Litli Bergþór - 01.03.2005, Qupperneq 10

og mátti aldrei vita hey fara til spillis. Og þegar við
fórum að rækta tún á melunum og mosunum,
söfnuðust upp allnokkrar fymingar. Því var það í
köldu árunum eftir miðja öldina, þegar vorgróðurinn
kom tveimur til þremur vikum seinna en menn áttu
að venjast og nokkrir bændur urðu knappir með hey,
einkum handa kúnum, þá gátum við miðlað þeim af
okkar fyrningum. Það var kannski nokkur greiði, en
ekki nein fórn, því allt var það borgað fullu verði og
voru í rauninni hin ánægjulegustu viðskipti.
L-B: Hver var skólaganga þín?
Jón: Eftir bamaskóla var ég einn vetur í Haukadal.
Ég hafði nú takmarkað gagn af því, við höfðum
lélegan kennara og flestir nemendur höfðu bara
áhuga á íþróttum, sem ekki voru mitt fag. Skólinn
var bara frá nóvember til febrúarloka, planið var að
menn gætu farið á vertíð eftir skóla.
Ég var nokkra vetur í vinnu annarsstaðar, en heima á
sumrin. Einn vetur var ég í Bræðratungu hjá Skúla
og Valgerði, Sveinn var þá á Hvanneyri. Svo var ég
nokkra vetur á Syðri-Reykjum hjá Grími. Þar
kynntist ég ýmsum störfum því þar voru mikil
umsvif, vann við pípulagnir með Grími, greip í verk
með iðnaðarmönnum og vann við búið.
L-B: Og síðan farið þið Ranka að búa hér í Kotinu?
Jón: Já, ég var nú að verða þrítugur og orðið mál að
ná mér í kvenmann! Ranka getur borið um það!
Ján og Ragnhildur á yngri árum.
Ragnhildur: Ég var nú bara krakkaskratti þegar ég
kom hingað haustið 1959. En við erum búin að
hokra þetta saman í 46 ár og hefur bara komið
ágætlega saman held ég!
Fyrstu 6 árin vorum við í heimili hjá foreldrum Jóns
á neðri hæðinni, en fluttum svo hér upp á loftið
þegar krakkarnir voru orðnir 3. Húsið er byggt
1957 og var flutt í það "58. Það var því alveg nýtt
þegar ég kom og óinnréttuð efri hæðin.
L-B: Hver eru börn ykkar?
Ragnhildur: Elstur er Karl, fæddur 1960,
búfræðingur frá Hvanneyri, næst er Sigríður, fædd
1964, þá Eiríkur, fæddur 1965. Þau tvö eru
búfræðikandidatar frá Hvanneyri. Yngstur er
Grímur, fæddur 1977, tæknifræðingur frá
Tækniskólanum.
Karl, Eiríkur og Sigríður 1966.
L-B: Við hvað vinna þau?
Ragnhildur: Karl býr kúabúi að Bjargi í
Hrunamannahreppi, kona hans er Jónína
Kristinsdóttir og þau eiga tvo syni, Helga Sigurþór
og Arnór Grím. Sigríður býr í Arnarholti hér í sveit
með manni sínum Sævari Bjarnhéðinssyni og
sonunum Bjarna og Teiti. Hún á líka dóttur frá fyrri
sambúð, Maríu Þórunni Jónsdóttur. Þau voru með
fjárbú, en eru nú fjárlaus eins og aðrir vegna
riðunnar. Nú er hún kennari, lauk því námi í fyrra,
og kennir við Reykholtsskóla. Eiríkur býr hér í
Kotinu, er giftur Amheiði Þórðardóttur og þau eiga
4 böm: Ögmund, Jón Hjalta, Þjóðbjörgu og Skírni.
Grímur býr í Vogum á Vatnsleysuströnd og vinnur í
Össuri. Kona hans er Olga Friðriksdóttir og þau
eiga einn son, Friðrik Ama. Þau eru því orðin 10
barnabörnin.
L-B: Hve stórt var búið þegar þið tókuð við?
Jón: Við byrjuðum formlegan búskap vorið 1960 á
móti foreldrum mínum. Þá vorum við með um 20
kýr og áttum helminginn af þeim og um 150 kindur.
Mjólkursala byrjaði héðan frá Kotinu fljótlega eftir
að foreldrar mínir komu hingað 1943 og var mjólkin
þá sótt á melinn hér fyrir neðan, á gatnamótin.
Þangað komu líka bændur frá Tungufelli, Jaðri,
Fossi og Haukholtum með sína mjólk.
Litli Bergþór 10