Fréttabréf Ættfræðifélagsins - 01.10.1985, Blaðsíða 3
- 3 -
NIÐJATAL Ögmundar Andréssonar bónda að Hellu, Beruvík á SnæfelIsnesi, og konu
hans Sólveigar Guðmundsdóttur.
Þetta niðjatal tók Ingimar F. Jóhannsson saman. Efni bókarinnar er fjölritað á
pappír af stærðinni A4. Bókin skiptist í þessa kafla: Formála, æviágrip, Hellu-
bæinn, niðjatal, myndir, vísur, sýnishorn af rithönd, ættartölur, ættarmót og
nafnaskrá. Oneitanlega ber á göllum í stíl og um nokkra endurtekningu er að
ræða. En taka verður viljann fyrir verkið enda er kostnaður orðinn það mikill
við útgáfu nú að þakka ber allt sem kemur þótt ófullkomið sé. Þessi bók verður
eflaust kærkomin öllum sem til fólksins þekkja. Við þökkum Ingimari fyrir fram-
tak og mikla vinnu.
A.S.
N? ÆTTFRÆÐIRIT KOMIN OT A ARINU
Þriðja bindið af Ættarskrám Akraness eftir Ara Gíslason ættfræðing. Ætlunin
er að tvö bindi komi út í viðbót. Þetta er mjög merkilegt ættfræðirit og gefur
miklar og öruggar upplýsingar. Sögufélag Borgfirðinga gefur ritið út. Margar
myndir eru í bókinni og eru þær af flest öllu fólki bókarinnar. Myndirnar eru
yfirleitt vel prentaðar og vel skipað í lesefni.
Sjöunda bindið af Borgfirskum æviskrám kom líka út í vor. Það tekur yfir
nöfnin Kalman Stefánsson til Morten Ottesen. Bókin er skrýdd mörgum myndum eins
og áður. Sögu félag Borgfirðinga gefur æviskrárnar út. Safnið er orðið eitt af
þeim stærstu í landinu, traust og öruggt.
Margt er mjög athyglivert við vinnubrögðin á útgáfu Borgfirskra æviskráa.
Höfundarnir eru þrír: Aðalsteinn Halldórsson, Ari Gíslason og Guðmundur Illugason.
Allir eru þeir frægir ættfræðingar. Samstarf þeirra hefur verið með miklum
ágætum.
I sumar kom út Niðjatal Sigurðar Þorbjörnssonar og Ingigerðar Björnsdóttur
frá Króki í ölfusi. Höfundur er Magnús Þorbjörnsson. Hér er um að ræða snotra
og vel gerða bók, skemtilega upp setta og vel unna. Nokkrar myndir eru í bókinni
og er mikil prýði að þeim.
Niðjatal Benjamíns Jónssonar og Katrínar Markúsdóttur á Hrófbjargarstöðum.
Bókin er gefin út af ritnefnd, en Sveinbjörg Guðmundsdóttir Illugasonar sá um út-
gáfuna. Bókin hefst á ættlegg frá Marteini Einarssyni biskupi. Bókin er skreytt
myndum, bæði fjölskyldumyndum og myndum af einstaklingum.
Jón Gíslason