Fylkir - 12.05.1967, Side 5
FYLKIR
5.
Um íþróttasvæði
Iðkun iþrótta, er langfjölmenn-
asta og heilbrigðasta tómstunda-
gamanið, sem völ er á. Sá ungling-
ur, sem kynnzt hefur íþróttum og
stundað þær eitthvað, er betur
undir lífsstarfið búinn en hinn sem
það hefur ekki gert. Það er stað-
reynd, að ekkert frekar en íþrótt-
ir draga unglinga frá götunni og
rápi á veitingastaði, og þá um leið
frá ýmsum freistingum, sem þar
á vegi þeirra verða. Hvað sem öllu
öðru tómstundagamni líður, þá
gnæfa íþróttirnar þar yfir og ber
að laða enn fleiri þar að.
Sífelldir fjárhagsörðugleikar hrjá
íþróttastarfsemina, og byggir í-
þróttabandalagið starfsemi sína
nær eingöngu á fjárstyrk frá bæj-
arfélaginu. Sá styrkur fer í kostn
að við ferðalög íþróttaflokka og
hrekkur ekki til. Má því segja að
íþróttabandalagið sé á bænum.
Þessi fjárskortur bindur hendur í-
þróttabandalagsins algerlega. Þetta
þarf að breytast, það þarf að skapa
íþróttabandalaginu vissa tekju-
stofna, þannig að það geti orðið
fjárhagslega sjálfstætt. Algengasta
fjáröflunarleiðin er, að seldur er
aðgangseyrir að íþróttaleikjum, en
svo háttar til hér, að nær ógern-
ingur er að gera það, sem íþrótta-
vellirnir eru ógirtir. í ráði mun
vera að girða völlinn við Löngu-
lág, en staðið hefur á því þar sem
ekki mun vera fullráðið hvar girð-
ingin á að vera. Þó að sá völlur
verði girtur, kemur það að tak-
mörkuðum notum, þar sem mestra
tekna er að vænta á grasvellinum
við Hástein. Á meðan ekkert verð-
ur gert, tapa íþróttirnar fé sem
þær vanhagar svo nauðsynlega um.
Skipulega þarf að vinna að upp-
byggingu íþróttamannvirkja, þann-
ig að öruggt sé, að hver sá pening-
ur, sem veittur er þar til komi að
fullum notum. Handahófskenndar
aðgerðir skapa ekkert anað en auk
in útgjöld og töf á framkvæmdum.
Sjálfsagt er að öll íþróttamann-
virki séu staðsett, sem næst hvort
öðru á skipulögðu svæði. Á þessu
svæði er nauðsynlegt að gera ráð
fyrir öllum íþróttamannvirkjum,
sem kunna að rísa í framtíðinni.
Fyrir 20 árum var íþróttaleikvang-
ur skipulagður á Akureyri og síð-
an hefur verið unnið í áföngum, að
koma honum upp. Fyrir 13 árum
fór þessi leikvangur að þjóna sín-
um tilgangi að nokkru, þarna er
enn unnið að framkvæmdum og er
aðstaðan þar orðin til fyrirmyndar.
Eg álít, að svæðið við Löngulág
muni ekki rúma þau mannvirki,
er kunna að risa hér í framtíðinni,
svo sem Sundhöll, íþróttahús, gras-
og malarvelli, handknattleiksvelli,
búningsherbergi og böð við vellina,
fleira mætti telja. Fásinna er að
grafa þessi mannvirki inn í brekk-
una, þar sem mjög ákjóstnlegt
landrými er til á öðrum stað.
Okkar bezti knattspyrnuvöllur,
og sá, sem mest er notaður, er við
Hástein. Aðstaða við þann völl
uppfyllir ekki lágmarkskrööfur, þar
vantar salerni og böð. Mjög erfitt
er að bjóða upp á keppni, nú til
dags, þar sem ekki eru fyrir hendi
salerni hvorki fyrir keppendur eða
áhorfendur.
Svæðið við Hástein er mjög fall-
egt, og að mér virðist, vel lagað frá
náttúrunnar hendi, til að þar geti
risið fallegt íþróttasvæði. Mitt álit
er, að efna beri til hugmyndasam-
keppni um skipulagningu á svæð-
inu, þar með á að hafa golfvöllinn
og Herjólfsdal, Dalinn á að skipu-
leggja sem almenningsgarð. Þarna
gæti risið upp fallegt og vel skipu-
lagt útilífssvæði fyrir bæjarbúa,
þar á ég við fleiri en stunda íþrótt
ir. Öll væntanleg íþróttamannvirki
og jafnvel fleiri opinberar bygging
ar ættu að rísa á þessu svæði. Á
þessum stað hefur náttúran verið
mjög gjöful á allt það, sem mest
má prýða slík svæði. Að sjálfsögðu
tæki mörg ár að byggja þetta upp
og yrði hraði á framkvæmdum
ýmsu háður, svo sem peningagetu
h'verju sinni. En fyrst af öllu er að
vinna á skipulögðum grundvelli að
settu marki.
