Litli Bergþór - 01.12.2003, Blaðsíða 28

inu til fjárhagsáætlunar 2004. Fundargerðin í heild sinni
kynnt og staðfest með áorðnum breytingum.
Reglur um veitingar viðbótarlána til húsnæðiskaupa.
Lögð fram tillaga að reglum húsnæðisnefndar vegna
veitingar viðbótarlána til húsnæðiskaupa. Samþykktar.
Kynnt vinnnufyrirkomulag vegna fjárhagsáætlunar
2004.
Vinna við gerð fjárhagsáætlunar er að hefjast og er
ætlunin að nýta október og nóvember til þeirrar vinnu.
Síðari hluti október og fyni hluti nóvember mun fara í
vinnu með forstöðumönnum stofnana. Fyrri umræða um
fjárhagsáætlun verður því væntanlega 2. desember og sú
síðari á aukafundi þann 27. janúar 2004.
Gert er ráð fyrir að í nóvember fari byggðaráð yfir
fjárhagsáætlun og má gera ráð fyrir aukafundi vegna þess
18. nóvember.
Stefnt er að íbúafundi 15. janúar 2004, þar sem vinna
við fjárhagsáætlun verður kynnt ásamt öðrum málum.
Þá er samþykkt að bjóða út endurskoðun á
reikningum sveitarfélagsins í samráði við önnur sveitar-
félög í uppsveitum Arnessýslu.
Umsögn Bláskógabyggðar um heimarafstöð í
Eyvindartungu.
Bókun T-lista: „Við undrumst þau vinnubrögð Þ-list-
ans að taka ekki fyrir erindi sem berast sveitarstjórn.
Erindi Skipulagsstofnunar var sent sveitarstjórn 25. ágúst
og átti að svara 5. september. Flægt hefði verið að taka
erindið fyrir á sveitarstjórnarfundi 4. september s.l. en var
ekki gert. Þá kemur ítrekun frá Skipulagsstofnun og sett-
ur lokafrestur til að svara fyrir 23. september.
Sveitarstjóri svarar 19. september eins^________
og sveitarstjórn hafi tekið erind-Pessar ..............x
ið fyrir þótt það hafi ekki verið ( endalausu bókanir
gert. Þessum vinnubrögðum (virðast gegna einhverju
motmælum við og teljum ekki —
eðlilega stjórnsýslu." Bjami Þorkelsson
tekur undir bókun T-lista.
Þ-listinn leggur fram eftirfarandi bókun:
„Afgreiðsla þessa máls er í samræmi við þá
vinnureglu að einungis stærri mál og mál
sem talið er að ágreiningur geti orðið um
séu tekin beint inn á fundi sveitarstjórnar, en
önnur mál fara til afgreiðslu byggðaráðs.
Umsögn um heimarafstöð í Ey vindartungu
var gefin í samræmi við aðalskipulag Laugardalshrepps
2000 — 2012 auk þess sem sú rafstöð sem nú er í rekstri
var höfð til hliðsjónar ásamt þeim framkvæmdum sem
farið var út í í tengslum við þá virkjun”.
Sveitarstjórn samþykkir að veita framkvæmdaleyfið.
Útboð vegna gatnagerðar í Reykholti og Laugarási.
Verkfræðistofa VGS á Selfossi sem útbjó útboðsgögn,
yfirfór þau tilboð sem bárust. Tillaga stofunnar er að
frávikstilboð Asvéla ehf komi hagstæðast út og að það
uppfylli þau gæði sem farið var fram á.
Sveitarstjóra falið að ganga frá samningi við Ásvélar
ehf á grundvelli álits VGS. Samþykkt með fjórum
atkvæðum gegn atkvæðum Drífu og Kjartans. Snæbjörn
Sigurðsson vék af fundi undir þessum dagskrárlið.
Kosning þriggja fulltrúa á aðalfund SASS. Samþykkt
að Margeir Ingólfsson, Snæbjörn Sigurðsson og Drífa
Kristjánsdóttir verði fulltrúar Bláskógabyggðar.
