Skátablaðið - 01.04.1960, Blaðsíða 24
*----------------------
MÓT í SUMAR:
V---- ------------------
Landnemamót 1960
í Laugardal, Árnessýslu
Qíðastliðið sumar hélt Landnemadeild
S.F.R. skátamót i Hvannagjá á Þing-
völlum. Mót þetta heppnaðist vel, en þar
dvöldust milli 30 og 40 skátar úr S.F.R. Á
laugardag var veður nokkuð gott, en þann
dag hófst mótið, og var þá haldinn varð-
eldur. Rétt í þann mund er honum var lok-
ið og við ætluðum að fara að sofa, byrjaði
að rigna og daginn eftir er við vöknuðum
Stjórnendur landnemamótsins s.l. sumar; talið
frd vinstri: Arnfinnur M. Jónsson, Jón Stefán
Arnórsson, Þórður Adolfsson og Gylfi Þ. Magn-
ússon.
var enn ausandi rigning. Rigndi allan dag-
inn eins og hellt væri úr fötu. Var því ekki
annað að gera en að hýrast í tjöldunum.
Þá kom okkur þegar í hug að halda annað
Landnemamót næsta sumar og þá yrði
veðrið að vera betra. Vorum við með hug-
leiðingar um að halda fjögurra daga mót,
en öðrum fannst það heldur miklir loft-
kastalar. Nú hefur verið kosin undirbún-
ingsnefnd, fengið leyfi stjórnar S.F.R. og
undirbúningur hafinn af fullum krafti.
Einn sunnudaginn fór undirbúningsnefnd-
in austur í Laugardal og valdi þar mótsstað.
Mótstíminn er dagana 18.—21. júní.
Áætlaður þátttökufjöldi er unt 100 skátar
víðs vegar af landinu. Dagskrána er þegar
búið að semja í stórum dráttum. Þar er
gert ráð fyrir einum eða tveim útileikjum,
jafnvel næturleik en það fer auðvitað allt
eftir veðri. Umhverfið er einkum vel fall-
ið til skátamóts — en sjón er sögu ríkari,
fjölmennum á Landnemamótið í Laugar-
dal. Undirbúningsnefnd.
ALÞJÓÐARÁÐSTEFNA KVENSKÁTA
Um þessar mundir er haldin 17. alþjóða-
ráðstefna kvenskáta í Aþenu, Grikklandi. Lengi
vel leit út fyrir að Island mundi ekki geta sent
neinn fulltrúa á ráðstefnu í svo fjarlægu landi,
en kostnaður við slíkt ferðalag er skiljanlega
mikill. En með hjálp ýmissa velviljaðra aðila,
m. a. Flugfélags Islands, hefur tekizt að kljúfa
kostnaðinn. Fulltrúi Islands verður því frú
Áslaug Friðriksson. Munum við biðja hana að
skýra frá ferðalaginu í næsta blaði.
38
SKATABLAÐIÐ