Prentarinn - 01.12.1963, Blaðsíða 8
OrlofsheimiliS
31 fjölskylda dvaldi í orlofsheimil-
inu á síðastliðnu sumri, í samtals 50
dvalarvikur. Auglýstar dvalarvikur
voru 54, en aðeins einn prentari
sótti um dvöl í heimilinu fyrstu
tvær vikurnar í júní og voru því 3
íbúðir auðar þær vikur.
Umsækjendur voru 31, en nokkr-
ir hættu við að vera þar og var þá
reynt að fá aðra, sem ekki höfðu
dvalið þar áður, en í þeim tiifellum,
sem það ekki tókst, var þeim, sem
fyrir voru, leyft að vera þar áfram,
að sjálfsögðu gegn fullri greiðslu,
og dvöldu af þeim sökum 2 fjöl-
skyldur í Orlofsheimilinu í þrjár
vikur.
Umgengni dvalargesta var yfirleitt
góð.
Tekjur af Orlofsheimilinu voru kr.
25.000,00, en gjöld kr. 24.081,41.
Apríl 1964. J. Ag.
Skýrsla
félagsheimilisnefndar
Félagsheimilisnefnd sendi á starfs-
árinu öllum prenturum í Reykjavík,
Hafnarfirði og Kópavogi auglýsingu
um starfsemi þá, sem fram fór í fé-
lagsheimilinu. Arangur af þessu
kom, eins og árið áður, aðallega
fram í aukinni aðsókn að kvik-
myndasýningum fyrir börn, en þær
sýningar voru alls 10. Á hverja sýn-
ingu komu um 120 börn, nema sýn-
inguna fyrir jól, þá voru þau 146.
Kvikmyndasýningar önnuðust
Jónas Guðmundsson, Prentsmiðj-
unni Hilmi, og Pálmi A. Arason,
Prentsmiðju Morgunhlaðsins.
Félagsvist var spiluð 10 sinnum á
6—8 borðum. Fyrir áramót voru eng-
in kvöldverðlaun, aðeins heildar-
verðlaun, ein karla- og ein kvenna-
-verðlaun. Eftir áramót voru hins veg-
ar engin heildarverðlaun, en verð-
laun veitt að loknu hverju spila-
kvöldi.
Félagsheimilið var, eins og s.l. ár,
Jeigt ýmsum kvenfélögum og prent-
arar fengu að halda þar afmælis- og
fermingarveizlur.
Þar fór og fram hluti af skák-
keppni, sem prentarar í Eddu tóku
þátt í.
Leigutekjur af félagsheimilinu
voru kr. 19.250,00, en gjöld kr.
11.514,85.
Á árinu eignaðist heimilið tvo
góða gripi, ísskáp, sem stjórn HIP
keypti, og hrærivél, sem Sigríður
Einarsdóttir, kona Þórðar Bjarna-
sonar prentara, gaf félagsheimilinu.
I félagsheimilisnefnd áttu sæti
Elín Guðmundsdóttir, Jón Ágústsson
og Pálmi A. Arason, sem tók sæti í
nefndinni vegna anna formanns
skemmtinefndar, Braga Einarssonar.
Apríl 1964. J. Ág.
Skýrsla
skemmtinefndar
Skemmtinefnd félagsins hefur
starfað með svipuðu sniði og undan-
farin ár. Kvikmyndasýningar voru
hafðar fyrir börn félagsmanna í fé-
lagsheimilinu í vetur, alls 10 sýning-
ar, og voru þær mjög vel sóttar. Tala
sýningargesta var um 960 alls. Fjöl-
mennust var síðasta sýningin fyrir
jól, „litlu jólin“, enda var sérstak-
lega til hennar vandað. Auk kvik-
myndasýningar skemmtu börn með
dansi, söng og hljóðfæraleik. Börn-
in fengu góðar veitingar, sem konur
úr Kvenfélaginu Eddu önnuðust af
miklum myndarbrag að venju.
Jólatrésfagnaður var að þessu
sinni haldinn 5. janúar að Hótel
Borg. Sóttu hann um 370 börn, og
er það nokkru færra en verið hefur
undanfarin ár. Dansleikur var hald-
inn um kvöldið og var hann illa sótt-
ur af prenturum.
I samráði við félagsheimilisnefnd
var efnt til spilakvölda í félagsheim-
ilinu og spiluð félagsvist annað
hvert föstudagskvöld. Aðsókn var
með bezta móti, einkum síðari hluta
vetrar, en þá voru veitt kvöldverð-
laun.
Svartlistarskemmtun var haldin í
nóvember að Hótel Sögu. Þar
skemmti Jón Gunnlaugsson með eft-
irhermum, og gamanvísum, o. fl. var
til skemmtunar. Húsfyllir var, en
fæst af því voru prentarar, því mið-
ur.
Árshátíð var haldin 25. marz 1964
í Sigtúni. Var þar margt til skemmt-
unar, en mesta ánægju vakti lúðra-
sveit prentara með leik sínum og
látbrögðum. Um 200 manns sóttu
skemmtunina og stóð hún til kl. 3
eftir miðnætti.
Er þá upp talið það sem skemmti-
nefndin hefur aðhafst á s.I. ári. I
nefndinni voru: Bragi Einarsson,
Jónas Guðmundsson, Lúther Jóns-
son, Torfi Olafsson og Pálmi Ara-
son. Apríl 1964. P. A.
EFNISYFIRLIT ÁRGANGSINS
Bls.
Aðalfundur H. í. P. 1963 ........................................ 14
Af högum norskra prentara, eftir Klemens Guðmundsson............. 20
Ágúst Guðmundsson fimmtugur, eftir P. II............................ 17
Einar Jónsson sextugur, eftir Magnús Ástmarsson .................... 17
Ellert Ág. Magnússon fimmtugur, eftir Magnús Ástmarsson............. 16
Handsetjarinn ...................................................... 24
Ilið íslenzka prentarafélag 1963:
Félagsannall árið 1963 ......................................... 25
Reikningar félagsins ........................................... 25
Skýrsla bókasafnsnefndar........................................ 30
Skýrsla fasteignanefndar......................................... 31
Skýrsla félagsheimilisnefndar .................................. 32
Skýrsla skemmtinefndar.......................................... 32
Islenzkur prentskóli í reifurn, eftir Hafstein Guðmundsson.......... 2
Kjarasamningurinn frá 8. júlí 1963 ................................. 13
Kristján A. Ágústsson, 50 ár við prentverkið ...................... 22
Látnir félagar .................................................... 23
Nýju kjarasamningarnir.............................................. 10
Uppruni og þróun fornaleturs hins eldra, eftir Stefán Ogmundsson .. 18
32
PRENTARINN