Skátablaðið - 01.08.1959, Side 16

A.NGT er síðan farið var fyrst
að tala um sumarbúðir fyrir
skáta, þar senr kennd væru
ýmis skátafræði viðvíkjandi
starfi. Síðastliðinn vetur ákvað i>. í. S.
að gera tilraun með slíkar tjaldbúðir í
fyrsta skipti sumarið 1959. Skyldu þær vera
á tveimur stöðum, stúlkur við Fossá, dreng-
ir í Borgarvík, 30 á lrvorum stað, þegar
fullskipað væri. Var í fyrstu gert ráð fyrir,
að félögin hefðu sína vikuna hvert, en sakir
lítillar aðsóknar varð þetta aðeins ein vika.
Þátttakendur voru alls 37, piltar og stúlk-
ur víðs vegar að af landinu. Ekki þótti
taka að skipta svo fáum fyrir eina viku
í tvennar tjldbúðir. Þess vegna voru hafðar
einar í Borgarvík.
Fræðslunefnd B.Í.S. hófst þegar handa
um undirbúning. Voru ráðnir tveir for-
ingjar, Ágúst Þorsteinsson, S.F.R., og Pálína
Sigurbergsdóttir, K.S.F.R. — Skátafélag
Reykjavíkur lánaði tjöld og ýmis áhöld.
Laugardaginn 11. júlí hófst dvalartím-
inn. Allur matur var þá kominn niður í
Borgarvík og lokið við að tjalda þremur
stærstu tjöldunum. Fyrsta verkefnið var þá
að tjalda minni tjöldunum og koma öllu
fyrir. Sóttist það vel, þrátt fyrir óhagstætt
veður, vegna dugnaðar skátanna.
Þá var strax skipt í flokka og haft það
íyrirkomulag, að meðlimir hvers flokks
skiptust á að vera flokksforingjar og kokk-
ar.
Daginn eftir, sunnudag, var bezta veður.
Þegar hinum venjulegu dagskráratriðum
hafði verið framfylgt, var farið í göngu-
ferð um nágrennið. Gengið vestanvert við
Úlfljótsvatn, niður að Þingvallavatni og
I.oðhúfuhellir skoðaður. Á heimleiðinni var
komið við á Efra-Sogi, og síðan haldið suð-
ur með vatninu.
Dagskráin var með svipuðu sniði alla
vikuna. Má sem dæmi nefna mánudag:
Kl. 7.00 fótaferð
— 7.30 morgunleikfimi
— 7.45 þvottur
— 8.00 morgunmatur
— 9.00 tjaldskoðun, fáni
— 10.00 foringjafundur
— 10.30 flokksfundur
— 12.30 matur
— 14.00 könnunarleiðangur
— 19.00 matur
— 21.00 kvöldvaka
— 23.00 kyrrð.
Oftast klæddust allir gallabuxum og an-
orökum, ,en þó var skylt að vera í full-
komnum búningi í tjaldskoðun og við
fána.
Helzt var kennt, eins og áður er nefnt,
það sem viðkemur útistarfi, t. d. meðferð
prímusa og matreiðsla. Hvíldi hún að
mestu leyti á herðum Pálínu. Hver flokkur
eldaði fyrir sig, þannig, að eldhústjaldið
var hólfað í 0 hluta með steinum. Hver
flokkur bjó til borð, stóla og hillur úr
fjölum og mismunandi stórum steinum.
Eins og nærri má geta var hörð samkeppni
milli flokkanna, hver hefði fínasta eldhiis-
ið og hjá hverjum væri bezti maturinn.
Kokkarnir (einn yfirkokkur og tveir hjálp-
arkokkar í hverjum flokki) byrjuðu elda-
mennskuna fyrir allar aldir á morgnana.
Öllu þurfti að láta Pálínu bragða á, meira
að segja kartöflunum.
Kennsla var í mælingum og áttavita.
Hana hafði Ágúst aðallega á hendi. í sam-
56
SKÁTABLAÐIÐ