Skátablaðið - 01.12.1953, Blaðsíða 13
íslenzku rekkarnir á R. S. mótinu í Sviss, 1953.
ræðir, er lítið timburhús í stórum trjágarði,
og var þetta hvorttveggja nýkomið í
þeirra eign. Þessi var samastaður okkar á
meðan við dvöldumst í borginni. Skátarn-
ir þrír, sem tóku á móti okkur, sýndu okkur
síðan alla borgina þessa daga. Meðal ann-
ars, skoðuðum við dýragarðinn, en hann er
sá elzti í Evrópu. Einnig var okkur sýnd
vínverksmiðja ein mikil, en einn þremenn-
inganna er framkvæmdastjóri hennar, og
síðast, en ekki sízt, skoðuðum við Sauter-
verksmiðjurnar, en þær framleiða ýmiss
konar rafmagnsáhöld í stórum stíl.
Mánudaginn þ. 10. fórum við af stað til
Parísar. Sú ferð var heldur viðburðarsnauð,
að öðru leyti en því, að hitinn ætlaði okk-
ur lifandi að drepa, enda komst hann um
tíma upp í 50 stig, lygilegt, en satt.
Sólarhringinn áður en við komum, hafði
staðið yfir allsherjarverkfall og stóð sums
staðar enn. Við stigum af lestinni á brautar-
stöð nyrzt í borginni, tókum þar leigubíl
og ókum síðan þvert í gegnum borgina til
væntanlegs dvalarstaðar okkar, en það var
í garði einum miklum, sem tilheyrði stórum
heimavistarskóla, og er þetta eins konar
gististaður fyrir skáta, að sumrinu til. Þarna
lágum við allir í sama tjaldi þær fáu nætur,
sem við dvöldumst þarna. í París er, eins og
allir vita, ákaflega margt að sjá, bæði fagurt
og ófagurt. Við reyndum að skoða eins
mikið og við gátum þá tvo daga, sem við
dvöldumst þarna, og varð okkur sæmilega
ágengt í javí efni. Þarna í garðinum, sem
við dvöldumst, voru margir franskir skátar
samtímis okkur, en lítið gátum við rætt við
SKÁTABLAÐIÐ
29