Litli Bergþór - 01.06.2006, Blaðsíða 20
reisa skyldi héraðsskólann. Biskupstungnahreppur
bauðst til að gefa Haukadal með hjáleigum til væntan-
legs skólaseturs og flytja allt efni sem til þurfti, a.m.k.
frá Vatnsleysu, fyrir ekki neitt. Vafalaust hefur
Sigurður verið þess mjög fýsandi að láta jörð sína af
hendi, enda líklegt að þar hefði beðið hans
framtíðarstarf sem íþróttakennari. Þessu boði var sem
kunnugt er hafnað og héraðsskólinn reistur á
Laugarvatni enda öllu betur þar í sveit settur. Og þá
stofnaði Sigurður sinn eigin íþróttaskóla.
Frá veru minni í Haukadal á ég einungis hinar bestu
minningar. Þegar ég nú á gamalsaldri lít yfir farinn
veg tel ég mig tvímælalaust eiga það dvöl minni í
Haukadal að þakka að ég gerðist leikfimikennari við
Bændaskólann á Hólum haustið 1934 og hélt því starfi
nær þrjá áratugi. Þó fór ég tveim árum seinna, eða
haustið 1936, í íþróttaskólann á Laugarvatni og lauk
þar íþróttakennaraprófi sem gaf réttindi til kennslu í
leikfimi og öðrum íþróttum. En þótt Haukadalsvistin
hefði aldrei leitt mig að Hólaskóla hefði hún að öðru
leyti áreiðanlega orðið mér gott veganesti út í lífið.
Nú er skólinn í Haukadal allur og stofnandi hans
kominn að fótum fram. Um 800 nemendur sóttu
skólann þau 42 ár sem hann starfaði, eða til 1969.
Þess er áður getið að við stofnuðum vísi að
bókasafni Nemendafélags Haukadalsskóla og blaðið
Hauk. Ekki veit ég hversu stórt bókasafnið hefur
orðið, trúlega nokkuð. Nemendafélagið mun hafa
starfað vel á hverjum vetri og blaðið gefið út í áratugi.
Lagði Sigurður áherslu á að nemendur æfðu sig í að
koma fyrir sig orði í ræðu og riti.
Rétt fyrir skólaslit var svo stofnað
Nemendasamband Haukadalsskóla. Þótt víst sé að
þessi félagsskapur starfaði aldrei neitt, fæddist and-
vana, læt ég fylgja lög þess:
Frumvarp til laga fyrir Nemendasamband
Haukadalsskóla
1. grein
a) Sambandið heitir Nemendasamband Haukadals-
skóla.
b) Félagar geta þeir einir orðið, sem hafa verið kenn-
arar eða nemendur við Haukadalsskóla.
2. grein
Sambandið er stofnað með það fyrir augum að þeir
sem notið hafa kennslu í Haukadal geti allir sem einn
maður stutt skólann með ráðum og dáð og hver og
einn félagi á þá að hugsa til skólans sem sinnar eigin
eigu.
3. grein
a) Fimmta hvert ár koma félagar saman í Haukadal og
er tilgangur þeirra funda að rifja upp kynningu félag-
anna og ræða framtíðarmál sambandsins.
b) Einnig skal sá fundur verða til almennrar skemmt-
unar þar sem fram fara: íþróttir, söngur, ræður og fl.
4. grein
Á milli móta skal kynningu félaganna og skólans
haldið við með bréfaviðskiftum.
5. grein
a) í stjórn sambandsins sitja, auk skólastjóra, 4 menn
sem kosnir eru á hverjum sambandsfundi til 6 ára í
senn.
b) Stjórnin skiptir svo með sér verkum að einn er
formaður, annar ritari, þriðji féhirðir og hinir tveir
meðstjórnendur.
c) Einnig skal á þeim sama fundi kosin 5 manna
varastjórn sem lýtur sömu ummælum og aðalstjórnin.
6. grein
Þeir einir geta setið í stjórn eða varastjórn sem búsettir
eru í Árnes- og Rangárvallasýslu.
7. grein
Stjórnin annast undirbúning mótanna og ákveður
hvenær þau skuli haldin.
8. grein
a) Þriðja hvert ár vill sambandið gefa út skýrslu um
starfsemi skólans.
b) Ritið skal sent í póstkröfu til allra félagsmanna
sambandsins og við móttöku ritsins greiði hver félagi
10 krónur sem iðgjald til sambandsins yfir þriggja ára
tímabil.
c) Félögum er sent ritið ókeypis.
9. grein
Iðgjöld félaga og aðrir fjármunir sem sambandið kann
að eignast, renna til útgáfu skólaskýrslnanna en það
sem afgangs er skal ávaxta á öruggum stað.
10. grein
a) Á sambandsmótum skal gerð grein fyrir fjármálum
sambandsins og allri starfsemi þess og skulu
reikningar allir endurskoðaðir af tveimur þar til kjörn-
um mönnum.
b) Þá skal ákveðið hvað gera skal við inneign, ef ein-
hver er.
c) Einnig skal gerð grein fyrir ásigkomulagi
Haukadalsskóla.
11. grein
Leggist skólinn niður og verði ekki endurreistur aftur
innan 5 ára skal þó eigi að síður haldið eitt nemenda-
mót og þá tekin ákvörðum um framtíðina.
Raflagnir - Viðgerðir
Tek að mér nýlagnir, hönnun raflagna og alla
almenna rafvirkjavinnu ásamt tækjaviðgerðum.
Efnissala og varahlutaþjónusta.
Fljót og góð vinna.
Sumarbústaðaeigendur athugið að ég sæki
um öll leyfi fyrir heimtaug að
sumarhúsum og lagningu raflagna.
Jens Pétur Jóhannsson
LÖGGILTUR RAFVERKTAKI
HEIMASÍMI486 8845
Verkstæði sími 486 8984
GSM 893 7101
Litli Bergþór 20