Fylkir - 23.12.2007, Blaðsíða 9
FYLKIR - jólin 2007
9
hættu rekstri flyjta Axel og Dadda
skóverslun sína frá Einarshöfn við
Kirkjuveg í verslunarhús Georgs
og ráku þar sína skóbúð þar til
þau selja Steindóri og fjölskyldu
fyrirtækið eins og áður er getið.
Þegar Steindór og Bára flytja Axel
Ó. í húsnæði sitt við Bárugötu,
kaupir Hanna María apótekari
þetta húsnæði fyrir snyrtivöru-
deild en selur síðan Eyjavík ehf.
Gréta Grétarsdóttir og Heiðar
höfðu eignast Eyjavfk ehf.
Sigurður Ingi Ingólfsson stofnaði
og rak Eyjavík sem innflutnings
og smásöluverslun inná Eiði í
nokkur ár.
Nýjabíó, Garðsauki, Hrafnagil,
Hressó og Kaupangur
Næsta hús fyrir vestan Apotekið
er Nýjabíó sem nú er Hótel
Þórshamar. Þarna var enginn
rekstur þegar ég man eftir mér.
Ársæll Sveinsson er þarna með
verkun og pökkun á skreið í
nokkur ár. H. Sigurmundsson
kaupir húsið og er þar með heild-
verslun sína fram að gosi. í gosinu
hrundi húsið undan öskuþunga
og var síðar farið í það að endur-
byggja húsið sem hótel, sem það
er enn, nú í eigu Gísla Vals
Einarssonar oftast kenndur við
Brekku. Gísli Valur rekur nú Hótel
Þórshamar, Hótel Mamma,
Gistihúsið Sunnuhól og Gistihúsið
Hamar. í viðbyggingu vestan við
Hótel Þórshamar var Eyjablóm og
síðar Mánabar. Á jarðhæð Hótels
Þórshamars var fyrst Leik-
fangaverslun sem Jóhann Heið-
mundsson og Eiríkur Þorsteins-
son ráku, síðar var þar innréttaður
veitingastaðurinn Hertoginn,
Guðmundur Erlíngs og Ingi byrja
hér, síðar Tómas Sveins., Grímur
Gíslason og nú er Fjólan veitinga-
staður á þessum stað. I Garðs-
auka, sem nú hefur verið rifið, en
stóð á móti hótelinu, var afgreiðs-
la fyrir happdrætti í mörg ár.
Hressó hefur áður verið afgreid-
dur að hluta, en á eftir Hressó,
eftir gos opna Ragnar Sigurjóns-
son og Margrét Jóhannsdóttir hér
Eyjabæ sem var tískuvöruverslun
fyrir unga fólkið. Jón Ægisson
kaupir síðar af Ragga og rekur
Eyjabæ í nokkur ár. Sjöfn
Guðjónsdóttir opnar hér heilsu-
vöruverslun og endurvekur
Hressó nafnið sem hún rekur frá
1984 - 1992, þá íþróttavörudeild
frá Axel Ó. Síðan kemur hér 66°N
sem rekið var af H. Sigurmunds-
syni ehf. Á síðasta ári kaupir
Lindey ehf. húsnæðið og flytur
Linda Hannesdóttir þá verslun
sína Smart hingað frá Drífanda
eins og áður hefur komið fram.
Á móti var Kaupangur. Þar var
m.a. Jón Hjaltason lögmaður með
skrifstofu um tíma einnig Bragi
Björnsson lögmaður og Jón
Óskarsson lögmaður. Einnig var
Sverrir Einarsson tannlæknir með
stofu hér og Einar rakari sem bjó
á efri hæðini var með rakarastofu
vestanmegin neðri hæðar. Raggi
rakari tók síðar við og er enn að,
en nú aðeins vestar við sömu
götu.
Víðdalur, Þorvaldseyri,
Gunnarshólmi og
Magnúsarbakarí
Vestan megin við hornið er
Víðidalur þar sem Steingrímur
gullsmiður er í dag. Kalli bakari er
hér þegar ég man eftir mér. síðar
útibú frá Magnúsarbakaríi og þá
var Bjarni rakari í vesturhlutanum.
