Skátablaðið - 01.04.1998, Blaðsíða 27

Það var ánægjulegt að fylgjast með í
þessu frístundastarfi drengjanna. Ég
hafði góða aðstöðu til þess, þar sem ég
yar heimilismaður A. S. þennan vetur.
Öm vorið tóku drengirnir allir hið
nainna skátapróf. Þá var farið að hugsa
hl lengri ferðar en áður hafði þekkst í
starfi þeirra. Skyldi nú haldið til Reykja-
víkur, liggja þar í tjöldum og lært að
synda. Var förin undirbúin af kappi, en
skugga bar á, því að ekki gátu allir
farið. Lágu til þess ýmsar ástæður, at-
vinna o.fl. Það voru meiri örðugleikar á
ferðalögum þá en nú og skotsilfur
fermingardrengja lítið að vöxtum. Fimm
drengir tóku þátt í för þessari, auk
sveitarforingjans, A. S. Flokkurinn sýndi
niikla hugkvæmni í því að komast
suður til Reykjavíkur á ódýran hátt. Þeir
voru 6, en áttu ekki nema 3 reiðhjól.
Svo höfðu þeir þann hátt að að ganga
°8 hjóla til skiptis, ákveðna vegalengd.
ð-llir lögðu jafnt af stað frá Eyrarbakka.
Svo stigu hjólreiðamennirnir af baki,
eftir að hafa hjóla 3-4 km, minnir mig,
skildu hjólin eftir á fyrirfram ákveðnum
Ráðstefna
, um
Ulfljótsvatn
Ráðstefna um Ulfljótsvatn
verður haldin í Skátahúsinu
við Snorrabraut, 3. hæð, í
sal SSR þriðjudaginn
7. maí kl. 18.00 - 22.00.
Við byrjum með nokkrum
erindum um ýmsa þætti
Ulfljótsvatns. Síðan verður
léttur kvöldverður og þar á
eftir verða umræður.
Aætluð fundarlok eru
um kl. 22.00.
Þeir sem hafa hug á að
mæta tilkynni þátttöku sína
á skrifstofu BIS eigi síðar
en 4. maí fyrir hádegi.
ÚlfljótsvatnsráS
stað, en héldu áfram gangandi. Síðan
komu göngumennirnir, tóku hjólin og
komust fljótt fram úr félögum sínum,
sem nú voru gangandi, - og svona gekk
það koll af kolli alla leið til Reykjavíkur,
70 km. Ekki man ég hvað þeir voru
lengi suður, en ég held, að þeir hafi
hvergi gist á leiðinni, m.ö.o. farið þessa
leið á einum degi.
Tjaldað í Reykjavík
Þegar til Reykjavíkur kom, tjölduðu
þeir við sundlaugarnar og voru þar í 12
daga í reglulegri skátaútilegu. Deginum
var varið á þann hátt, sem þá tíðkaðist
meðal skáta. í frítímum sínum skoðuðu
þeir allt hið markverðasta í höfuðborg-
inni. En höfuðtilgangur ferðarinnar var
sundnámið. Þeir lærðu allir að fleyta sér
á þessum tíma. Voru þetta hinir mestu
dýrðardagar í lífi þeirra, sem þeir munu
enn minnast með óblandinni ánægju.
Og töluvert átak var það á þeim tíma,
fyrir fátækan og fámennan flokk, að
koma þessu ferðalagi í kring. Var það
fyrst og fremst að þakka dugnaði og
ágætri forystu sveitarforingjans, ásamt
glöggum skilningi og hjálpfýsi vanda-
manna drengjanna, sem tóku þátt í för
þessari.
Ég var svo lánsamur að vera með
drengjum þessum einn sunnudag hér í
bænum, meðan á útilegunni stóð. Fór-
um við þá fram á Seltjarnarnes og út í
Gróttuvita. Ég hefi sjaldan verið á ferð
með jafnglöðum drengjum og Birki-
beinum daginn þann. Mér hlýnar jafnan
um hjartarætur, er ég minnist þess
ferðalags.
Þegar útilegunni lauk, var aftur haldið
heim. Eftir það tvístraðist hópurinn.
Drengirnir fóru í atvinnu í ýmsar áttir og
sumir þeirra fluttu burtu úr þorpinu á
næsta ári. Var þá lokið starfsemi þessa
fyrsta skátaflokks á Eyrarbakka. En fé-
lagið lifði áfram og varð um tíma all-
fjölmennt. Voru jafnan innan vébanda
þess margir góðir drengir og gegnir,
sem nú eru orðnir góðir og gildir
borgarar þjóðfélagsins. - En það er
önnur saga.
Ingimar Jóhannesson.
Vinnuhelgar
Ertu orðinn 16? Langarþig að koma á Úlfljótsvatn
í sumar og leggja þitt af mörkum til aðfegra, laga
og aðstoða við uppbyggingu á staðnum? Þá getur
þér orðið að ósk þinni.
Því að í sumar verður boðið uppá einstaklega skemmtilegar vinnuhelgar þar
sem blandað verður saman vinnu og skemmtun. Fyrsta helgin verður 29- - 31-
maí og verða unnin létt og skemmtileg undirbúningsstörf fyrir sumarbúðir.
Á laugardeginum verður boðið upp á kaffi og með því og síðan grillmáltíð
um kvöldið. Að henni lokinni verður léttur varðeldur. Einnig er hægt að hafa
veiðistöngina með og renna fyrir miðnætursnarlinu eftir varðeld.
Við byrjum á þessari vinnuhelgi en síðan verður önnur vinnuhelgi í sumar
en hún verður nánar auglýst síðar.
Kæru skátar, tökum nú höndum saman og sköpum skemmtilega hefð fyrir
þátttöku okkar við uppbyggingu á Undralandinu okkar við Úlfljótsvatn!
P.s. Allar hugmyndir um endurbætur, uppbyggingu og nýtingu staðarins eru
vel þegnar. Úlfljótsvatn á póstbox á Snorrabrautinni, en einnig er hægt að
senda mér póst í gegnum netið: skatar-ulfljotsv@islandia.is
/Cchí2>u m&c r
29. - 91. maí
Skátablaðið — þitt blað