Litli Bergþór - 01.12.1995, Side 6

Hreppsnefndarfréttir
Hreppsráðsfundur 23. maí 1995.
Mættir Gísli Einarsson, Svavar Sveinsson og Drífa
Kristjánsdóttir.
Pétur H. Jónsson arkitekt mætir á fundinn og
leggur fram skipulagstillögur vegna breytingar á
vegarstæði um land Norðurbrúnar. í tillögunni eru
íbúðarlóðir af mismunandi stærðum. Samþykkt að
gengið verði frá makaskiptum á landi Svanhildar
Eiríksdóttur, Norðurbrún og að því frágengnu verði
óskað eftir heimild Skipulagsstjórnar ríkisins til
auglýsingar á deiliskipulagi á Norðurbrúnarlandi og í
Reykholti.
Ósk Guðna Lýðssonar um breytingu á
bílageymsluteikningunni en hann óskar eftir
breikkun á bílageymslunni sem tilheyrir íbúð hans
og Þuríðar. Ákveðið að biðja Pétur að kynna sér til
hlítar reglur brunamálaeftirlits um slíkar byggingar.
Hreppsráð sér mikla annmarka á að verða við
þessari beiðni vegna brunavarna, nágranna og
umhverfis.
Sumarbústaðalóðir í Laugarási.
Starfsmannafélag Eimskips h.f. hefur hug á að
kaupa 3 sumarhúsalóðir þ.e. nr. 10, 12 og 14. Auk
þess hefur verið óskað eftir að festa aðrar
sumarhúsalóðir.
Bréf frá Áslaugu Sveinbjörnsdóttur þar sem
farið er fram á styrk í formi auglýsingar v/
kynningarferðar fyrir borðtenniskeppendur til
Danmerkur. Jóni falið að ath. með auglýsingu.
Samþykkt að veita kr. 50.000,- til auglýsingakaupa.
Bréf Sorpstöðvar Suðurlands, frá 8. maí 1995
um fyrirkomulag gámastöðva og aðild að Sorpstöð
Suðurlands. Hreppsráð gerir að tillögu sinni að
eignaraðild verði skoðuð gaumgæfilega.
Kynnt forðagæsluskýrsla vetrarins.
Kaupleiguíbúðin Kistuholti 15. Engar umsóknir
komu um kaup á íbúðinni en tveir aðilar hafa sótt
um íbúðina til leigu. Lagt til að leigja Jóhanni og
Auði íbúðina í fjóra mánuði.
Vatnsveituframkvæmdir. Fram eru komnar
ítrekanir á umsóknum um vatn til Drumboddsstaða,
en þar er vatnsþurrð núna. Komið hefur fyrirspurn
um vatn frá eigendum sumarbústaða í
Drumboddsstaðaásum og Bergsstaðaeigendum.
Einnig eru ítrekaðar umsóknirfrá Kjarnholtum,
Einholti, Holtakotum og Hjarðarlandi.
Hreppsráð leggurtil að oddviti hafi forgöngu um
að láta gera kostnaðaráætlun um framkvæmdir á
ofangreindum stöðum.
Bréf frá félagsmálaráðuneytinu dags. 28. apríl
1995 þar sem kynnt er að hreppurinn fær kr.
4.148.000,- frá Jöfnunarsjóði vegna vatnsveitu-
framkvæmda áranna 1992 og 1993.
Lánsumsókn hreppsins til Lánasjóðs
sveitarfélaga hefur verið afgreidd en þar var
samþykkt að veita Biskupstungnahreppi kr. 8 millj. til
skuldbreytinga.
Hreppsnefndarfundurl3. júní 1995.
Fundargerð hreppsráðs 23. maí.
Hreppsnefnd samþ. að Biskupstungnahreppur
gerist eignaraðili að Sorpstöð Suðurlands en oddviti
hefur þegar skrifað undir samning þess efnis með
fyrirvara um samþykki hreppsnefndar.
Samþykkt að óska eftir því við stjórn
Atvinnuþróunarsjóðs að hún sendi frá sér ítarlegri
fundargerðir.
Bréf Hestamannafélagsins Loga dags. 23. maí.
Lagt fram bréf frá Loga þar sem farið er fram á
styrk 50.000 kr til æskulýðsstarfs hjá félaginu.
Samþykkt.
Fundargerð rekstrarnefndar 10. maí.
Þorrablótsnefnd Skálholtssóknar gaf kr. 83.766,-
til kaupa á ofni í eldhús Aratungu. Hreppsnefnd
kann þeim bestu þakkir fyrir.
Bréf Endurvinnslunnar 19. maí 1995.
Lagt fram bréf frá Endurvinnslunni. Von er á
innan tíðar móttökubúnaði fyrir spilliefni, þrjú kör
með stálloki fyrir kr. 215.500,- m. vsk.
Bréf SASS dags. 26. maí - álit starfshóps um
grunnskóla. Lagt fram bréf frá SASS varðandi
skólaskrifstofu Suðurlands. Meðfylgjandi er álit
starfshóps um grunnskóla, skipaður af stjórn SASS.
Miklar umræður voru um málið en afgreiðslu
málsins var frestað. Lögð áhersla á að
viðræðunefnd um samstarf sveitarfélaganna vestan
Hvítár í skólamálum taki til starfa.
Lagning gangstéttar í Laugarási.
Eftirfarandi var samþykkt: Hreppsnefnd og íbúar í
Laugaráshverfi í Biskupstungum hafa farið fram á
það við Vegagerð ríkisins að lögð verði gagnstétt
með þjóðveginum í gegnum Laugaráshverfi í
samræmi við fyrri fyrirheit Vegagerðarinnar.
Vegagerðin hefur hafnað erindinu. Þessum
viðbrögðum Vegagerðarinnar vill hreppsnefnd
mótmæla og samþykkir að leita til þingmanna
kjördæmisins um liðsinni.
Bókunin, ásamt greinargerð var undirrituð af
hreppsnefndarmönnum og verði send
vegamálastjóra og þingmönnum Suðurlands.
Ásborg Arnþórsdóttir kom á fundinn og kynnti
vinnu sína að ferðamálum og árangur af því starfi.
Var gerður góður rómur að máli hennar.
Oddviti rakti gang ýmissa mála sem eru á
döfinni s.s. bílastæði við Geysi og bygging við
Gullfoss.
Önnur mál.
Rætt var um stöðu Laufskála. Hreppsnefnd
Biskupstungnahrepps vill láta á það reyna hvort
hægt er að finna aðila sem vill taka að sér
fjármögnun og byggingu Laufskála.
Samþykkt var að senda stjórn S.S. tilmæli um
að sinnt verði viðhaldi sláturhússins í Laugarási og
umhverfi þess.
Lögð var fram gróf kostnaðaráætlun við
Litli - Bergþór 6