Fylkir - 15.09.1967, Qupperneq 1

Málgagn
Sjálfstæðisr’
fíokkslns
19. árgangur.
Vestmannaeyjum, 15. september 1967
23.tölublað.
S VIFS
Hið margumtalaða svifskip kom
hingað til Eyja um miðjan ágúst
s.l. og hefur það vakið athygli og
umtal bæði hér og annarsstaðar og
er það að vonum þar sem hér er
um algera nýjung að ræða í sam-
göngumálum bæði á sjó og á landi.
Fyrsta reynsluferðin var farin
frá Eyjum upp til lands hinn 15.
ágúst. Sjór var sléttur og lítið
brim við sandinn. Lent var í fjör-
unni fyrir framan bæinn Bakka og
haldið þaðan þvert yfir sandtang-
ann, sem þar er og upp í Markar-
fljót og síðan beint af auga með
stefnu á Litla-Dímon og ekki stað-
næmst fyrr en upp við Markar-
fljótsbrú. Var ýmist farið eftir fljót
inu sjálfu, aurunum, sem það renn
ur eftir eða yfir mýrartanga, sem
ná fram í aurana. Kom mönnum
mjög á óvart geta skipsins til að
ferðast með 50 til 60 kílometra
hraða við þær aðstæður, sem eru
á leiðinni neðan frá sandi og upp
að Markarfljótsbrú.
Önnur reynsluferð skipsins, þar
sem með voru blaðamenn frá öll-
um dagblöðunum í Reykjavík,
fréttamenn sjónvarps og útvarps,
bæjarstjórn Vestmannaeyja og
fleiri gestir, var farinn daginn eft-
ir hinn 16. ágúst í góðu veðri og
sléttum sjó og þá haldið sem leið
liggur frá Eyjum og upp í sandinn
nokkru fyrir austan Hallgeirsey og
þaðan eftir sandinum og staðnæmst
við túngarðinn í Hallgeirsey, en
haldið þaðan upp að Bergþórshvoli
þar sem séra Sigurður Haukdal tók
á móti farkostinum í hlaðvarpan-
um við bæ sinn. Er vafasamt að
Njáli gamla hafi nokkurntíma ór-
að fyrir að slíkt myndi ske, þó vit
ur væri og forspár.
Eftir þetta var skipið ýmist í för
um milli lands og Eyja eða ferðum
út að Surtsey og kringum Eyjarn-
ar. Yfirleitt var hagstætt veður og
sléttur sjór meðan að skipið dvaldi
hér. En sunnudaginn 27. ágúst
fékkst nægileg reynsla á getu skips
ins til þess a i fara inn og út úr
brimgarðinum við Landeyjasand.
Skipta varð um vél í skipinu
jneðan það dvaldi hér og tafði það
K I PI Ð
för þess frá Eyjum nokkuð. En
þriðjudaginn 29. ágúst var haldið
frá Eyjum og ferðinni heitið upp
að Selfossi. Gekk ferðin þangað á-
gætlega og tók rúma klukkustund
þar til lent var í fjörunni austan
við Ölfusá. Var staðnæmst þar
nokkurn tíma, en síðan haldið upp
Ölfusá yfir allar flúðir og strauma
í ánni, farið undir Ölfusárbrú og
upp á túnblett fyrir framan sýslu-
mannsbústaðinn. Var þar með að
engu gert aprílgabb Ríkisútvarps-
ins um skipakomu upp að Selfossi
og mun fáum Árnesingum hafa ór-
að fyrir á sínum tíma að svo stutt
yrði þar til slíkt skeði.
Frá Selfossi var síðan farið niður
Ölfusá og fyrir Reykjanes til
Reykjavíkur undir leiðsögn Jón I.
Sigurðssonar hafnsögumanns hér,
sem fylgt hefur skipinu og haft
leiðsögu þess á hendi frá því það
kom til landsins og þar til því var
skilað aftur.
Eftir þetta var skipið í förum
milli Reykjavíkur og Akraness eða
í styttri ferðum frá þessum stöð-
um.
Þetta er í stórum dráttum saga
þessa fyrsta svifskips, sem til lands
ins hefur komið og spurningin er.
Hvaða lærdóm og reynslu hafa
landsmenn fengið af slíku farar-
tæki?
Um nytsemd þess til samgöngu-
bóta eru án efa skiptar skoðanir
og fer þar að sjálfsögðu nokkuð
eftir aðstæðum þar sem skipið hef
ur verið reynt. Án efa mætti t.d.
finna annan farkost, sem hentaði
til fólksflutninga milli Akraness
og Reykjavíkur, og er það út af
ekkert aðalatriði.
Það sem megin máli skiptir fyrir
Vestmannaeyinga, er að skip af
réttri stærð af þessari gerð virð-
ist leysa þann vanda, sem Vest-
mannaeyingar hafa átt við að
stríða að koma sjálfum sér og bif-
reiðum sínum styztu leið upp í
sandinn og þar með í samband við
þjóðvegakerfi landsins. Reynsla sú
sem fékkst af skipinu hinn 27. ág-
úst bendir mjög til þess að það
geti fyrirhafnarlaust farið inn og
út úr brimgarðinum við sandinn
við þær aðstæður, sem mjög sjald-
an verða verri yfir sumartímann
Er því eðlilegt að kannað verði
hvort hægt sé að smíða skip af
þessari gerð, sem okkur hentar og
þá fyrir verð, sem viðráðanlegt get
ur talist.
Misnotkun
á lánsfé til vatnveituframkvæmdanna
Heildarkostnaður við verkið nam í byrjun síðasta mánaðar kr.
13.605,000,00. Á sama tíma nam ríkisframlagið og framlag bæjarbúa af
útsvörum kr. 15.560.000,00. og er þá aðeins miðað við þann hluta út-
svaranna, sem innheimtur hefur verið. Allt lánsfé til framkvæmdanna,
kr. 7 milljónir hefur því verið notað, sem daglegur eyðslueyrir fyrir bæ-
inn, þar sem ekkert mun vera fyrir hendi af því. Er þetta gróf misnotk-
un á því trausti og velvilja sem lánsstofnanir hafa sýnt þessum fram-
kvæmdum.
Vatnsveituframkvæmdirnar eru byggilegri en þær voru áður.
af öllum taldar nauðsynlegar og Bæjarbúar hafa sætt sig við veru
miða í þá átt að gera Eyjarnar enn Framhald á 3. síðu