Fylkir - 10.11.1967, Blaðsíða 4
Veðráttan: Það er vetrarlegt um
að litast þessa dagana. Hvöss suð-
vestan átt, og snjóél af og til. Sjó-
menn vona að eitthvað verði líf-
legra yfir aflabrögðum þegar næst
verður komist á sjó. Það er nú svo,
að oft er meira um fisk eftir suð-
vestan og sunnanáttir. Sjómenn
telja sem sé til bóta, að „hann”
rusli dálítið til, eins og þeir orða
það, einkum eftir langvarandi stað
viðri.
Línubátarnir: Sjóveður var hjá
línubátunum seinnipart fyrri viku
óg á mánudag og þriðjudag í þess-
ari viku. Afli var yfirleitt sára-
tregur, almennast 2-3 tonn í róðri,
’nema há Sigurgeiri á Lundanum,
hjá honum var aflinn um og yfir
6 tonn í tveim seinustu róðrunum.
Bátur og bátur hefur róið á ýsu-
slóðina hér inn og vestur, en sama
og ekkert fengið. Þó ekki sé því
að leyna að aðeins er þar líflegra
heldur en fyrst í haust. En ýsan
sem fengist hefur er smá og þar-
afleiðandi erfið í vinnslu.
Trollið: Það er alveg þurrt hjá
trollbátunum. Nær alveg sama
hvar reynt er. Eru nú margir skip-
stjórar að tala um að hætta í bili.
'Ætla að sjá til þar til í næsta mán
uði. Oft er að fiskur gengur með
desember.
Síldin: Lítið berst ennþá af síld-
inni. Gjafar kom hingað s.l. laug-
ardag með um 1500 tunnur. Var
sú síld úr Jökuldjúpinu og fór öll
í frystingu. Á þriðjudag kom svo
ísleifur IV. og Halkion með síld
úr Breiðamerkurdýpinu. Var sú
síld misjöfn, en lakari úr Halkion.
Annars er nýting á síldinni svona
55 _ 65%.
Rússar: Það vakti nokkra athygli
„niður við sjó” á miðvikudag að
sjá tvö rússnesk skip liggja hér
við festar. Var hér um að ræða,
dráttarskip og „reknetara”. Var
reknetabáturinn eitthvað bilaður,
og hafði dráttarbáturinn dregið
hann hingað til viðgerðar af síld-
armiðunum fyrir Austurlandi. Rek
netabáturinn hélt úr höfn í fyrra-
dag, en dráttar- og eftirlitsskip var
í höfninni í gær.
Nýtt skip: Það stóðu nokkrir menn
í hóp inn á bólverkinu í Friðar-
höfn og voru að virða fyrir sér
hið nýja og glæsilega skip, „fs-
leif” VE 63, er komið hafði hingað
til Eyja sl. þriðjudagskvöld. Menn-
irnir voru að dázt að hinum fall-
egu „línum” í skipinu og satt var
það, að þarna lá fallegur farkostur.
Eg brá mér svo um borð og hitti
skipstjórann, Gunnar Jónsson, að
máli. Gunnar var ekkert nema ljúf
mennskan og leiddi mig um skip-
ið og sýndi mér og fræddi um það
Veiztu þetta?
Fjölmörg svör bárust við verðlaunasamkeppninni,
sem stofnað var til milli barna og unglinga hér í blaðinu,
og var var í gær dregið úr réttum lausnum en mikill meiri-
hluti lausnanna var réttur.
Rétt svör voru þessi:
1. Herjólfur Bárðarson, Herjólfsdal.
2. Tyrkjaránið.
3. írlandi.
Dregið var um þrenn bókaverðlaun, og komu upp
þessi nöfn:
Friðrik Friðriksson, Grænuhlíð 7.
Jón Bernódusson, Kirkjuvegi 11.
Jón I. Ólafsson, Landagötu 24.
Verðlaunahafarnir mega vitja verðlauna sinna að
Vestmannabraut 53.
Um leið og Fylkir óskar þeim til hamingju með
verðlaunin, óskar hann þess, að þau verði í framtíðinni
jafn áhugasöm um sögu Eyjanna og þessi árangur þeirra
ber vitni.
ÁRSHÁTÍÐ
Skipstjóra- og stýrimannafélagsins Verðanda
verður haldin í Samkomuhúsinu, laugardaginn 11. nóvem-
ber og hefst kl. 7 e.h. með borðhaldi.
Aðgöngumiðasala í Samkomuhúsinu, fimmtudag og föstu-
dag frá klukkan 4—7.
Stjórnin.
ÞOTUSLEÐAR
2 stærðir.
HARALDUR EIRÍKSSON H. F.
sem mig fýsti. Skipið er byggt í
Rosendal í Noregi, er um 300 smá-
lestir að stærð og aðalvél er af
Stork gerð, tæplega 700 hestöfl.
