Litli Bergþór - 01.12.2004, Síða 6

Vatnsveitufélag Laugaráshverfis
In memoriam
Nú er nýlokið starfsemi Vatnsveitufélags Laugaráss
(VL). Stofnfundurinn var haldinn 12. júní 1964 svo félagið
starfaði í rétt liðlega 40 ár. Félagið var stofnað með
aðkomu Biskupstungnahrepps, Laugaráshéraðs,
Sláturfélags Suðurlands ásamt íbúum í Laugarási.
Starfsemi félagsins varð viðburðarrík og oft gekk á ýmsu.
Rekstri félagsins lauk formlega með því að Ragnari Sæ
Ragnarsyni, sveitarstjóra Bláskógarbyggðar, var afhent bók
sem innihélt ársreikninga Vatnsveitufélags Laugaráss frá
upphafi til varðveislu. Þar með yfirtók sveitarfélagið
endanlega rniðlun kaldavatns í Laugarási og nágrenni þess.
Upphaf Vatnsveitufélagsins má rekja allt aftur til 10.
september 1960 þegar fulltrúar Sláturfélags Suðurlands,
undir forsæti Jóns Bergs forstjóra, mættu til fundar í
Laugarási með Oddvitanefnd Laugaráshéraðs.
Sláturfélagsmennirnir voru að kanna staðsetningu fyrir
væntanlegt sláturhús sem vera skyldi í uppsveitum
Árnessýslu. Þó var einn galli á gjöf Njarðar. Mikla og
~QjT"-^öfluga vatnsveitu þurfti til að fullnægja
er þá \ þörfum hugsanlegs sláturhúss.
J Oddvitanefnd tók erindi
Sláturfélagsmanna vel, taldi sig vita um
gott vatnsból í nágrenninu og benti á svæði
við norðurenda brúarinnar sem góða
staðsetningu dælustöðvar.
Þó liðu fjögur ár þar til Vatnsveitufélag
Laugaráshverfis var stofnað. Aðdragandinn
að stofnun Vatnsveitufélagsins og fyrstu spor
þess eru hin fróðlegustu. I ljós hefur komið
að mikill kostnaður við þessar framkvæmdir
stóð bæði í Oddvitanefndinni og í hrepps-
nefnd Biskupstungna. Sláturhúsið krafði um öfluga vatns-
Hér tekur Ragnar Sœr, sveitarstjóri Bláskógabyggðar, við
ársreikningum Vatnsveitufélags Laugaráss af stjórnarmönnum
Vatnsveitufélagsins. Sem sjá má er Ragnari ekki undankomu
auðið. F.v. Skúli Sœland ritari, GylfiHaraldssonformaður, Ragnar
Sœr Ragnarsson sveitarstjóri og Þórður Halldórsson gjaldkeri
með bókina góðu.
dælingu og hleypti það kostnaðinum eðlilega upp úr öllu
valdi. Voru menn tregir til að leggja í svo fjárfrekar
aðgerðir og hreppsnefndin var komin á fremsta hlunn með
að hafna þátttöku við lagningu vatnsleiðslu vegna veitun-
nar. Upphaflega lögðust íbúar Laugaráss líka eindregið
gegn því að stofnuð yrði vatnsveita því þeir töldu eðlilegra
að sveitarfélagið sæi um þessi mál. Málin leystust þó
farsællega að lokum en fyrstu rekstarár veitunnar voru
henni erfið vegna kostnaðarins við uppsetningu hennar.
Vonandi gefst betra færi síðar að fjalla nánar um aðdrag-
andann að stofnun veitunnar og fyrstu spor hennar. Hún á
það að minnsta kosti skilið eftir öll þessi ár.
Skúli Sœland, sagnfrœðingur
og fyrrv. stjórnarmaður í VL.
SELÁS-BYGGINGAR ehf.
Tilboðsgerð, viðhald, hurðir,
gluggar, timbur-, íbúðar-,
sumar og stálgrindarhús
Hákon Páll Gunnlaugsson
löggiltur húsasmíðameistari + byggingastj.
Sími 486-8862/894-4142
netfang: hakon@eyjar.is fax: 486-8620
Litli Bergþór 6