Skátablaðið - 01.07.1960, Blaðsíða 12
fánahyllingu og tjaldskoðun hófst síðan
keppni. Var þá minnst einkunnarorða móts-
ins og í þeim anda ákveðið að láta telja og
kortleggja Vatnsdalshólana, en þeir hafa,
eins og flestir vita, verið álitnir eitt af
þrennu, sem væri óteljandi hér á landi.
Talningin fór þannig fram, að skátunum
var skipt í 15 flokka og fékk liver flokkur
ákveðið svæði að telja á, og átti hann einn-
ig að gera eins nákvæmt kort af svæðinu
og hann gæti. Voru veitt verðlaun fyrir
bezta kortið. Niðurstaða talningar varð sú,
að hólarnir reyndust „aðeins 1120, og þar
af voru 5 vafaatriði, livort ætti að telja einn
eða tvo hóla.
Seinnipart dagsins var svo leikur. Var
skipt í tvö lið, Sæfara og Landkrabba, og
var aðalinntak leiksins, að Sæfararnir áttu
að koma nokkrum sendingum úr virki inn
í landi og í virki, sem var um 300 m úti í
vatninu, en Landkrabbarnir áttu að varna
því. Það skal tekið fram, að vatnið er yfir-
leitt ekki meira en hnédjúpt. Hlutu ýmsir
„smáskvettur" í viðureign þessari, sem lauk
með sigri Landkrabba.
Um kvöldið var aðalvarðeldur mótsins og
auk skátanna voru nokkrir gestir viðstaddir.
Rétt eftir að varðeldi lauk, kom skátahöfð-
ingi íslands, Jónas B. Jónsson, í heimsókn.
Kom hann beint úr Botnsdal og hafði með-
ferðis staf nokkurn, sem var kveðja frá skát-
um í Botnsdal til skátanna í Vatnsdalshól-
um. Afhenti skátahöfðingi stafinn þá um
kvöldið með nokkrum orðum.
Á sunnudaginn var farið á fætur kl. 8.
Við fánahyllingu flutti skátahöfðingi skát-
unum nokkur hvatningarorð, og minnti þá
sérstaklega á 50 ára afmæli íslenzkrar skáta-
hreyfingar 1962 og hvatti þá til að hefja
strax undirbúning undir það.
Eftir tjaldskoðun var síðan frjálst fram
að mat. Samkvæmt dagskránni átti að slíta
mótinu kl. 5, en þar sem svo stóð á, að all-
margir skátanna þurftu að ná í bifreið kl.
2.30, þá var ákveðið að slíta mótinu kl. 2.
Fóru slitin fram með svipuðu sniði og setn-
ingin. Meðan á mótinu stóð kom út fjöl-
ritað blað, „Húnboran", alls 30 síður.
Til marks um, að mótinu væri lokið, var
fallbrúnni að lokum lyft upp. En þótt þann-
ig hafi verið rofin þau tengsl, sem brúin
veitti, þá vonum við, að þau tengsl vináttu
og bræðralags, sem bundin voru á þessu
móti, verði ekki rofin, heldur aukin og
efld með meira og fjölbreyttara skátastarfi
í framtíðinni.
KVIKMYND UM BADEN POWELL.
Um nokkurn tíma hafa verið uppi ráðagerðir
um það að gera kvikmynd um ævi B.P. Verkið
var komið svo langt á leið að fenginn hafði
verið til að stjórna kvikmyndagerðinni Cecil
DeMille, einn sá frægasti á sínu sviði. Þegar
verkið var nýhafið lézt DeMille. Þær fréttir
ahfa nú borizt, að nýlokið sé við handritið og
fenginn hafi verið til að leika aðalhlutverkið,
þ. e. Baden Powell sjálfan, kvikmyndaleikarinn
David Niven.
Skátar um allan heim bíða þess nú með of-
væni að sjá þessa merku mynd.
ERLEND SKÁTAMÓT.
írskir kvenskátar bjóða íslenzkum kvenskátum
á skátamót í Irlandi, sem haldið verður dagana
19.—26. júlí 1961. Boðið er fjórum skátastúlkum
á aldrinum 15—18 ára og einum fararstjóra. Eft-
ir mótið er þátttakendum boðið að dveljast
vikutíma á heimilum skátastúlkna í írlandi.
Kostnaður við ferðalagið, auk ferðanna til og
frá Irlandi, er £ 4 í mótsgjald. Þátttaka þarf að
tilkynnast til skrifstofu B.Í.S. hið fyrsta.
Finnskir kvenskátar bjóða fimm íslenzkum
skátastúlkum á aldrinum 15—22 ára og einum
fararstjóra á skátamót, sem haldið verður í
Finnlandi dagana 25. júlí—4. ágúst 1961. Eftir
mótið er þeim einnig boðið að dveljast viku-
tíma á heimilum finnskra skátastúlkna. Móts-
gjald er £ 4-10-0 og stúlkurnar þurfa að borga
ferðakostnað.
50
SKÁTABLAÐIÐ