Skátablaðið - 01.04.1959, Blaðsíða 19
3. farrými á einhverju skipi. 1 Englandi
lieldur hinn þýzki kunningi okkar áfram
sem áður. Frá einum staðnum til annars,
dvelur á „heimilum" að næturlagi, en
skoðar það, sem honum þykir markverðast,
þess á milli. Hann er frjáls ferða sinna eins
og fuglinn fljúgandi. Hann getur breytt
ferðaáætluninni hvenær sem hann lystir.
Hann þarf ekki að streitast við að hlaupa
uppi járnbrautarlestir eða langferðabíla á
tilsettum tímum og heldur ekki að borga
háa hótelreikninga.
Þetta er ódýrasti mátinn að ferðast á, en
auðvitað má finna millileið, t. d. ferðast
með járnbrautum eða bílum og gista á
,,heimilum“. En á þann hátt verður ferðin
alltaf dýrari og dýrasta og efsta stigið er
það, sem íslendingurinn oftast miðar við.
Dýrari farseðlar, mikill og dýr gjaldeyrir,
dýr gisting, dýrt fæði og oft dýrar skemmt-
anir.
Ferðalag eins og það, sem áður var lýst
og ódýrast er, er að sjálfsögðu ekki á allra
færi. Það er oftast erfitt og krefst reynslu
og þroska. En eitt má benda íslenzkum
skátum, og þá aðallega skátaforingjum og
rekkum, á, og það er sú staðreynd, að það
er liægt að ferðast ódýrt sem skáti erlendis,
ef skynsamlega er að farið. Skátaforingjar,
sem í liði sínu hafa skáta, sem náð hafa
þeim aldri og þroska, að þeir hafi gagn af
utanferðum og eru til þeirra hæfir, skyldu
hafa í huga hvaða möguleikar og tækifæri
standa þeim til boða.
I. B.
SKÁTASKEYTI.
Vorfermingum er nú lokið að mestu. Hefur í
þetta sinn áþreifanlega orðið vart við, að skát-
arnir hafa reynt nýja fjáröflunarleið, þar sem
eru „Skátaskeytin", heillaskeyti skáta á ferming-
ardag. Hin ýmsu skátafélög úti á landi, t. d. í
Keflavík, Borgarnesi, Akranesi o. fl. hafa að vísu
selt skátaskeyti mörg undanfarin ár, en þetta er
í fyrsta sinn, sem skátafélögin í Reykjavík fara
þessa leið. Auglýst var af miklu kappi í útvarpi
og blöðum, enda samkeppni mikil.
Ágóðanum af skátaskeytunum hyggjast. skáta-
félögin í Reykjavík verja til byggingarfram-
kvæmda. Þegar hefur fengizt lóð í Vesturbænum,
vestur af Neskirkju, og mun ætlunin að hefjast
lranda nú í sumar. Er hér um að ræða áfanga-
byggingu með flokksherbergjum og stærri sal til
sveita- og deildafunda.
Skátaheimilið við Snorrabraut er fyrir löngu
orðið of lítið fyrir ört blómgandi starfsemi skáta-
félaganna í höfuðborginni og hafa ýmsar deildir
þegar flutt þaðan út í hverfin. Starf þeirra fer
nú fram í húsnæði af ólíkasta tagi. Sumir flokk-
anna halda fundi í heimahúsum, sumir í hús-
næði, sem bæjaryfirvöldin hafa lánað, og enn
aðrir í bílskúrum og öðru ófullkomnu húsnæði.
SKÁTABLAÐIÐ
37