Fylkir - 13.05.1978, Blaðsíða 2

2
FYLKIR
Ritnefnd:
Sigurður Jónsson (áb)
Magnús Jónasson
Steingrímur Arnar
og augl.: Páll Scheving
Símar 1344 og 1129
Útgefandi: Sjálfstæðisfélögin í Vestmannaeyjum.
Offsetprentun: Prentsmiðjan Eyrún h.f.
LOKADAGUR
Lokadagurinn 11. maí er ekki lengur það tímamark,
sem hann áður var hér í Eyjum.
Á tímum opnu róðrarskipanna voru skipin sett upp
þann dag, þeim hvolft og gengið frá til geymslu yfir
sumarið undir Skiphellum eða annarsstaðar, þar sem
henta þótti. Útvegsbændur veittu mönnum sínum súkku-
laði og brennivín eftir vos og strit vertíðarinnar. Lands-
menn héldu heim til bús og bama, en heimamenn hugðu
til eggjatekju og fuglaveiða sumarsins.
Er blómlegust var hér mótorbátaútgerð og rúmt eitt
hundrað báta gekk héðan á vertíð var lokadagurinn enn
það sama tímamark, sem áður var og kappi var att
fram á síðasta dag um aflakóngstign og hæstan hlut.
Daginn þann var gleði haldið hátt á loft, sakir upp gerðar
og stilltir saman strengirnir, sem ekki höfðu fallið
saman um vertíðina.
Nú er af sem áður var, enginn tekur eftir lokadeg-
inum, hann er aðeins venjubundinn vordagur, sem mark-
ar engin afgerandi tímamót í lífi verstöðvarinnar. Lok-
in eru miður mánuður.
Ekki fer þó hjá því, að lokadagurinn veki okkur til
umhugsunar um þær miklu breytingar, sem orðnar eru
á síðustu ármn á sjósókn og aflabrögðum og þá þróun,
sem við verðum vitni að.
Einni rýrustu vertíð mn langt árabil er um það bil
að ljúka. Vertíðin í fyrra var að vísu lakari. Margt
ber til. Sjór er nú sóttur árið út. Margir okkar dug-
mestu skipstjórnarmanna hafa snúið sér að veiðum
á bræðslufiski, elta loðnu um allan sjó lungann úr
árinu. Sjósókn byrjar mun seinna en áður í upphafi
vertíðar og fáir bátar stunda veiðar með línu, þó nokk-
uð brigði til hin betra á þessari vertíð. Öll þorskveiði
var stöðvuð í vikutíma á hávertíðinni og hefði það ein-
hverntíma þótt tíðindi. Bátar hætta þorskveiðum í byrj-
un apríl og taka til við spærlingsveiðar í bræðslu. Bát-
um, sem veiðar stunda héðan hefur fkkað á sama tíma
og afli minnkar. Fiskvinnslan reynir að bæta sér upp
rýrari afla bátaflotans með kaupum á togurum.
Hrygningarstofnar eru í lágmarki og skulum við vona
að lágmarki sé náð og nú fari afli aftur að aukast. Ef
svo verður ekki, er vá fyrir dyrum.
Til að beina þeirri vá frá dyrum okkar þurfum
við að endurmeta stöðu sjávarútvegs, taka upp virka
stjórn veiðiálags með arðbæran rekstur útgerðar, hag-
kvæma vinnslu, hámark afla og arðsemi í huga.
' SJALFSTÆÐIS FLOKKURINN.
I KOSNINGA- I
SKRIFSTOFA. |
Opid daglega frá kl. 2 til 6 e.h. í
Eyverjasalnum.
Opid hús í Eyverjasalnum á föstudögum frá
. kl. 8 e.h.
Bæjarstjórn Vestmannaeyja hélt sinn síðasta fund
á þessu kjörtímabili sl. fimmtudag. Mörg mikilvæg
mál lágu fyrir þessum fundi, m. a. síðari umræða
um nýja bæjarmálasamþykkt fyrir kaupstaðinn.
Pessi bæjarstjórn hefur haldið 67 fundi á kjör-
tímabilinu og hafa alls 22 fulltrúar setið þessa fundi
S_____________________________________________>
FRft RITSÍMANUM: FERMINGARSKEYTI.
Vinsamlegast sendið fermingarskeytin tím-
anlega til að forðast óþarfa tafir og til að
tryggja að skeytin berist viðtakendum sam-
dægurs.
Móttaka skeyta er nú þegar hafin í afgreiðslu
stöðvarinnar og í símum 06, 1020, 1018, 1021 á
venjulegum afgreiðslutíma.
Afgreiðslan er opin sem hér segir:
Hvítasunnudag kl. 10 — 18.
Annan í hvítasunnu kl. 9 — 19.
Við viljum minna ykkur á að sýnishorn af
skrautskeytaeyðublöðum Landsíma íslands
eru aftast í símaskránni.
Póstur og sími, Vestmannaeyjum
AUGLYSING
um atkvæðagreiðslu utan
kjörfundar í Vestmannaeyjum.
Utankjröfundaratkvæðagreiðsla fyrir bæj-
arstjórnarkosningarnar, 28. maí n. k., fer
fram á skrifstofu bæjarfógetans í Vestmanna-
eyjum, Bárustíg 15, Vestmannaeyjum, alla
virka daga og um helgar, eftir því sem þurfa
þykir.
Vestmannaeyjum, 12. 5. 1978.
Bæjarfógetinn í Vestmannaeyjum.
Innileg þökk og kveðja til allra þeirra, sem
glöddu mig á 70 ára afmæli mínu.
Guð blessi ykkur öll.
JÓNA ÞORSTEINSDÓTTIR
Fáxastíg 2B.