Prentarinn - 01.06.1978, Blaðsíða 8

Bridgemötið
__________________
Bridgemót hafa verið með fjörugra
móti undanfarið. Á s.l. ári, nánar
tiltekið 20. og 27. nóvember var
haldin sveitarkeppni á vegum
skemmtinefndarinnar og kepptu þar
2 sveitir, frá Morgunblaðinu og
Blaðaprenti. Morgunblaðið var í
fyrsta sæti og þarf þá vart að taka
fram hverjir skipuðu sæti 2.
Á þessu ári var haldin tvímenn-
ingskeppni dagana 19. og 26. febrúar
og mættu átta manns til leiks. Röð
efstu manna var sem hér segir:
1. Arnór Ragnarsson
— Árni G. Jörgensen 86 stig
2. Brynjar Bragason
— Bergur Garðarsson 60 stig
3. Halldór Aðalsteinsson
— Gísli Steinar Jónsson 48 stig
4. Jón Þórðarson
— Baldur Garðarsson 46 stig
Morgunblaðsmenn hafa staðið sig
vel í þessum mótum, eins og sjá má,
en hinsvegar mættu að ósekju fleiri
sveitir spila og verður vonandi ráðin
bót á því á næstu mótum.
Sigursveit Morgunblaðsins
Bræðurnir Bragi ogBaldurásamt
Jóni Þórðarsyni.
—
Verkfallsbrot
_________/
Þau leiðu atvik hafa gerzt, að
nokkrir félagsmanna hafa ekki
virt samþykktir félagsins um
vinnustöðvunina 1. og 2. marz
s.l. Það er hörmulegt til þess að
vita að félagsmenn svíki þannig
stéttarbræður sína.
Félagið stofnuðu prentarar
sem vettvang sinn til að berjast
fyrir hagsmunamálum sínum
og standa vörð um þau. Allar
aðgerðir félagsins miða að
þessu og engu öðru.
Auðvitað greinir menn á um
farsælustu leiðir og sitt sýnist
hverjum. En þegar ein leiðin er
talin betri en aðrar og meiri-
hlutavilji er fyrir hendi, þurfa
allir félagsmenn sem einn að
fylgja ákvörðuninni eftir af
fullum krafti. Öðru vísi nær
félagið ekki tilgangi sínum.
Það er því ekki hægt að láta
það átölulaust þegar félags-
maður svíkst undan merkjum.
Var þess vegna ákveðið á
sameiginlegum fundi stjórnar
og fulltrúaráðs að sekta hina
brotlegu í samræmi við heimild
í félagslögum. Var fimm félags-
mönnum gert að greiða 50.000
kr. hverjum, einum 10.000 kr.
og þrír fengu 5.000 kr. sekt.
hver. Upphæð sekta var ákveð-
in í samræmi við hversu brotið
var alvarlegt. Auk þessa voru 5
félagsmenn sektaðir skilorðs-
bundið um 5.000 kr. hver.
Vel má vera, að einhverjum
þyki langt gengið með þessum
ákvörðunum um sektaraðgerð-
ir. En hversu langt geta ein-
stakir félagsmenn gengið og
skemmt fyrir meirihluta
félagsmanna? Vonandi verður
öllum félagsmönnum ljóst, við
lestur þessa, hvað hér er um
alvarlegt mál að ræða.
Framundan eru mörg óunnin
verkefni sem nauðsynlegt er að
algjör samstaða verði um. Við
eigum í vök að verjast í
kaupgjaldsmálum. Félagsmenn
hafa dregizt afturúr í launum
miðað við aðrar launastéttir.
Og hvernig eigum við að ná
fram leiðréttingu nema sam-
staðan sé algjör innan félags-
ins? Ekkert nema samstaða
allra félagsmanna getur tryggt
okkur atvinnuöryggi í framtíð-
inni. Þar eigum við mikið verk
óunnið þar sem tækniframfarir
í iðninni eru mjög örar.
Þetta sýnir og sannar að
félagið er jafnnauðsynlegt og
áður. Ekkert þýðir að hver og
einn hugsi eingöngu um eigin
hag. Það verður að samræma
sjónarmið okkar félagsmann-
anna um þær breytingar, sem
rétt þykir að gera hverju sinni,
og við verðum að vinna saman.
Ekki dugir lengur, að menn
spyrji hvað félagið geri fyrir
okkur, heldur hvað við getum
gert fyrir félagið og samstöð-
una.
29. marz 1978,
ólafur Emilsson.
8
PRENTARINN