Skátablaðið - 01.08.1959, Side 17

bandi við áttavitakennsluna var farið í
mjög skemmtilegan leik. Hver ílokksforingi
fékk kort og bréf á foringjafundi, sem
hann sýndi meðlimum á flokksfundi. Lögð
hafði verið leið fyrir hvern flokk, ýmist á
næstu bæi eða niður að Ira- og Ljósafossi.
Þeir áttu að fá allar hugsanlegar upplýs-
ingar um endastaðinn, athuga allt, sem
fyrir kæmi á leiðinni, og safna ýmsum jurt-
um. Tókst þetta í alla staði vel, allir lentu
á réttan stað, en fengu misjafnar móttök-
ur á bæjunum. Við varðeldinn sama kvöld
sögðu flokkarnir ferðasöguna, og kenndi
þar margra grasa.
Haldin var sameiginleg kvöldvaka með
Kvenskátaskólanum, keppt í handbolta og
fótbolta við Vinnuskólann og háður við
hann Indíánaleikur út við Fossá, er endaði
með friðarvarðeldi um kvöldið. Honum
stjórnaði Björgvin Magnússon, en hann
hafði, ásamt Vinnuskólanum, reynzt Sum-
arbúðunum mjög vel.
Foringjar Sumarbúðanna og aðrir, sem
að þeim stóðu, eru sammála um, að þessi
fyrsta tilraun hafi gefizt vel, og sjálfsagt
að reyna aftur næsta sumar, í von um að
þátttaka verði meiri. Skátahópurinn í
Borgarvík sýndi mikinn dugnað, þrátt fyrir
frumstæð skilyrði og vont veður. Hann
sannaði, að íslenzkir skátar eru ekki dauðir
úr öllum æðum.
P. Sig.
Foringjaskólinn:
Skólann sóttu 51 nemandi frá 10 stöðum
á landinu. Allir voru nemendur ungir að
árum, eða frá 14—17 ára, en samt sem áður
mjög samstilltur og góður hópur, þar voru
vissulega mörg góð foringjaefni. Flrefna
Tynes veitti skólanum forstöðu, henni til
aðstoðar voru 2 ungir skátaforingjar frá
Úlfljótsvatni, þeir Hallgrímur Sveinsson og
Óli Kristinsson. Auk þess komu ýmsir góðir
menn og kenndu dag og dag. Má þar nefna
Björgvin Magnússon, Ingólf Blöndal, Pál
Gíslason, Þorvald Þorvaldsson, sr. Braga
Friðriksson, Jón Pálsson, báðir frá Æsku-
lýðsráði Reykjavíkur, og föndurkennara
frk. Ingveldi Sigurðardóttur, einnig frá
Æskulýðsráði. Einnig kom sr. Bragi Frið-
riksson austur og messaði á sunnudaginn.
Af nemendunum voru 36 stúlkur og 15
piltar; voru 11 frá Akranesi, 12 frá Kven-
skátafélagi Reykjavíkur, 7 frá Hraunbú-
um, Hafnarfirði, 1 stúlka frá Borgarnesi,
4 frá Vestmannaeyjum, 2 frá Hveragerði,
2 frá Bolungarvík, 3 frá Akureyri, 8 frá
Siglufirði, 1 frá Kópavogi.
Samtök „Gamalla skáta“.
Víða erlendis tíðkast það, að menn og konur,
er hafa verið skátar á unga aldri, myndi með
sér samtök í anda skátahreyfingarinnar, bæði til
að minnast gamalla daga og til að styðja skáta-
foringjana, sem oft eru mjög störfum hlaðnir.
Fyrir nokkru voru stofnuð slík samtök „Gam-
alla skáta“ hér á landi og hafði Franch Michel-
sen forgöngu um þetta mál. Nýlega var haldinn
framhaldsstofnfundur og kosin stjórn. Formaður
er Daníel Gíslason, fyrrverandi félagsforingi, og
með honum eru í stjórn: Gísli Sigurðsson og
frú Asta Þorgrímsdóttir. Verið er að semja lög
og starfsreglur fyrir félagið og mun annar fund-
ur haldinn í þessum mánuði. A framhaldsstofn-
fundinum mætti Odd Hopp, en hann er ritari
samtaka gamalla skáta í Noregi, og skýrði fyrir-
komulag þessarar starfsemi í heimalandi sínu.
Læknir: „Ég hef rannsakað yður vandlega.
Allt sem þér þarfnist er hvíld.“
Iíona: „En, herra læknir, ég verð að fá meðul.
Sjáið bara tunguna.“
Læknir: „Já, hún þarfnast einnig hvíldar."
SKATABLADIÐ
57