafélagið Heima-
klettur heldur skemmtun í Sam-
komuhúsinu á mox-gun 15. janúar.
Er vel til skemmtunarinnar vand-
að. Eru Vestmannaeyingar 25 ái’a
og eldri hvattir til þess að sækja
þessa skemmtun og gei'ast félagar.
Ný stjórn hefur nýlega verið kos-
in í félaginu og hefur hún á pi-jón-
unum ýms áform til þess að auka
félagsstarfið.