Guðmundur Guðmundsson,
form. í. B. V.
■*•■" “*~ — - ■ —----------fl iii
Loftpúðaskipið
Loftpúðaskipið eða svifskipið
eins og það mun nú almennt nefnt,
er væntanlegt hingað til Eyja, þótt
enn sé ekki ákveðið hvenær það
verður.
Til landsins komu í vetur tevir
Englendingar, Mr. Néed og Mr.
West frá fyrirtæki því í Bretlandi,
sem frarnleiðir þessa tegund skipa.
Flugu þeir með suðurströndinni,
frá Þorlákshöfn og austur fyrir ósa
Markarfljóts til að kynna sér að-
stæður við sandana og árósana.
Einnig komu þeir hingað út til
Eyja til að ákveða afgreiðslustað
fyrir skipið og töldu þeir að fjar-
an fyrir sunnan Eiðið myndi mjög
vel henta til þess.
Við þessa aðila var samið um
kostnað við komu skipsins hingað
til lands. Var samið um eina millj-
ón króna fyrir skipið miðað við 30
daga frá því það fór frá Bretlandi
og þar til það kom þangað aftur.
Kostnaðurinn var áætlaður nokkuð
hærri og tóku eigendur skips á sig
það, sesm umfram var þessa upp-
hæð. Skyldi af henni greiða flutn-
ingskostnað og vátryggingargjöld
og allt annað meðan skipið dvaldi
hér. Var áætlað, að það yrði 10
daga hér í Eyjum og 10 á Akra-
nesi.
Ábyrgðist fjármálaráðherra fyrir
hönd ríkissjóðs greiðslu umræddr-
ar upphæðar til eigenda en áskildi
sér rétt til að endurkrefja hvorn
kaupstað fyrir sig, þ. e. Vestmanna
eyjakaupstað og Akranes um allt
að 25% af þeim nettó útgjöldum,
sem verða kynnu af komu skipsins
hingað, eftir að öll fargjöld, sem
inn kynnu að koma í ferðum skips-
ins meðan að það væri í notkun
hér á landi og var notkunartími
hvern dag mjög rúmur. Er því
engu hægt að slá föstu með hver
endanlegur kostnaður þetta verður
fyrir hvort bæjarfélag fyrir sig
eða ríkissjóð.
Þegar um þetta var samið var
gengið út frá að skipið gæti kom-
ið hingað með m.s. Mánafossi um
10. maí.
Síðari hluta apríl fóru þeir Gísli
Júlíusson, verkfræðingum og Jón I.
Sigurðsson, hafnsögumaður hér,
til Bretlands til viðræðna við þá
aðila, sem með rekstur skipsins
hafa að gera. f þessum viðræðum
kom fram, að eigendur skipsins
óskuðu eftir, að það yrði yfirfarið
áður en það væri sent til íslands
og töldu, að því myndi verða lok-
ið um miðjan maí og þá tilbúið til
afhendingar.
Ábending
bæjarstjóra.
í millitíðinni skeður það, að
Magnús Magnússon, bæjarstjóri
hér, kemur á framfæri gegnum um
boðsmenn skipsins hér á landi, á-
bendingu um, að hentugra muni að
skipið komi ekki hingað fyrr en í
byrjun ágúst eða um það leyti, sem
þjóðhátíðin verður hér haldin,
sennilega vegna þess, að þá væri
meiri tekjuvon fyrir það hér í Eyj-
um.
Við Jón I. Sigurðsson höfum hins
vegar haldið því mjög ákveðið
fram, að bezti tíminn fyrir skipið
væri frá miðjum maí til miðs júlí,
og mun meiri von um góða nýt-
ingu skipsins á þeim tíma, heldur
en í ágúst, þegar allra veðra er
von og nótt farin að dimma.
Ábending bæjarstjóra virðist
hins vegar hafa fallið í allgóðan
jarðveg hjá Bretunum og koma
nokkuð vel heim við hugmyndir
þeirra um aðra nýtingu á skipinu í
sumar.
Hvað ofan á verður liggur ekki
fyrir enn, en kemur vonandi í ljós
áður en langt um líður.
Guðl. Gíslason.
L0FTPRE5SAN S. F. - auglýsir:
Höfum til leigu loftpressur, hentugar til hverskonar
borvinnu og brota, úti sem inni.
Eigum gott úrval hamra og bora.
ATHUGIÐ! Bara að hringja, svo kemur pressan, —
enginn aukakostnaður vijð flutninga.
LOFTPRESSAN S. F. - Sími 2343.