Einnig var Jóna Júlíusdóttir þarna
með fatabúðina Elfur sem var
útibú frá einhverri verslun í
Reykjavík. Steingrímur gullsmiður
lagði undir sig bæði plássin og er
að í dag.
í næsta húsi fyrir vestan er Einar
Lárusson, eða Einar á hjörunum
með málningarbúð og ýmislegt
smálegt, þarna vann einnig Bragi
sonur hans og þóttu þeir
furðufuglar. Síðar tóku Hallberg í
Borg og Tómas Sveinsson við
þessari verslun og ráku um
nokkurra ára skeið. Sjúkra-
samlagið lagði síðar undir sig alla
neðri hæðina og viðbyggingu
sem byggð var á milli húsana
númer 35 & 37. Sjúkrasamlagið
var hér þangað til þetta tryggin-
garform var flutt til bæjarfógeta.
Raggi rakari festi kaup á þessu
húsi og flytur rakarastofu sína og
er hér í dag.
Sigmundur Andrésson, sem tók
við af tengdaföður sínum með
Magnúsarbakarí, kaupir Gunnars-
hólma eða Vestmannabraut 37 til
niðurrifs og byggir hér nýtt og
glæsilegt bakari og verslun á
jarðhæð og íbúð fyrir sig á efri
hæð. Eftir að rekstri Magnúsar-
bakarís er hætt, kaupir Jón Ingi
Guðjónsson neðri hæðina og
opnar hér blóma, gjafavöru og
húsgagnaverslun undir nafninu
Heildsalinn Vestmannabraut 37.
Norðan megin við Vestmanna-
brautina, frá Viðey að Skuld, eru
ekki verslanir á árinu 1955 en lík-
lega 1957 kaupir Þorsteinn Þ.
Víglundsson kálgarða og lóð frá
Sandfelli og þar er byggt
núverandi hús númer 38 fyrir
mjólkurbúð og Sparisjóðinn á
neðri hæð en íbúð á efri hæð.
Mjólkurbúðin og Adam og Eva
Mjólkurbúð er hér alveg fram að
gosi, en eftir gos er farið að selja
mjólk og mjólkurvörur í almen-
num matvöruverslunum. Spari-
sjóðurinn er hér þar til flutt er í
núverandi húsnæði við Bárustíg.
1962. Ýmsar verslanir og skrifsto-
fur hafa verið í þessu húsi til
dagsins í dag, Adam & Eva tísku-
vörur var verslun sem Guðmunda
Hjörleifsdóttir og Marthea
Guðmundsdóttir stofna og síðar
Guðjón Hjörleifsson og Rósa
Guðjónsdóttir. Örn Ólafsson og
Hrefna kaupa húsið fyrir Vörusölu
SÍS, upplýsingamiðstöð ferðamála
og ferðaskrifstofu. Silla Sigmars-
dóttir tekur við og rekur um
skamma hríð. Síðar kemur
Gumma með Volare, Eyjatölvur
og Vodafone og nú síðast er hér
Dótakistan sem Hólmgeir og
Jóhanna reka. Volare snyrtivörur
eru hér í stuttan tíma en flytja svo
í næsta hús fyrir austan sem var
ekki til fyrr en Sigmundur bakari
kaupir Sandfell og rífur, til þess að
byggja húsnæði sem átti að vera
nokkurs konar verksmiðja í
brauðgerð með kjötfyllingum og
pylsum. Simmi var búin að
tryggja sér vélar og ég fór með
honum til Reykjavíkur að tala við
S.S. og auglýsingastofu, en ekkert
varð úr þessu ævintýri hjá Simma.
Þegar samstarf sona Simma um
rekstur Magnúsarbakarís hættir,
flutti Bergur í þetta hús og fór að
baka undir Vilbergs nafninu. Þar
voru síðan innréttaðar íbúðir á
efri hæðini og seldar. Síðar var
hér Eyjablóm sem áður hafði
starfað á Hótel Þórshamri, og ein-
nig í Hólshúsi. Eftir að Eiríkur bló-
masali hætti, var hér unglinga-
miðstöðin „Húsið" en gekk ekki.