Siglinga- og fiskleitartæki eru af
nýjustu og beztu gerð. Athygli
mína vakti, hve mannaíbúðir eru
smekklegar og rúmgóðar og sann-
arlega er ánægjulegt til þess að
vita hve aðbúnaður skipshafnar
er góður og um hve mikla framför
er að ræða á þessu sviði á tiltölu-
lega fáum árum. Aðspurður sagði
Gunnar, að skipið hefði reynzt vel
á heimleið. Þeir hefðu hreppt
vonzkuveður í sólarhring og hefði
þá reynt á sjóhæfni skipsins og það
„klárað” sig vel.
Sérstök ástæða finnst mér til
þess að óska hinum aldna sægarpi
og útgerðarmanni, Ársæli Sveins-
syni, eiganda þessa fallega skips,
til hamingu með það. Það er ekki
lítið átak er til þarf að láta smíða
skip, sem þetta, og ber vott um
stórhug og sýnir að Ársæll ætlar
ekki að gera það endasleppt á
þeirri braut er hann hefur gengið,
braut útgerðar og athafna. Megi
skipi og skipshöfn vel farnast, skip
ið reynast aflasælt og verða eig-
endum og skipshöfn og þá um leið
bæjarfélaginu til hagsældar.
Bj. Guðm.
FONDURNAMSKEIÐ
Sjálfstæðiskvennafélagið Eygló,
hefur efnt til föndurnámskeiðs fyr
ir meðlimi sína. Hófst það s.l.
þriðjudagskvöld í Samkomuhúsinu.
Stendur námskeiðið til jóla og er
í tvær og hálfa klukkustund ann
an hvern þriðjudag. Kennari er
frú Sólveig Karlsdóttir. Það var
reglulega ánægjulegt að líta inn á
námskeiðið á þriðjudagskvöldið.
Þarna var þéttsetinn bekkur og
sagði formaður Eyglóar, frú Gerð-
ur Tómasdóttir, að færri konur
hefðu komist að á fyrsta námskeið
inu en vildu. 'Meiningin er að á
fyrsta námskeiðinu verði kennslan
nokkuð sniðin með tilliti til jóla-
'undirbúnings, það er að kenndar
verða ýmsar jólaskreytingar og
því um líkt.
Landakirkja:
Messað næstkomandi sunnudag
kl. 2 e. h. Séra Jóhann Hlíðar pred-
ikar.
Barnaguðsþjónusta kl. 11 f. h.
Betel:
Almenn samkoma næstkomandi
sunnudag kl. 4,30.
Sunnudagaskóli kl. 1 e.h.
Ljósmyndasýning:
Nýr og áður óþekktur þáttur í
menningarlífi okkar Vestmannaey-
inga hefur skotið upp kollinum.
'L j ósmyndasýningar eru haldnar
með fárra daga millibili. Nýlokið
fer sýningu Gísla Fr. Johnsen, sem
að vísu var mjög umdeild, enda
mátti margt að henni finna. Voru
ékki allir á eitt sáttir um fram-
kvæmd þeirrar sýningar.
Nú í kvöld verður aftur opnuð
sýning á vegum flokks, sem nefn-
ir sig „Kontrast”, en flokkinn skipa
þeir Sigurgeir Jónasson, Páll Stein
grímsson, Ingólfur Guðjónsson,
Ólafur Gunnarsson og Torfi Har-
aldsson. Allt eru það svart hvítar
myndir, sem þeir sýna, og eru
myndirnar með ýmsum tilþrifum
gerðar og skemmtileg blæbrigði, er
náðst hafa í mörgum þeirra. Marg-
ar myndanna jaðra við það að fara
út í hið abstrakta, en það sýnir
bezt hvílíkt furðutæki ljósmynda-
vélin er.
Eftir að hafa augum litið sýn-
ingu þessa er tvímælalaust hægt að
mæla með henni. Kontrast-hópur-
inn hefur hér sýnt, að í Vestmanna
eyum eru til þeir menn, sem hafa
næmt auga fyrir öllum þeim fjöl-
breytileika, sem jafnvel hinn al-
gráasti hversdagsleiki getur leynt
með sér. Þessi sýning er listræn
að uppsetningu og ber höfundum
sínum gott vitni um vandvirkni og
jákvæða aðlögun að viðfangsefn-
unum. Hér er á ferðinni sýning, er
fólk ætti að sá.
Hún er í Akóges-húsinu og verð-
ur opin frá morgundeginum að
telja og til miðvikudags.
Tíl SÖlu.
Slides sýningarvél, sjálfvirk.
Upplýsingar í síma 1148.
Bingó — Bingó — Bingó
Hin vinsælu Týs-bingó, hefast n.
k. sunnudag. — Aðalvinningar:
Frystikista, sjálfvirk þvottavél,
radiofónn, eða húsgögn fyrir 15.000
krónur í eigin vali.
Aukavinningur: Hrærivél.
Allt eigulegir vinningar.
í hléinu verður tízkusýning. Æsku-
fólk sýnir tízkuföt. — Kvenfatnað-
ur frá Bjarma. — Herraföt frá AI-
föt. — Módelskór frá Axel Ó. Lár-
ussyni.
Bingóið hefst stundvíslega kl. 3
e. h.
KNATTSPYRNUFÉLAGIÐ TÝR.