Litli Bergþór - 01.05.2001, Blaðsíða 26
kringum sig og hafði gott auga fyrir hvað fór vel og naut
þess þegar húsakynni og fjárhagur leyfði.
Einn var sá siður, að gera sér dagamun þegar við
systkinin áttum afmæli. Það var föst venja hjá mömmu
þegar eitthvert okkar átti afmæli þá var lagað kakó og
bakaðar pönnukökur eða klattar. Þá stóð engum til boða
cóca cóla eða aðrir gosdrykkir. A
þessum tíma voru þessar
afmælisveislur mikil tilbreyting.
Einhverra hluta vegna varð
ekkert af veisluhöldum þegar ég varð
tveggja ára. En í staðinn fyrir
afmæliskaffið orti pabbi um mig tvær
vísur sem eru svona.
Ekkert fékk hann Einar Geir
afmœliskaffið sœta.
Búinn er þó mörgum meir
mömmu og pabba að kœta.
Gott úr þessu gera má
gef þér eina stöku.
Fyrst afmœlisdaginn annan á
enga fékkst köku.
Eg vona að ég móðgi engan, þó
ég segi að þetta er sú afmælis gjöf sem mér þykir vænst
um af öllum þeim gjöfum sem ég hefi fengið um dagana,
og ég verð að játa það, að ég er eilítið montinn af þessum
vel kveðnu vísum hans pabba.
Eg hlýt að hafa verið mjög skemmtilegur þegar ég
var tveggja ára, gallinn er bara sá að ég man ekkert eftir
því.
Foreldrar okkar eignuðust 9 börn. Það segir sig
sjálft, að fyrir efnalítið fólk á þessum árum var það mikið
átak, að fæða og klæða og koma upp stórum barnahópi.
Og má því nærri geta að vinnudagur móður okkar hefur
oft verið langur og strangur.
Son sinn og bróður okkar, Þorstein Þór, misstu þau
7 ára gamlan og var það þeim og okkur systkinum mikill
harmur. Að öðru leyti tel ég að hún móðir okkar hafi á
margan hátt átt gott líf. Hún var ánægð með hópinn sinn
og fékk að ganga samstiga pabba um langan æviveg.
Mamma átti margar glaðar stundir, var spaugsöm
og glettin, hafði gaman af vísum og fljót að læra þær,
sérstaklega ef þær
voru vel ortar og
kímni í þeim. Hún
átti góða vini sem
héldu tryggð við hana
og hún við þá. Hún
kynntist systkinum
sínum þótt hún ælist
ekki upp með þeim
og hélt góðu
sambandi við þau.
Bamabörnin
veittu henni mikla
gleði og henni þótti
vænt um sveitina
sína.
Sem gömul
kona fannst mér hún
líta sátt yfir farinn veg. Síðustu árin voru henni erfið
heilsufarslega, en hún var ókvartin og hélt því fyrir sig
eins og hægt var.
Mömmu auðnaðist að halda óskertu andlegu atgervi
til hinsta dags, fylgdist vel með fólkinu sínu og bað því
blessunar.
Það er erfitt að lýsa sínum nánustu svo hvorki sé of
eða van, en ef ég á eftir að ná háum aldri vildi ég óska
mér þess að taka ellinni á sama hátt og hún gerði og
kveðja sáttur, einsog hún, við guð og menn, virt af öllum
sem þekktu hana.
Einar Geir Þorsteinsson.
r
LEIF (ZÍSTERBY
Hársnyrtistofa
Leifs og Ævars
Austurvegi 21, Selfossi
Lokað á laugardögum
frá 1. maí til 1. sept.
Opið:
OpicP
mán.-fim. 9-18,
föstud.9-19,
og laugard. 10-14.
sími 482-1455
J
Litli - Bergþór 26