Fylkir - 31.05.1968, Blaðsíða 1
Málgagn
Sjálfstæðis-
flokksins
'"lT53[
20. árgangur
Eins og mál hafa þróast má
segja, að það sé orðin nokkur mæli
kvarði á það hvort fólk telur einn
stað byggilegri en annan, hvernig
samgöngumálum staðarins er hátt-
að.
Staður eins og Vestmannaeyjar,
sem vegna legu sinnar eru slitnar
úr tengslum við þjóðvegakerfi
■landsins, hljóta alltaf að vera í
nokkuð erfiðri aðstöðu í þessu
sambandi, og fengu Vestmannaey-
ingar vissulega margt að reyna í
ferðum sínum til og frá Eyjunum
hér áður fyrr meðan Stokkseyrar-
og Þorlákshafnarferðir voru nær
einasta leiðin til að komast upp til
meginlandsins eða hingað út aft-
ur.
Á síðasta áratugnum hefur mik-
ið áunnist í þessum efnum, þó enn
sé margt ógert og hvergi megi
slaka á.
Herjólfur tók við vöruflutning-
um til og frá Eyjum og farþega-
flutningum, ef ekki var um flug-
veður að ræða og fyrir þá, sem
heldur vildu ferðast á sjó en í lofti.
Austur—vestur flugbrautin var
lengd og gerð öruggari með aðflug
og flugtak, þannig að þær vélar
Flugfélagsins, sem mestan hluta
innanlandsflugsins annast, geta
hindrunarlaust notað hana, ef veð-
ur leyfir.
Þverbrautin, norður — suður
brautin, hefur verið tekin í notk-
un og lengd það, að flugvélar með
fullfermi, eða því sem næst geta
athafnað sig á henni, ef vindstaða
er þannig og veður leyfir að öðru
leiti, en eftir er að koma henni í
fulla lengd, eins og upphaflega var
gert ráð fyrir, og einnig eftir að
koma fyrir lendingarljósaútbún-
aði við hana, þó að hljóti að verða
skoðað mjög vandlega vegna sér-
stakra aðstæðna hér, hvort taka
eigi upp flug hingað, ef nota þarf
lendingarljós. Hinsvegar hlýtur
þrátt fyrir þetta að verða fyrir
hendi fullkominn ljósaútbúnaður
við báðar brautirnar, ef um neyð-
ar, eða sérstök tilfelli er að ræða.
Allt er það, sem gert hefur verið
í þessum málum spor í rétta átt og
Vestmannaeyjum, 31. maí 1968
2. tölublað
mjög hefur bætt samgöngur við Eyj
ar. Og í sambandi við flugbraut-
irnar hlýtur að verða að því stefnt
að þær ekki einasta nægi til inn-
anlandsfarþega og vöruflutninga,
heldur einnig til að koma dýrmæt
ustu sjávarafurðum Vestmannaey-
inga á erlendan markað, flugleið-
is, ef slíkt telst fjárhagslega hag-
kvæmara.
Það sem verður að stefna að, er
að koma Eyjunum í daglegt sam-
band við þjóðvegakerfi landsins,
eins og veðurskilyrði frekast leyfa,
hvort sem það verður sjóleiðin eða
með loftbrú (flutningaflugvélum)
stytztu leið upp til landsins.
Vestmannaeyingar áttu sinn hlut
að því á síðastliðnu ári, að hing-
að til landsins var fengið eitt af
hinum svokölluðu svifskipum.
Reynsluna af því verður að telja
þá, að ef um skip af réttri stærð
væri að ræða, myndi það leysa
vanda Vestmannaeyinga yfir sum-
armánuðina, að minnsta kosti með
bifreiðar og farþegaflutninga upp
til landsins ,og væru Eyjarnar þá
komnar í beint samband við þjóð-
vegakerfi landsins. Má búast við
það örri þróun í þessum málum,
að innan skamms verði séð hvort
slík farartæki leysi vanda okkar
að þessu leyti.
