Litli Bergþór - 01.03.2004, Síða 14
Frá Leikdeild Umf. Bisk
Ég ætla að segja frá nýafstöðnum sýningum á
leikritinu Góðverkin kalla eftir þá Ármann Guðmunds-
son, Sævar Sigurgeirsson og Þorgeir Tryggvason.
Þetta byrjaði kannski ekki nógu vel, þá á ég við
umræðuna meðal sveitunganana, á nú að fara að setja
upp leikrit einu sinni enn?, þarf ekki að fara að skipta
um fólk? o. s. frv.
Okey, við í stjórn Leikdeildarinnar héldum fund í
byrjun nóvember, þar sem þetta var rætt fram og til
baka. Sem betur fer erum við mjög bjartsýn og trúum
á okkar fólk, ákváðum sem sagt að halda okkar striki
og sýna leikrit í vetur. Og nú skyldi heldur betur
bjóða öllum í Bláskógabyggð að vera með okkur og
þeim boðið á fund þar sem málin yrðu rædd, dreifibréf
sent á hvern einasta bæ í sveitarfélaginu, og viti menn,
þar mættu átta manns, allt að megin hluta til sama
fólkið og verið hefur með okkur undanfarin ár, ekki
var nú áhuginn meiri en þetta.
En nóg um það, og lítum á björtu hliðarnar, leik-
stjóri var ráðinn, Gunnar Björn Guðmundsson, ungur
og upprennandi leikstjóri úr Hafnarfirði, sem reyndist
á endanum einn sá besti sem við höfum fengið til
okkar. Strax í upphafi var ákveðið að hefja æfingr 5.
jan. og frumsýna 13. febr. Og án teljandi örðugleika
tókst þetta sem þakka má samheldni leikhópsins og
allra þeirra sem komu að þessu, og ekki má gleyma
öllum elskulegu konunum sem sáu um eldhúsið um
helgar og mikilli vinnu sem þær skiluðu með sóma í
sambandi við ýmsar reddingar, svo sem við gerð leik-
skrár og söfnun á auglýsingum í hana og óteljandi
öðrum hlutum, því þetta er býsna mikið fyrirtæki.
Sem sagt frumsýnt var 13. febrúar, og fengum við
frábæra dóma í fjölmiðlum, alveg sama hvort um var
að ræða leik, leikstjórn eða sviðsmynd. Dæmi: „Til
þess að farsi gangi upp þarf leikstjóri að vera góður í
tímasetningum (tæmingum) og treysta leikurum sínum
fyrir þeim líka. Gunnar Björn er þannig leikstjóri og
jafn heppinn með leikara í Aratungu og þau með
hann.”
Formenn félaganna Dívans og Lóðarís á sviði.
Bankastjórinn og móðir hans.
„Makalaust nákvæmur í leik sínum.”
„ ... einfaldlega leikari af Guðs náð...“
„ ... bauð ýmsan varning sem heiðríkjan sjálf..."
„ ... með því snjallast sem ég hef séð ...“
„ ... hefur einstaklega og góða tilfinningu fyrir
kómískum tæmingum ...“.
Og svona mætti lengi telja áfram. Við sýndum 14
sýningar, telst okkur til að milli 800 og 900 manns
hafi séð þessa uppfærslu, sumir komu tvisvar til þris-
var sinnum.
Enn og aftur vil ég þakka öllum sem komu að
þessu, leikurum, leikstjóra, ljósamanni, hvíslara og
Hilmari Emi er þakkað kærlega fyrir hans þátt, öllum
konunum baksviðs og í eldhúsi.
Að lokum vil ég þakka Sigurjóni Kristinssyni fyrir
að vera með okkur, en hann fagnar nú 50 ára
leikafmæli með Ungmennafélagi Biskupstungna.
Gleðilegt sumar kæru _ -----------
Bláskæklingarog takk fyrir /%mun mœta> efég^g
komuna á sýnmgarnar í vetur. [boðaður á leikfélagsfund.
Egill Jónasson, _____
ritari Leikdeildar Umf. Bisk. Á Jf)
P. s.
Þið sem endilega viljið sjá nýtt fólk í leik-
starfi mætið á auglýsta fundi hjá okkur og
takið þátt í gamninu.
Litli Bergþór 14.