Litli Bergþór - 01.12.2009, Blaðsíða 11

Ferðanefndin, Ósk og Heiða með Þrúðuformann á milli sín.
Og þarna stóðum við í biðröðinni við „tékkinnið“ og
brostum í hring yfir velheppnaðri ferð, - þar til einn
kórfélagi, Ingibjörg Stefáns, var allt í einu stöðvuð. - Nei
góða, þú átt ekki bókað far í dag, þú ert bókuð heim eftir
mánuð! Prentvilla í flugmiðanum. Nú voru góð ráð dýr.
Búið að loka öllum skrifstofum í Berlín, en sem betur fer
er tveggja klst. tímamismunur milli íslands og Þýskalands,
svo skrifstofan í Reykjavík var enn opin. Og eftir meira en
klukkutíma stímabrak og hringingar, heimtum við
Ingibjörgu okkar úr helju, og allir komust út í flugvél
heilu og höldnu! Þvílíkur léttir!
Flugið heim var tíðindalaust eftir það og til Keflavíkur
vorum við komin á áætlun, undir miðnætti um kvöldið og
heim í Tungur undir morgun!
Þessi ferð var ógleymanlegur endapunktur á 20 ára
samstarfi okkar kórfélaga í Skálholtskór undir stjórn
Hilmars Arnar. Fyrir mörg okkar hefur kórinn verið eins
og önnur fjölskylda. Kórsöngur gefur fólki svo ótrúlega
mikið og það gefur líka mikið af sér til samfélagsins.
Þessi verðmæti verðum við að standa vörð um okkar
sjálfra vegna og samfélagsins hér í Biskupstungum.
Höldum áfram að syngja!
Ég vil nota tækifærið og þakka kórfélögum mínum og
kórstjóra langt og gott samstarf og ekki síst, takk fyrir
frábæra ferð til Berlínar síðastliðið vor.
Geirþrúður Sighvatsdóttir
fyrrv. kórformaður.
Myndir: Ýmsir.
Biskupstungur/Bláskógabyggð
Munur á örnefni og stjórnsýslueiningu
Mig langar að koma á framfæri athugasemd til sveit-
arstjórnar vegna vannýtingar á nafni sveitarfélagsins
okkar, Biskupstungna, sem nú um stundir er í stjórn-
sýslueiningunni Bláskógabyggð. Þetta gamla nafn á
sveitinni verður að vera sýnilegt, jafnt á vegaskiltum,
landakortum sem og í póstáritun, óháð því hvernig á
stendur í stjórnsýslunni hverju sinni.
Tungurnar tvær, landsvæðið milli ánna Hvítár að
austan og Brúarár að vestan, voru frá landnámsöld
nefndar Eystri- og Ytritunga og síðar Biskupstungur
eftir biskupsstólnum í Skálholti. Þingvellir og Laugar-
dalur eru að sjálfsögðu ekki síður fornfrægir staðir.
Þegar síðast var kosið um sameiningu sveitarfé-
laga hér í uppsveitum Arnessýslu varð niðurstaðan
sú, að Biskupstungur, Laugardalur og Þingvallasveit
samþykktu sameiningu, önnur höfnuðu henni. Þessari
stjórnsýslueiningu var valið nafnið Bláskógabyggð.
I framhaldi af því voru öll skilti sem sýndu að ferða-
langar væru að koma inn í Biskupstungur, Laugardal
eða Þingvallasveit tekin niður og skilti með nafninu
Bláskógabyggð sett í staðinn.
Þetta tel ég mikil mistök. Biskupstungur, Þingvellir
og Laugardalur eru forn örnefni. Þessi nöfn eru hluti
af Islandssögunni, þau eru hluti af landinu. Þau ber að
halda í heiðri og mega alls ekki glatast.
Stjórnsýslueiningar breytast hinsvegar og eins nöfn-
in á þeim, eftir því hvernig sameinað er eða sundrað.
Hvað vitum við hvað svæðið verður kallað eftir næstu
kosningar? Gullhreppar? eða Arnesþing? Á þá aftur að
taka öll skiltin niður og breyta um nafn?
Nei, leyfum landinu okkar að halda sínum fornu
örnefnum. Það er allt í lagi að leyfa ferðalanginum
að sjá að hann er að koma inn í Biskupstungur, að
Þingvöllum, í Laugardal, á Selfoss. (Undir nafni
svæðisins má svo gjarnan vera annað skilti með nafni
gildandi stjórnsýslueiningar á staðnum hverju sinni, ef
vill.)
Svipuð meinloka gerðist með póstföng landsmanna.
Þeim var breytt fyrir nokkrum árum, þannig að forn
hreppanöfn eins og til dæmis Biskupstungur voru tekin
út og allt sett undir Selfoss, sem veldur ómældum
ruglingi í póstdreifingunni. Það væri mun öruggara
að tilgreina á hvaða svæði býlin eru, og þar á eftir
má koma 801 Selfoss. Það eru margir bæir með sama
nafn undir sama póstfangi hér í 801. T.d. eru fleiri en
eitt Miðhús, Austurhlíð, Krókur, Bjarkarbraut (bæði í
Reykholti og Laugarvatni í Bláskógabyggð) og fleiri
dæmi mætti nefna.
Ég vona að sveitarstjórnarmenn í Bláskógabyggð,
vegagerðin og póstþjónustan sjái muninn á þessu
tvennu, ömefni og stjórnsýslueiningu,
Höldum nafni sveitarinnar okkar á lofti og sjáum til
þess að landið okkar sé rétt og sómasamlega merkt, á
landakort sem og vegaskilti.
G.S.
11 Litli Bergþór