Einnig er vitað, að erlendis, þar
sem aðstæður eru svipaðar og hér
er þegar farið að nota ákveðna
gerð flutningaflugvélar, sem kostn
aðarins vegna virðist viðráðanleg-
ar, til bifreiðaflutninga, og eru
þegar fyrir hendi upplýsingar um
vélar af þessari gerð, sem taka
myndu tvær til þrjár bifreiðir i
ferð upp til landsins. Einnig á sér
stað nokkuð ör þróun í þessum
efnum og hlýtur það að vera hlut-
verk forráðamanna byggðarlagsins
að fylgjast með öllum nýjungum
í þessum efnum, þar sem hin
mikla bifreiðaeign Vestmannaey-
inga kallar á aðgerðir, strax og við
unandi lausn getur talizt vera fyr-
ir hendi.
Vel af stað fanð
ÍBV sigrar Val, íslandsmeistarana í knattspyrnu, 3 mörk gegn 1, í
fyrsta leik sínum í I. deild.
Sl. laugardag lék knattspyrnulið
ÍBV sinn fyrsta leik í I. deildar
keppninni, sem nú er að hefjast.
Var það úrvalslið úr knattspyrnu-
félaginu Val í Reykjavík, sem hing
að kom, og fór leikurinn fram á
grasvellinum við Hástein. En eins
og kunnugt er sigraði Valur í I.
deildarkeppninni s. 1. ár, og hlaut
þar með íslandsmeistaranafnbót-
ina. Það þurfti því allmikla bjart-
sýni fyrirfram að ætlast til að Vest
mannaeyingarnir, sem nú léku
sinn fyrsta leik í þessari deild,
kæmu með sigur af hólmi úr
leiknum, sérstaklega þegar vitað
var, að Valur hefur æft af kappi í
vetur og leggur að sjálfsögðu allt
kapp á að halda fslandsmeistara-
nafnbótinni.
Leikar fóru samt svo, að ÍBV
vann alveg réttmætan sigur, 3
mörk gegn einu. Fyrsta mark leiks
ins skoruðu Valsmenn úr víta-
spyrnu, en ÍBV jafnaði á síðustu
mínútu fyrra hálfleiks. Stinnings-
kaldi var af aust-sumaustri og lék
ÍBV undan vindi fyrri hálfleik.
Sóttu Valsmenn fast að liði ÍBV,
sem varðist hraustlega mörgum
vel uppbyggðum og ágætum upp-
hlaupum íslandsmeistara liðsins.
En eins og fyrr segir endaði fyrri
hálfleikur með jafntefli eða einu
marki gegn einu.
Síðari hálfleikur hófst með all-
haðri sókn Vestmannaeyinga og
ágætu samspili. Virtist þetta koma
Valsmönnum nokkuð á óvart og
náðu þeir í síðari hálfleik aldrei
eins góðu samspili og í fyrri hálf-
leik. Sóknarlotur ÍBV liðsins héldu
áfram allan síðari hálfleik, með
þeim árangri að þeim tókst að
skora tvö mörk til viðbótar, þrátt
fyrir nokkurn mótvind.
Verður að telja sigur ÍBV fylli-
lega réttmætan, þar sem lið þess
var óvéfengjanlega samstilltara og
sterkara allan síðari hálfleikinn en
Vals-liðið og mörkin, sem gerð
voru komu ekki af neinni tilvilj-
un eða sérstakri heppni, heldur
sem árangur af góðu samstarfi
liðsins í heild, bæði sóknar og varn
arliði.
Eftir þ'ennan leik er full ástæða
fyrir knattspyrnuunnendur hér í
Eyjum að líta með nokkurri bjart
sýni á úrslit leikja, sem ÍBV-liðið
á eftir að leika í I. deildar keppn-
inni í sumar, og ekki ástæða til að
ætla annað en að það, ekki ein-
asta verði áfram í þessari deild,
heldur kunni það nokkuð á að
sækja. En hvað sem því líður, þá
mun þessi fyrsti leikur ÍBV við ís-
landsmeistarana á Hásteinsvellinum
s. 1. laugardag, lengi verða þeim
minnisstæður, sem á hann horfðu.
Almennur
i: bjósendnfundur
Stuðningsmenn Gunnars Thor-
oddsens halda almennan kjósenda
fund fimmtudaginn 6. júní næst-
komandi, kl. 21,00 (9,00) í Sam-
komuhúsinu.
Gunnar Thoroddsen og frú mæta
á fundinum.
Nánar auglýst síðar.
STUÐNINGSNEFND.