Litli Bergþór - 01.03.2005, Blaðsíða 20

niður. Með þessum breytingum var ætlað að einfalda
félagsstarfið.
I byrjun mars 1999 er á félagsfundi farið að ræða um
kaup á nýjum bíl og samþykkt að selja þann gamla.
Síðar í mánuðinum er samþykkt á aðalfundi að fela
stjóm félagsins að kaupa Toyota Landcmiser 90
björgunarbifreið, og er áætlað verð hennar 3 milljónir
króna, og ári síðar kemur fram að endanlegt verð var
um 5 % umfram þá áætlun. Snorri Geir Guðjónsson
á Tjörn er kosinn formaður
á þessum fundi.
Árið eftir er tækjakostur
Björgunarsveitarinna
styrktur nteð því að kaupa
tvo snjósleða en selja þann
gamla. Kostnaður við það
var rúmlega 1,1 milljón
króna. Mestum hluta
fjárins til þessa er aflað
með sjálfboðavinnu og
höfðu tekjur af „dósasölu“,
þ. e. það sem fæst fyrir
öldósir og flöskur úr söf-
nunarkössum félagsins.
í krafti tekna af slíku starfi
var samþykkt á aðalfundi fyrir tæpu ári að heimila
stjórninni að endunýja bíl sveitarinnar, „ef hún telur
fjárhagslegan gmndvöll fyrir því“, og mælti
fundurinn með 7 manna Patrol á 44 tomma dekkjum.
Niðurstöðu þessa verður kynnt hér á eftir.
Á þessum sama fundi er Helgi Guðmundsson í
Hrosshaga kosinn formaður, og er hann sá 7., sem
því starfi gegnir í þessi 20 ár auk þeirra fjögurra, sem
voru formenn Björgunarsveitarinnar. Jafnan hafa
formennimir verið valdir í skriflegri, leynilegri kosn-
ingu. Tugir fólks hafa gegnt ýmsum trúnaðarstörfum
fyrir félagið svo sem ritari, gjaldkeri, meðstjórnend-
ur, skoðunarmenn, tækjaverðir, fulltrúar í
Svæðissjóm, fjáröflunarnefnd, húsbyggingamefnd,
þjóðhátíðarnefnd og ýmsu öðru. Segja má að grunn-
inn að starfi félagsins leggi þeir sem afla fjár til starf-
seminnar með ýmiskonar sjálfboðavinnu. Hún hefur
verið mjög umfangsmikil síðustu ár. Ber þar hæst, ef
miðað er við afrakstur, söfnun og flokkun drykkjar-
umbúða, sem skilaði rúmri milljón í félagssjóð á
síðasta ári. En þetta er ekki það eina. Unnið hefur
verið við að rífa aflögð hús, taka upp girðingar, sem
ekki þjónuðu tilgangi, þökur hafa verið lagðar á
moldarfleti, vísun í bílastæði bæði við kirkjur og
réttir, bílar dregnir á fast, kindum komið til byggða
og ýmislegt fleira. Flest af þessu greiða þiggjendur
þjónustu nokkuð fyrir en félagar fá aldrei sjálfir neitt
fyrir sína vinnu, en laun þeirra em að leggja þörfu
málefni lið og sjá Björgunarsveitina eignast gott
húsnæði og gagnleg björgunartæki. Einnig var öll
vinna ólaunuð við byggingu Björgunarsveitarhússins
og frágang þess, svo og við smíði ýmissa tækja og
búnaðar, svo sem snjósleðakerrunnar og
flokkunarbúnað drykkjarumbúða.
En starf Björgunarsveitarinnar felst í fleira. Á hverju
ári er farið með æskufólk til fjalla, því gefinn áttaviti
og kennt að nota hann, námskeið eru haldin í rötun,
fyrstu hjálp og ýmsu fleiru, komið er saman eitt
kvöld í hverri viku nema á hásumri hér í húsinu til að
vinna verk sem kalla að og ræða um félags- og
björgunarstarfið. í byrjun
hvers vetrar er haldin
árshátíð þar sem félögum
gefst færi á að sletta
aðeins úr klaufunum, og
var það síðast í samvinnu
við björgunarsveitirnar í
nágrenninu hér fyrir
vestan, í Laugardal,
Grímsnesi og Grafningi.
Er það einn liður í vaxandi
samstarfi þessara félaga.
Allt á þetta að leiða til
öflugs slysavama- og
björgunarstarfs hér í sveit
og hvar sem félagar í
Björgunarsveit Biskupstungna fá tækifæri til að
leggja þeim málum lið.
Arnór Karlsson.
Þakkir
Björgunarsveit Biskupstungna hélt hátíð 12. mars í
tilefni af 20 ára afmæli sínu. Þar var meðal annars
formlega afhentur nýr bfll, Nissan Patrol á 44
tommu dekkjum.
Félaginu bárust af því tilefni margar góðar gjafir,
m. a. gjafabréf frá Landsbankanum til tækjakaupa
að upphæð kr. 50.000, gjöf frá Hótel Geysi til
kaupa á sjúkrabörum kr. 50.000, myndavél frá
stjórn og starfsfólki Landsbjargar, gestabók frá
Björgunarsveitinni Ingunni og leitarljós frá
Björgunarsveitinni Sigurgeir, veggklukka frá
Brynjari á Heiði og kaffiveitingar í tilefni dagsins
frá Kvenfélagi Biskupstungna. Björgunarsveitar-
menn þakka gefendum af heilum hug og öllum
öðrum, sem áttu þátt í að gera þennan dag
ánægjulegan með einum og öðrum hætti.
F. h. Björgunarsveitarinnar,
Helgi Guðmundsson, formaður.
Formaður Björgunarsveitarinnar þakkar formanni
Kvenfélagsins, Sigríði Egilsdóttur, fyrir veitingar á
afmœlishátíð.
Litli Bergþór 20