Litli Bergþór - 01.06.2005, Blaðsíða 3

-----------------------
Ritstj ómargrein
Ein af fmmforsendum þess að fólk vilji og geti sest að og búið á einhverjum stað er að þar
sé vinnu að fá, hvort sem það er við eigin rekstur eða starfsemi annarra. Upp á síðkastið hefur
verið næga vinnu að fá hér í sveit, og er það sérstaklega í byggðahverfunum. Opinberar stofn-
anir, svo sem heilsugæslustöðin, hreppsskrifstofan og grunnskólinn, þurfa allmarga stafsmenn,
í yleingaverksmiðjunnni er töluvert mörg störf, bygginga- og jarðvinnuverktakar hafa verkefni
fyrir allstóran hóp manna, nokkrar garðyrkjustöðvar eru með það umfangsmikinn rekstur að
þær þurfa töluvert af aðkeyptu vinnuafli og hjá fyrirtækjum í verslun og ferðamannaþjónustu
starfa margir, svo það helsta sé nefnt. Þannig geta allar vinnufúsar og vinnufærar hendur
fengið eitthvað að gera. Sumir þurfa að sækja þessa vinnu um alllangan veg frá heimili sínu
en þó ekki marga tugi kílómetra. Slíkt virðist fólk nú ekki setja mikið fyrir sig, enda flestir
vegir góðir og gert ráð fyrir að þeir séu færir nema í verstu vetrarbyljum.
Flest þessi störf, sem eru til reiðu innan sveitar, krefjast ekki mikillar menntunar, en því
fylgir að þau munu ekki hátt launuð. Því má ætla að meðallaun séu hér fremur lág og að
margir, sem verða sér úti um góða menntun og sérhæfingu á einhverjum sviðum, velji sér
búsetu annars staðar. Ur þessu er ekki auðvelt að bæta en þó rétt að gera sér gein fyrir þessu
og bregðast við á jákvæðan hátt, ef einhver lýsti áhuga á að koma hér á fót starfsemi, sem
byggðist á hálaunastörfum.
Frá fyrstu tíð hefur lífsafkoma fólks hér byggst að lang mestu leyti á því sem landið gefur
og þá fyrst og fremst sauðfjár- og nautgripa rækt. Sem stendur er sauðfjárbúskapurinn ekki
mikill vegna útrýmingar riðuveikinnar. Væntanlega vex hann aftur að þeim aðgerðum loknum,
en ekki er líklegt að hann nái aftur þeirri stöðu, sem hann hafði fyrrum. Mjólkur- og nauta-
kjötsframleiðsla gæti hins vegar styrkst, einkum ef veðurfar verður svo hlýtt að unnt verði að
rækta hér bygg til fóðurs. Kúabúin verða þó tæplega mörg á næstu áratugum en gætu stækkað
verulega. Góður grunnur er stór tún og mikið ræktunarland.
Garðyrkjan varð veigamikill atvinnuvegur hér á síðari hluta síðustu aldar og heldur enn
sínum hlut. Eins og í öðrum greinum verða stöðvarnar færri og stærri. Aukin tæknivæðing
kallar á stærri einingar. Mikið af heitu vatni og landrými býður upp á möguleika til aukningar,
ef markaður er fyrir hendi.
Nú er mikið horft til möguleikanna, sem eru í þjónustu við ferðamenn. Væntanlega má líta
svo á að ekki þurfi hér sérstakar aðgerðir til að fjölga ferðamönnum, en markmiðið sé að fá þá
til að staldra lengur við og sækjast eftir meiri þjónustu, hvort sem það er að iðka einhverja
íþrótt, eins og golf, sem margir sækja í nú, njóta samvista við dýr, njóta náttúrunnar við veiðar
í ám og vötnum eða á annan hátt.
Hér eru miklir möguleikar á framleiðslu kjöts, mjólkur, matjurta, blóma og trjáplantna og
unnt að fá gesti til að una sér við ýmiskonar afþreyingu. Mikils er um vert að umhverfi
þessarar starfsemi sé aðlaðandi og sýni að hér sé hrein og óspillt náttúra. Hús í niðurníðslu,
ónýtar girðingar, ófrágengnar malamámur og rusl á víðavangi spillir þeirri mynd.
Astæða er til að minna á þetta hvað eftir annað í þeirri von að það veki einhverja til að líta á
sitt umráðasvæði og athuga hvernig það mun líta út í gestaaugunum.
A. K.
V_______________________________________________________________________________________________J
3 Litli Bergþór