Prentarinn - 01.07.1978, Blaðsíða 9

Höfóingleg gjöf
Jóns Þórðarsonar
Á stjórnarfundi í Hinu íslenzka
prentarafélagi, sem haldinn var
mánudaginn 20. nóvember s.l.
afhenti heiðursfélagi HÍP, Jón
Þórðarson, félaginu að gjöf blað
þess, Prentarann, frá upphafi til
loka 54. árgangs.
Ólafur Emilsson tók á móti
gjöfinni og flutti gefanda þakkir
stjórnarinnar og félagsins og
færði honum sem lítinn þakk-
lætisvott borðfána HÍP á stöng.
Slík ræktarsemi sem Jón
Þórðarson hefur nú og áður
sýnt félaginu er því mikils virði,
og mætti sá hugur og hjartalag
sem að baki býr verða félags-
mönnum eftirdæmi. Hér á eftir
verða birt bréfaskipti aðila
varðandi þetta mál. — je.
Jón Þórðarson
Heiðursfélagi HÍP. Reykjavík 27/11 1978
Reykjavík 24. marz 1977
Af tilefni 80 ára afmælis Hins íslenzka
prentarafélags tilkynni ég undirritaður
hér með, að ég hefi ákveðið að arfleiða
félagið að blaði félagsins, Prentaranum,
(samfelldum) frá byrjun til loka yfir-
standandi árgangs (sem er hinn 54.).
Þetta verða alls sex bindi, innbundin.
Mér þætti vænt um, að þetta eintak af
Prentaranum yrði aðaleintak félagsins,
vegna þess, að í því eru margar skrifaðar
leiðréttingar, sem ekki eru í öðrum ein-
tökum af blaðinu.
Ég hefi falið dóttur minni, Hrefnu, að
afhenda stjórn HÍP bækurnar, er ég er
fallinn frá.
Virðingarfyllst
Jón Þórðarson (sign.)
Framnesvegi 20A.
Vottar: að undirskrift:
Theódóra Thoroddsen (sign.)
Ólafía Magnúsdóttir (sign.)
Reykjavík, 4. apríl 1977.
Á fundi stjórnar Hins íslenzka prent-
arafélags í dag var kynnt bréf þitt, dags.
24. marz s.l. þar sem þú, í tilefni 80 ára
afmælis félagsins, arfleiðir það að
Prentaranum samfelldum frá byrjun til
loka yfirstandandi árgangs (sem er hinn
54.), alls sex bindi innbundin. Jafnframt
kemur fram í bréfinu að þú hafir skrifað
inn leiðréttingar sem ekki séu í öðrum
eintökum af blaðinu.
Fyrir þessa kærkomnu gjöf vill stjórn
Hins íslenzka prentarafélags votta þér
virðingu sína og færa þér innilegustu
þakkir um leið og hún heitir því að búa
gjöf þinni verðugan stað í skrifstofu
félagsins, þar sem ávallt mun vera hægt
að grípa til hennar.
Hafðu þökk fyrir allt þitt mikla
framlag í þágu félagsins.
Með félagskveðju,
f.h. stjórnar
Hins íslenzka prentarafélags
Ólafur Emilsson.
Til HlP, Reykjavík.
Samkvæmt fyrri ákvörðun minni gerði
ég ráð fyrir að félagið eignaðist Prent-
arann að mér látnum (6 bækur). Nú hef
ég fengið úr bandi sjöttu bókina; og eru
þá allar bækumar tilbúnar til afhend-
ingar. Ég hefi því ákveðið að afhenda
félaginu þær við fyrsta þóknanlegt
tækifæri. Það mætti þá líta á þetta sem
gjöf til félagsins af tilefni 80 ára afmælis
þess. — Mér er það sönn ánægja að
félagið fái að njóta bókanna, enda best
að þeim komið.
Um leið þakka ég margar ógleyman-
legar minningar og ánægjustundir
meðal prentara innan stéttarinnar.
Með vinsemd og virðingu.
Jón Þórðarson (sign.).
^rcnfarintt - 9