Prentarinn - 01.01.1967, Blaðsíða 34

A. T. F. - filmusetníngarvélin
Iðngrein okkar og stéttarsamtök hafa löng-
um verið fastmótuð. Prenttæknin þróaðist mjög
hægt allt fram undir síðustu aldamót, og þótt
setningarvélin og hraðgengari pressur kæmu
þá til sögunnar og afköstin ykjust, knúðu þær
framfarir ekki á róttækar skipulagsbreytingar.
Nú er að verða gerbreyting þar á, eins og
við vitum mætavel. I okkar iðn eins og mörg-
um öðrum atvinnugreinum, er rafeindatæknin
og sjálfvirknin að færa okkur allt aðrar vélar
og um leið aðra verktækni, og við eigum að
sjálfsögðu engan kost annan en aðlaga okkur
þeim nýju siðum. — Vélarnar hafa alltaf verið
okkar húsbóndi þegar svo hefur staðið á.
Alls konar ný prenttæki flæða á markaðinn
og stöðugt er verið að endurbæta þau og full-
komna. Jafnvel þeir sem bezt fylgjast með eiga
fullt í fangi að halda í við framfarirnar. Þetta
á ekki hvað sízt við setningartæknina.
A hverju ári fáum við fréttir af nýjum vél-
um sem vinna störfin á margfalt skemmri
tíma en áður var unnt, svo sem Digiset-setn-
ingarvélin sem Danir keyptu í byrjun þessa
árs af Rudolf Hell-verksmiðjunum í Þýzka-
landi. Digiset-vélin getur sett símaskrá Kaup-
mannahafnar á 17 tímum — og brotið hana
um að auki!
Ekki eru líkur á að slík vél verði keypt
hingað til Islands í bráð. Hún er auðvitað allt-
of dýr og verkefnin hér of smá í sniðum. En
framleiðendur leggja einnig mikið kapp á að
smíða alls konar litlar setningarvélar og þær
geta áreiðanlega hentað okkur. Við ætlum
að minnast hér lítillega á eina þeirra, A.T.F.
filmusetningarvélina.
A.T.F.-vélin er framleidd af bandaríska fyr-
irtækinu American Type Founders. Hún er
allmikið notuð í prentsmiðjum í Bandaríkj-
unum og V.-Evrópu. I prentsmiðjum í Evrópu
eru nú tæplega 300 vélar af þessari gerð. Þær
hafa flestar verið keyptar á síðustu tveimur
árum.
Á mörgum dagblöðum, sem prentuð eru í
offsetvélum eru A.T.F.-vélar notaðar til setn-
ingar meginmálsins. Má þar til nefna danska
blaðið Information, en það blað var farið að
setja með filmusetningartækninni í fyrrahaust
og enska kvöldblaðið Shropshire Star. Shrop-
shire Star var verðlaunað árið 1965 fyrir góða
uppsetningu og allan frágang og var fyrsta
offsetprentaða dagblaðið sem fékk slík verð-
laun í Englandi.
1 fullkomnum A.T.F.-útbúnaði eru tvö tæki,
gatari og sjálfvirk filmusetningarvél. Hvort
30
PRENTARINN