Skátablaðið - 01.07.1960, Blaðsíða 5

um og flokksmeðlimirnir eru og látið hvern
meðlim hafa lykil að einum lás. Þá er
tryggt að það er aðeins hægt að komast í
kistuna, ef allir meðlimir flokksins eru við-
staddir, en það hefur sína kosti. Eða hafið
þið útbúið ykkur samsett „totem“, þar sem
hver flokksmeðlimur á ákveðinn „kubb“
og sérhver nýr meðlimur bætir þá einum
nýjum „kubb“ í viðbót? Viljið þið ef til
vill heldur hafa það vörðu, þar sem hver
meðlimur leggur til einn stein? En hafið
þið fundið stað í nágrenninu, sem enginn
veit um nema þið, þar sem þið gætuð hitzt
á leynifundum?
Þetta eru aðeins fáeinar ábendingar, en
möguleikarnir eru ótæmandi fyrir ykkur,
hvort sem þið heitið Léttfetar, Ernir, Fjól-
ur, Dúfur eða eitthvað annað. Reynið það
sem þið getið, til að gera flokkinn ykkar
sterka undirstöðu í ykkar félagi og skapa
þannig bæði flokknum og sveitinni ykkar
góð lífsskilyrði.
Ég get bent ykkur á, að nýlega hélt sænsk-
ur skátaflokkur upp á 30 ára starfsafmæli
sitt. Því ættum við ekki að geta gert eins?
Nú skora ég á ykkur að vinna svo að skipu-
lagi og starfi flokks ykkar, að hann geti
lifað eins lengi og lengur en þessi sænski
skátaflokkur í höndum þeirra sem á eftir
ykkur koma.
En hvað sem þið gerið, þá munið að hafa
það í anda skátaheitsins og skátalaganna
og hafið hugföst orð B.-P.: „að það er mest
undir ykkur sjálfum komið, hvað sveitin
ykkar gerir.“
AUGLÝSINGAR
Kommóða er til sölu hjá undirritaðri, sem er
grænmáluð með fjórum skúffum.
*
Stúlka óskast í vist, sem kann að sjóða og passa
börn. — Upplýsingar á Úlfagötu 2.
7. HEIMSMÓT REKKASKÁTA 1961-’62.
Næsta heimsmóti Rekkaskáta hefur verið val-
inn staður x Clifford park í Victoria-ríki í
Ástraliu. Victoria-ríki er syðsta ríkið á megin-
landi Ástralíu. Mótsstaðurinn er ekki langt frá
borginni Melbourne. I-Iann er einkennandi fyrir
ástralskt landslag. Þar er rnikið af runnum, og
auk þess er staðurinn umkringdur fallegum
fjöllum í fjarlægð. Hann liggur á bakka árinnar
Yarra, þar sem skátunum mun gefast næg tæki-
færi til að kæla sig í hitanum, sem ekki er svo
lítill í þessum hluta heims.
Mótið er haldið í desember-mánuði 1961 og
lýkur í janúar 1962. Þetta er í fyrsta skipti, sem
eitt af stærstu skátamótunum er haldið í suður-
álfunni.
Áætlanir eru allar vel á veg komnar og er
reynt að gera skátunum kleift að sjá eins mikið
og mögulegt er af þessu fallega landi. Staðurinn
mun vera paradís fyrir Ijósmyndara og áhuga-
menn um náttúrufræði og dýralíf. Siglt verður
á seglbátum, heimsóttir merkisstaðir, verksmiðj-
ur og annað markvert.
Ástralíuskátar bjóða íslenzka skáta sem aðra
velkomna til Ásralíu og láta í ljósi óskir sínar
um, að mótið gefi ný tækifæri til aukins sam-
starfs og vináttu.
KYIKMYNDIR
Á skrifstofu B.Í.S. eru oft á ferðinni skáta-
kvikmyndir ýmis konar. Ættu félögin að nota
sér þær. — Skrifið eða hringið á skrifstofu B.Í.S.
og kynnið ykkur málið.
SKATABLAÐID
43