Til vara verði: Sigurlaug Angantýsdóttir, Sveinn A.
Sæland og Kjartan Lárusson.
Sameiningarmál sveitarfélaga.
Sveitarstjórn lýsir yfir ánægju sinni með þá stefnu sem
Samband íslenskra sveitarfélaga hefur mótað í samráði
við ríkisstjómina í sameiningarmálum sveitarfélaga.
Mikilvægt er að þegar farið verður út í frekari
sameiningar sveitarfélaga, þurfi að liggja skýrt fyrir hver
verður framtíðarverkaskipting á milli ríkis og sveitar-
félaga og þá hvaða tekjustofnar fylgja með.
Sveitarstjórn Bláskógabyggðar samþykkir að á meðan
unnið er að þessu átaki á vegum Sambandsins þá verði
lögð áhersla á samstarfsverkefni, sem leitt geta til enn
frekari hagræðingar og ef til vill sameiningar á svæðinu.
Opnun heimasíðu Bláskógabyggðar. Sveinn A.
Sæland opnaði heimasíðuna og sagði nokkur orð um
tilurð hennar. Lagt til að heimasíðan og upplýsingar á
heimasíðu Bláskógabyggðar verði kynnt fyrir íbúum, fjöl-
miðlum og öðrum þeim sem gætu haft hag að þeim upp-
lýsingum sem heimasíðan veitir.
Bókun T-lista er að hann hefur ítrekað gert bókanir
vegna heimasíðu Bláskógabyggðar sem undanfarna fjóra
mánuði hefur ekki verið virk. Við fögnum því að hún
skuli nú vera opnuð. T-listinn vill að tekið verði út af
heimasíðu merki þriggja grenitrjáa enda hefur ekkert
merki verið gert fyrir Bláskógabyggð og ekki gott að það
verði til óvart.
Sveitarstjóri fagnar því að T-listinn skuli lýsa yfir
ánægju með opnun heimasíðunar. Grenitré vaxa víða í
sveitarfélaginu og vel má huga að grisjun þeirra og finna
nýja mynd á síðuna.
22. fundur byggðaráðs 28. október 2003.
Mættir byggðaráðsfulltrúarnir: Margeir Ingólfsson
formaður, Sigurlaug Angantýsdóttir og Kjartan Lárusson
auk Ragnars Sæs Ragnarssonar sveitarstjóra, sem ritaði
fundargerð.
Tilnefning á starfshópi sem sér um gerð landbóta-
áætlunar fyrir Biskupstungnaafrétt í tengslum við gæða-
stýringu í sauðfjárrækt. Lagt er til að Landgræðslufélagi
Biskupstungna verði falið verkefnið þar sem áætlunin
mun m.a. byggja á því starfi sem unnið hefur verið á
afréttinum undanfarin ár.
Greiðsluáætlun vegna gerðar aðalskipulags Þingvalla-
sveitar. Lagt er til að áætlunin verði staðfest. Kostnaður
ársins 2003 er kr. 2.265.900. Á fjárhagsáætlun ársins er
gert ráð fyrir kr. 1.450.000 í þennan lið, mismunur greiðist
með framlagi Skipulagsstofnunar Gert er ráð fyrir að kr.
2.783.820 verði greiddar á árinu 2004. Gert er ráð fyrir
greiðsluhluta sveitarfélagsins á fjárhagsáætlun þess árs.
Bréf frá slökkviliðsmönnuni í Biskupstungum dags.
12. október 2003 varðandi stöðu mála eftir sameiningu
Slökkviliðs Biskupstungna og Brunavarna Árnessýslu.
Endumýjun tækjakosts sem getið er um í bréfinu er
kominn í ákveðinn farveg samanber fundargerð
Brunavarna Árnessýslu dags. 2. október 2003, 4. liður. og
er von til þess að úr rætist fljótlega. Staða mála hefur
verið útskýrð á fundi með bréfriturum.
Litli Bergþór 28