Skátablaðið - 01.04.1959, Blaðsíða 17

í HafnarfírSí
19. l'ebrúar 1959 voru liðin átta ár i’rá
stofnun Hjálparsveitar Hraunbúa í Hafnar-
firði. Tilefni stofnunar sérstakrar sveitar,
eða flokks, eins og hópurinn var kallaður
áður, var þessi:
Eins og mörgum er kunnugt, voru skátar
í Hafnarfirði beðnir aðstoðar í sambandi
við Geysis-flugslysið árið 1950. Það voru 7
skátar, sem fóru til Hornafjarðar í þeim
tilgangi að ljá aðstoð sína, ef eitthvað væri
hægt að gera til hjálpar. Eftir þessa ferð,
sáum við hve nauðsynlegt var að hafa
ákveðna menn til að senda út, ef um slys
eða leit væri að ræða. Var svo hjálparsveit-
in stofnuð, sem áður er greint frá.
Hjálparsveitin hefur frá upphafi starfað
af miklum krafti, og ávallt haft á að skipa
mörgum færum og ósérhlífnum piltum, sem
hafa skilið hlutverk sitt fullkomlega. Stúlk-
ur hafa líka rétt þess til að gerast meðlimir
sveitarinnar, og hafa þær veitt mikla og
góða aðstoð við störf hennar.
Á þessum árum og fram að þessum tíma
liafa farið fram um 40 fundir, sem bæði
eru fræðslu- og skemmtifundir. Hafa þá
oft verið fengnir sérmenntaðir menn, svo
sem læknar, lijúkrunarkonur og fjallagarp-
ar, til þess að flytja erindi og kenna hjálp í
viðlögum. Þá hafa verið farnar margar
kynnisferðir, t. d. í slökkviliðsstöðvar, flug-
velli o. fl.
Á þessum tíma hefur sveitin verið köll-
uð út 28 sinnum í ieitir og á slysstaði, og
oft höfum við þurft að dvelja 2—3 daga í
einu á slysstað. Þá hafa verið farnar 20
æfingaferðir, á fjöll, jökla, æft bjargsig,
farnar skíðaferðir og sundíþróttin iðkuð.
Einnig hafa verið námskeið í margs konar
störfum, sem koma að góðum notum fyrir
hvern meðlim sveitarinnar.
Einkunnarorð sveitarinnar er: „Vertu við-
búinn“. Má það til sanns vegar færa, að svo
sé urn hvern og einn meðlim sveitarinnar.
Hvenær sem beiðni hefur komið um að-
stoð, hefur sveitin brugðið fljótt við og
verið tilbúin á skömmum tíma. Hjálpar-
tæki, sem sveitin liefur yfir að ráða, eru að
vísu ekki margbrotin eða mörg, en við er-
um bjartsýnir með fjölgun þeirra.
Meðlimir hjálparsveitarinnar eru um 60.
Þar af má telja um 40 virka meðlimi, sem
hægt er að leita til um aðstoð hvenær sem er.
Á síðastliðnu ári tóku meðlimir sveitar-
innar í notkun sérstaka lilífðarblússu (ano-
rak), sem er dökk með gulum herðalista.
Eru þetta heppilegir litir, vegna þess að
þá má greina í mikilli fjarlægð. Þá hefur
sveitin notað sérstök hjálparsveitarmerki,
til þess að bera á skátabúning og á hlífðar-
blússunum. Þessi merki okkar hafa nýlega
hlotið staðfestingu B.Í.S..
Ég vil svo ljúka þessum orðum mínum
með þeirri ósk, að sami skátaandinn, sama
fórnfýsin og sama samstarfið, megi ávallt
SKÁTABLAÐIÐ
35