Litli Bergþór - 01.12.1992, Blaðsíða 5
Frá íþróttadeild U.M.F.B.
Það hefur margt gerast hjá okkur í íþróttadeildinni
síðan síðasti L.-B. kom út. Þar er fyrst að nefna
íþróttahátíð H.S.K. á Selfossi 27. og 28. júní. Þar
náðum við okkur í 12 H.S.K. meistaratitla. Þórhildur
Oddsdóttir vann hástökk stelpna. Jóhann Haukur
Björnsson vann 100 m, 400 m, 800 m og langstökk
sveina. Róbert Einar Jensson vann 100 m 400 m
og hástökk drengja. Tómas Grétar Gunnarsson
vann 110 m grindarhlaup, spjótkast og stangarstökk
drengja. Einnig vann boðsveit drengja 4x100 m.
Þessir krakkar hafa síðan keppt á hinum ýmsu
mótum í sumar og staðið sig með ágætum.
Göngudagur fjölskyldunnar var með fjölmennasta
móti þetta árið. Við vorum 36 sem gengum á
Vörðufell í blíðskaparveðri um miðjan júní undir
leiðsögn heimakvenna á Iðu. Elstur göngumanna
var Margrét á Iðu en yngst var María Sól frá Engi,
innan við ársgömul. Eftir
þennan góða göngutúr
var öllum boðið í kaffi og
meðlæti hjá Margréti og
Ingólfi og færum við þeim
bestu þakkir fyrir
móttökurnar.
Fótboltinn var mikið
spilaður í sumar undir
stjórn Hjartar T.
Vigfússonar. Við tókum
þátt í fótboltanum á
íþróttahátíðinni og einnig
var þrisvar sinnum spilað
við Hrunamenn.
Sundæfingar voru hjá
okkur einu sinni í viku
undir leiðsögn Elísabetar Jónsdóttur. Það var frekar
dræm aðsókn að æfingunum og lítið um sundmót
yfir sumarið sem hægt var að komast á, en við
enduðum á innanfélagsmóti.
Unnar Þór var með sundnámskeið fyrir yngstu
krakkana eða þau sem voru ósynd. Þar vantaði
ekki áhugann og mikið kappsmál að læra að synda.
Frjáisíþróttaæfingarnar voru eitt kvöld í viku undir
stjórn Jóns Arnars. Að loknum sumaræfingum
héldum við innanfélagsmótið og fórum út á
Laugarvatn á þriggjafélagamótið.
í september tókum við okkur frí frá öllum
æfingum, en byrjuðum svo aftur í október með
frjálsíþróttaæfingar innanhúss með Jóni Arnari
þjálfara. Einnig byrjuðu við með körfuboltaæfingar
fyrir eldri krakkana, en þar er þjálfari Guðbrandur
Stefánsson.
Þegar þetta er skrifað eru liðin okkar byrjuð að
keppa í héraðsmótunum í körfubolta, bæði karlar og
drengir, en stelpurnar byrja keppni eftir áramót.
Við stóðum fyrir bingói í nóvember. Allir
vinningarnir voru frá
fyrirtækjum eða félögum
innansveitar eða keyptir
fyrir peninga frá
fyrirtækjum úr sveitinni og
pening sem krakkarnir
söfnuðu. Það komu um
160 manns á bingóið og
við vorum mjög ánægð
með það.
Nú fer senn að líða að
jólum og þá kemur að
hinni árlegu flugeldasölu
okkar og vonum við að
þið, sveitungar góðir, takið
jafn vel á móti okkur nú,
sem endranær.
Kveðja ,
Áslaug Sveinbjörnsdóttir.
Flestir þátttakendur í göngudegi
U.M.F. Bisk. í sumar.
r BISK-VERK
C J Tökum að okkur alla byggingastarfsemi
Nýsmíði - Viðhald Sumarhúsaþjónusta
Þorsteinn Þórarinsson, sími 22468 Skúli Sveinsson 68862 Bílasími 985-35391
Litli - Bergþór 5