Volare er hér í dag eins og áður er
nefnt.
Margir hafa verið með
rekstur í Vöruhúsinu
Sunnanmegin er Vöruhúsið með
mikla og langa sögu í verslun og
þjónustu á báðum hæðum.
Bæjarbúðin var með Sigga á
Laugarlandi og Trausta Jónsson
innanbúðar. Þarna var matvöru-
búð með kjötvinnslu og eftir að
Siggi dó fór að halla undan og var
Bæjarbúðini lokað. Bæjarbúðin
var í austurhluta hússins, síðan
kom sér inngangur fyrir efri
hæðirnar, þar sem voru 3-4
íbúðir, síðar verbúðir, en stóð svo
tómt í nokkur ár eða þar til skrif-
stofur Hraðfrystistöðvarinnar
fluttust þangað. Síðar tölvu-
fyrirtæki, tölvuver, félagsmiðstöð
og fjarkennsla, og í dag er efri-
hæðin orðin hluti af Café María,
kallað Conero, bar og veitin-
gasalur. f vesturendanum og upp
með Skólavegi man ég ekki hvað
var þegar Bæjarbúðin var. Erna
Óskarsdóttir og Kári Óskarsson
opna hér mjög glæsilega snyrti-
og tískuvöruverslun. Þar voru
speglar um alla veggi og
búðaborð voru bara rör og gler,
þvílíkt og annað eins hafði ekki
sést í Eyjum. Síðar opnar Kurt hér
sjoppuna sína Búr sem hann fly-
tur síðar á Gimli. Loftur Magnús-
son opnar hér útibú frá Þing-
völlum sem síðar varð Versl.
Guðjóns Scheving eins og reynd-
ar áður er getið. Loftur og Guðjón
gáfust upp og allt endaði í
gjaldþroti. Hér fór allt á uppboð
og flest var selt.
Þetta pláss stendur autt í nokkurn
tíma en haustið 1971 opna þeir
Magnús Jónasson og Sigurður
Jónsson Eyjakjör matvöruverslun
og reka hana fram að gosi. Eftir
gos opna Bjarni Sighvatsson og
Halldór Ingi Guðmundsson
raftækjaverslunina Kjarna. Síðar
taka Sigursteinn Óskarsson og
Sigríður Óskarsdóttir við rek-
strinum og reka í nokkur ár
saman en Sigga kaupir Sigurstein
út úr rekstrinum, en gefst upp og
hættir rekstri. Jón Ingi Guðjóns-
son og Steinunn eru hér með
„Flott og flippað" um tíma. Aftur
stendur þetta pláss autt, en þá
kaupir Rannveig Hreinsdóttir hús-
næðið af Hraðfrystistöðinni og
breytir í veitingastað og nefnir
Café Maria. Rannveig rekur Café
Marfa í nokkur ár, en selur síðan
núverandi rekstraraðilum Brandi
ehf. sem er í eigu þeirra hjóna
Stefáns Ólafssonar og Helenu
Árnadóttur. Brandur ehf. hefur nú
eignast allt húsið og breytt efri
hæð í bar og veitingasal, sem
viðbót og nefna Conero. í
suðurhluta neðri hæðar, þar sem
inngangur er núna fyrir Conero,
var Oddgeir Kristjánsson með
bókasölu um tíma og einnig var
hér útibú frá Félagsbakaríinu eða
Vogsabakaríi um nokkura ára
skeið. Ingunn í Skuld seldi skart-
gripi frá Guðmundi Andréssyni af
og til. Það sem eftir er af Vest-
mannabrautinni, voru ekki og
hafa ekki verið verslanir.
Myndin tók Sigurgeir árið 1980 íversluninni Mozart. Frá vinstri; Inga Andersen, Kolbeinn Ólafsson og
Maria Njálsdóttir.
Myndina tók Sigurgeir árið 1982 og sýnir þrjá viðskiptamenn á spjalli fyrir utan Blaðaturninn. Frá vinstri, Ragnar Sigurjónsson, Guðjón
Hjörleifsson og GísliJónasson.
kennslu. Skömmu eftir að þeir