Skátablaðið - 01.01.1960, Blaðsíða 22

ForinájanáinskeiS 4 Skagasírönd
T-.AÐ var laugardaginn 31. október 1959,
að við, tveir foringjar úr K.S.F.R., mætt-
um úti á flugvelli með allt það dót, sem
hugsanlegt var að við gætum notað á þriggja
daga skátaferðalagi norður í land. Ætlunin
var, að við héldum foringjanámskeið á
Anna Kristjánsdóttir
deildarforingi.
Skagaströnd, en þar var seinni partinn í
fyrravetur stofnað skátafélagið „Sigurfari“.
Klukkan var orðin þrjú, þegar við lögð-
um af stað með flugvélinni Glófaxa, en
ætlunin hafði verið, að við legðum af stað
klukkan eitt. Fyrst flugum við til Sauðár-
króks og svo þaðan beint til Blönduóss, en
þar sem veðrið var ekkert afbragðsgott, þá
tók ferðin all-miklu lengri tíma en venju-
lega. Þegar á Blönduós kom, var það ákveð-
ið, að ekki skyldi flogið lengra um kvöldið,
og við prísuðum okkur því sælar fyrir að
vera komnar á okkar ákvörðunarstað. Einn-
ig get ég ekki stillt mig um að geta þess, að
fegnar vorum við að hafa aftur fast land
undir fótum, því að okkur fannst flugferðin
ekki beinlínis hrífandi í þessu veðri. Og
það var blátt áfram dásamlegt að hossast í
bílnum þennan spotta inn á Blönduós.
Þegar þangað kom var klukkan orðin
hálf-sex. Við vorum, sem sé hér um bil fjór-
um tímum of seinar. Við sátum nú þarna í
bílnum fyrir utan flugafgreiðsluna á
Blönduósi, og ég var einmitt að stinga upp
á því við Ástu, að við leituðum á náðir
sýslumannsins undir því yfirskyni, að við
værum óskilagripir. En þá var sagt fyrir
utan bílinn: „Góða kvöldið og velkomnar".
Þar var kominn félagsforinginn frá Skaga-
strönd, Ingólfur Ármannsson. Og við vorum
þá ekkert að tvínóna við þetta, heldur
skiptum um bíl í hvelli, ásamt hafurtask-
inu, og svo brunuðum við af stað út á
Skagaströnd.
Þegar við komum þangað, héldum við
beint í skólann, sem er nýbyggt og mjög
skemmtilegt hús. Við héldum námskeiðið
þar, vegna þess að húsnæðið, sem skátarnir
hafa fengið til afnota, var ekki komið í
lag. Þar voru þá komnir 19 foringjar á
aldrinum 13—16 ára, 4 drengir og 6 stúlkur
frá Skagaströnd, og fimm drengir og fjórar
stúlkur frá Blönduósi, en þar liefur skáta-
félag nýlega verið endurreist.
Eins og áður var getið, var þetta laugar-
dagskvöld, og svo stóð á, að kvikmyndasýn-
ing var í samkomuhúsinu þetta kvöld, og
það er víst síður en svo daglegur viðburður.
Skiljanlega langaði krakkana í bíó og þess
vegna ventum við okkar kvæði í kross, og
höfðum sambland af kvöldvöku og kennslu
frá kl. 6 til 8, í staðinn fyrir frá 8 til 10.
Síðan fórum við öll í bíó og sáum Walt
Disney’s mynd og svo Roy Rogers mynd á
eftir.
Þegar þessu var lokið, fórum við heim
til Þórðar Jónssonar, sem er aðstoðar félags-
foringi þarna, en þar sváfum við og borð-
16
SKÁTABLAÐIÐ