Litli Bergþór - 01.06.2006, Síða 5

Hvað segirðu til?
Helstu tíðindi úr Biskupstungum frá apríl til júní
í flestu tilliti hefur veðurfar þessa mánuði verið
gott. Snjór hefur varla sést nema á fjallatoppum og
vegir því verið greiðfærir. I apríl var hiti oft nærri
frostmarki, stundum dálítið frost og kom svolítill
klakabörkur í jörð en hlýindi ekki það mikil að gróður
lifnaði verulega. Fyrri hluti maí var hlýr og suma
daga fór hiti yfir 20°C og náði 23°C 9. maí og var það
mesti hiti á landinu öllu í maímánuði. Þetta stóð þó
ekki lengi og síðari hluta maí var fremur kalt og oft
nokkuð hvass norðaustan vindur. Gróður sem var
farinn að lifna missti víða skærasta vorlitinn, en virtist
ekki verða fyrir varanlegum skaða. Næturfrost mun
hafa verið fram í byrjun júní. Urkoma var mjög lítil,
og suma daga var moldrok ofan af hálendisbrúninni
og einnig úr flögum, sem farið var að búa undir
sáningu. Síðustu daga maí og fyrri hluta júní var hlýtt
og rigndi dálítið. Þá dafnaði gróður vel.
Helgihald um páska var með hefðbundnum hætti,
messað var í Haukadalskirkju á skírdag, Torfa-
staðakirkju á föstudaginn langa og fjórum sinnum í
Skálholtskirkju frá skírdegi til páskadags og auk þess
var þar tónlistarstund með trúarlegri tónlist að kvöldi
föstudagsins langa. I Bræðratungukirkju var messað
annan sunnudag eftir páska.
Ferming fór fram í Skálholtskirkju 14. maí, en þá
voru fermd frændsystkinin Jóhann Kjartansson á
Brautarhóli og Auður Hanna Grímsdóttir í Asatúni í
Hrunamannahreppi. Þau eru systkinabörn frá Felli og
föðurforeldrar hennar búa á Lindarbrekku hér í sveit.
Laugardaginn fyrir hvítasunnu var Rakel Rún
Ragnarsdóttir Tröðum, Bisk. fermd í Skálholtskirkju,
og á hvítasunnudag voru fermd þar Amar Freyr
Jósepsson Brúarási í Grímsnesi, Amdís Anna
Jakobsdóttir Lyngbrekku, Bisk., Eyrún ída Guðjóns-
dóttir Miðholti 3, Bisk., Guðfinnur Davíð Óskarsson
Kistuholti 2, Bisk., Hugrún Ásta Kristjánsdóttir
Bjarkarbraut 12, Bisk., Jóhann Atli Arason Háukinn 8,
Hafnarfirði, Lovísa Tómasdóttir Auðsholti 2, Hrun.,
og Ægir Freyr Hallgrímsson Miðhúsum, Bisk.
Stjórn Foreldrafélags leikskólans Álfaborgar og
starfsfólk hans buðu til vorhátíðar í húsi hans í
Reykholti síðast í apríl. Þar var að sjá sýnishom af
því sem bömin hafa verið að búa til í vetur, veitingar
skemmtun og tombóla. Um 30 böm hafa verið í leik-
skólanum í vetur.
Skólastjóri Grunnskóla Bláskógabyggðar, Arndís
Jónsdóttir, sleit honum 8. júní á þremur stöðum, á
Laugarvatni, í Ljósuborg í Grímsnesi og í Aratungu.
Alls voru um 200 nemendur á þessum þremur starfs-
stöðvum í vetur og um 2/3 af þeim úr Biskupstungum.
Nítján voru útskrifaðir með grunnskólapróf úr 10.
bekk í Reykholti, og luku flestir öllum 6 prófunum.
Auk þess lauk einn níundibekkingur, Jón Hjalti
Eiríksson í Gýgjarhólskoti, lokaprófi úr grunnskóla í
stærðfræði. Hann hlaut einkunina 10 í því. Eldri
bróðir hans, Ögmundur, var í vetur í 1. bekk í
Menntaskólanum að Laugarvatni, og fékk hann þar
hæstu einkunn yfir skólann við útskrift í vor.
Nokkrar breytingar eru um þessar mundir hjá
Skálholtsskóla. Hólmfríður Ingólfsdóttir, sem séð
hefur um bókhald og fjármál þar undanfarin ár verður
nú framkvæmdastjóri og sérstök stjórn hefur yfirum-
sjón með starfinu á staðnum. Bernharður Guðmunds-
son, rektor, lætur af störfum í lok júlí, og við því starfi
tekur Kristinn Ólafsson, sem er doktor í gamlatesta-
mentisfræðum.
I vor hafa götur verið undirbyggðar á nýju bygg-
ingarlandi í Reykholti vestan Biskupstungnabrautar
norðan Yleiningar.
Komið var á svonefndri ADSL tengingu síma í
Laugarási og nágrenni í vor. Gefur það möguleika á
greiðu netsambandi.
I vor var Listasmiðjan Gerði ehf. opnuð í Vestur-
byggð í Laugarási. Þar selja þau Ellisif Malmo
Bjamadóttir, garðyrkjufræðingur, og Loftur Snæfells
Magnússon, húsasmíðameistari, sumarblóm og fleira.
Egill Ámi Pálsson frá Kvistholti í Laugarási hlaut í
vor styrk, að upphæð kr. 1 milljón, úr styrktarsjóði
Baugs til að fara til Bandaríkjanna í framhaldsnám í
söng, en hann hefur lokið 8. stigi í Söngskólanum í
Reykjavík með góðum árangri.
Byrjað var á fjómm íbúðarhúsum í Reykholti í maí
með samtals 10 íbúðum, og að auki aðstöðu fyrir
skiltagerð í einu þeirra. Starfsmannahús hefur verið
byggt við Gullfosskaffi.
Þjóðhátíð hófst með guðsþjónustu í Torfastaða-
kirkju 17. Júní, skrúðganga var frá Bjarnabúð að
Iþróttamiðstöð og var þar hefðbundin dagskrá með
ávarpi fjallkonu og hátíðarræðu. Um kvöldið var
„sundlaugardiskótek“ í Reykholtslaug.
Ingólfur Jóhannsson (f. 1919), bóndi á Iðu, lést í
júní 2005. títför hans fór fram frá Skálholtskirkju og
hann var jarðsettur í kirkjugarðinum þar. (Farist hafði
fyrir að greina frá láti hans í þessum þætti í 2. tbl. 26.
árg.)
títfarir tveggja Laugdælinga fóru fram frá
Skálholtskirkju, Ragnheiðar Sveinbjörnsdóttur á
Hjálmsstöðum (f. 1916) í apríl og Þorkels Bjarnasonar
(f. 1929) á Laugarvatni í byrjun júní. Bæði voru þau
jarðsett á Laugarvatni.
títför Þórdísar Pétursdóttur á Seli í Grímsnesi
(f. 1963) fór einnig þar fram undir lok maí.
Lára Jakobsdóttir (f. 1938), húsmóðir á Syðri-
Reykjum, lést um miðjan apríl. títför hennar fór fram
frá Skálholtskirkju, en eftir bálför í Reykjavík var hún
jarðsett í Torfastaðakirkjugarði.
A. K.
5 Litli Bergþór