Litli Bergþór - 01.12.1992, Blaðsíða 20
Tvær úr Tungunum gerast Molbúar
Ungmennafélag íslands tekur ár hvert þátt í
ýmiskonar ráðstefnum og hópverkefnum með
samsvarandi félögum á Norðurlöndunum.
Eitt þessara verkefna er „Ungbændaráðstefna“,
sem haldin ertil skiptis í löndunum. Árið 1991 var
ráðstefnan haldin að Laugarvatni og þar var
aðallega rætt um umhverfismál.
Sl. sumar var ráðstefnan í Danmörku og var
yfirskrift hennar „Norden í Europa“ sem má útleggja
sem „Norðurlöndin í Evrópusamfélaginu".
Fulltrú UMFÍ að þessu sinni voru 2 félagar úr Umf.
Bisk., þær Sigga Jóna og Maggý í Hrosshaga.
JOUSOCENTRFT m
■WMH .. *JSS
Sigga Jóna, Maggý og Pálmi, form U.M.F.Í. á
ráðstefnustað.
Það voru tvær glaðbeittar ungar konur sem lögðu
upp árla morguns 23. maí. Við vissum að með
sömu vél færu þeir Pálmi formaður og Sæmundur
framkvæmdastjóri UMFÍ. Ekki sáum við til þeirra
félaga fyrr en á síðustu stundu ,að þeir birtust og
komu sér vel fyrir á „Saga class“. „Jæja“,
hugsuðum við með okkur, „svona hafa þeir það“.
Vélin fór á loft og allt gekk vei. Fljótlega komu þeir
Pálmi og Sæmundur að spjalla við okkur og láta
okkur hafa fleiri plögg. Þeim fannst þeir eitthvað
þurfa að útskýra af hverju þeir ferðuðust á „Saga
class" og vissulega var það ekki með vilja gert.
Sæmundur hafði einfaldlega sofið yfir sig og þeir
urðu of seinir, svo þetta voru einu lausu sætin handa
þeim. Sem sagt, enginn vísvitandi flottræfilsháttur.
En nóg um það.
Eftir allskonar útúrkróka og þvæling út í óvissuna
mættum við stundvíslega kl. 15 að Tungna-
mannasið á ráðstefnustaðinn sem var í Fuglso-
centret á Jótlandi. Nánar tiltekið norð-austan við
Árósa, í Mols héraði, þar sem Molbúarnir búa.
Þetta er einhver fallegast staður í Danmörku, óvenju
miklar hæðir og fjölbreytt gróðurfar.
Við vorum fyrstar á staðinn og í raun ekkert um að
vera fyrr en um kvöldið. Það lá því beinast við að
kanna svæðið. Þarna voru heilmiklar byggingar og
góð aðstaða til ráðstefnuhalda og íþróttaiðkana,
bæði úti og inni. Okkur taldist til að þarna gætu
verið u.þ.b. 600 manns í einu. Ekki er neitt annað á
þessum stað en lítið sveitaþorp Fuglso, sem er í 1-2
km fjarlægð.
Menn smá tíndust að um kvöldið, en sumir komu
þó ekki fyrr en næst síðasta daginn. Eftir kvöldmat
var „samanhristingur" þar sem allir kynntu sig.
Flestir voru ungir, en fæstir voru bændur. Mikið var
um ráðunauta ýmiskonar. Þátttakendur voru alls
21,2 frá Finnlandi, 4 frá Svíþjóð, 5 frá Danmörku, 8
frá Noregi og sem fyrr segir 2 frá íslandi.
Það kom strax í Ijós að fólk var ekki þarna
samankomið til að liggja í leti, því fyrsta daginn voru
fyrirlestrar og hópvinna stanslaust frá kl. 9-18.
Við fengum þarna 2 fyrirlesara; Jan Laustsen frá
Landbrugsrádet og Finn Sorensen frá Danmarks
Landboungdom. Báðir voru þeir miklir talsmenn EB
og þarna dundi á okkur áróðurinn. Þessa daga
þarna í Danmörku urðum við mjög áþreifanlega
varar við áróðurinn með eða á móti EB, því örfáum
dögum seinna kusu Danir um Maastricht
samkomulagið.
Heilmiklar umræður urðu þarna um afstöðuna til
EB og voru norsku þátttakendurnir mjög heitir og
mikið á móti EES samningunum og hugsanlegri
inngöngu Noregs í EB en Svíarnir og Finnarnir
greinilega nokkuð hlutlausir. Við héldum fram okkar
skoðunum og þá aðallega okkar persónulegu
neikvæðu afstöðu til EES samninganna. Við
gagnrýndum það að ísland væri ekkert með inni í
framtíðarsýn fyrirlesara á Norðurlöndum í
Evrópusamfélaginu. Einnig var það gagnrýnt að
þegar þeir ræddu um Evrópu, þá var Evrópa í þeirra
huga aðeins þau lönd sem voru í EB.
Það var gaman að fylgjast með norsku
þátttakendunum, en af þeim 8 voru 6 konur, hver
Verslunin Osp
Eyrarvegi 2, Selfossi
sími 21131
Stóraukið úrval af sjónvörpum hljómtækjum og
geisladiskum.
Litli - Bergþór 20