Fréttabréf Ættfræðifélagsins - 01.11.1985, Blaðsíða 1

Fréttabréf Ættfræðifélagsins - 01.11.1985, Blaðsíða 1
FRETTABREF ÆTTFRÆÐIFÉLAGSINS 5. tbl. 3. árg. Nóvember 1985 KYNNINGARDAGAR Það má telja til merkilegrar nýjungar að seinustu dagana í október var efnt til kynningar á Ættfræðifélaginu og útgáfubókum þess í Bókaverslun Snæbjarnar í Hafnarstræti. Frumkvöðull þessa framtaks var Einar Egilsson gjaldkeri félagsins. Verslunarstjóri bókaverslunarinnar Benedikt Kristjánsson tók þessu verkefni mjög vel. Hefur ekki áður að ég held verið staðið jafn myndarlega að kynningu á Ætt- fræðifélaginu. 1 tengslum við þessa kynningu voru flutt þrjú merk erindi hvert á sínum degi. Bjarni Vilhjálmsson flutti erindi sem nefndist Gildi manntalsins 1845, Jón Gísla- son flutti erindi um "Reykvískar ættir frá 18. öld" og dr. Jens O.P. Pálsson um "Tengsl mannfræði og ættfræði." Öll þessi erindi voru fróðleg á sína vísu en voru ekki vel sótt. Hefur flutn- ingur þeirra farið fram hjá mörgum eða Ættfræðifélagsmenn ekki átt heimangengt. Hér á eftir fer partur af erindi Jóns Gíslasonar formanns félagsins. Eg rita þetta upp eftir segulbandi þannig að villur verða á minn reikning. A.S. FYRSTU IÐNAÐARMENN RYEKJAVlKUR "Með ritun kirkjubókanna á þessum árum varð til geysileg heimild um mörg atriði úr sögu Reykjavíkur; ekki eingöngu um ættfræði heldur hvernig greina má fðlk etir atvinnustéttum, hvað það lærði og við hvað hugur fólkssins festist. Þetta var undirstaðan að því að hér kom upp iðnaðarstétt sem var nokkuð fjölmenn. Sumir af iðnaðarmönnunum urðu þekktir í þjóðfélaginu. Frá þeim eru komnir miklir áhrifamenn. Þegar líða tók á 19. öldina er einmitt ahyglivert að meiri hluti iðn- aðarmanna í Reykjavík er einmitt afkomendur fólksins sem flutti til Reykjavíkur á tímum Skúla Magnússonar. - Eg ætla að minnast á nokkra menn sem fluttust til Reykjavíkur til þess að vinna við Innréttingarnar. Þar er efstur á blaði hjá mér Jafet Illugason frá Hruna í Hrunamannahreppi. Hann dó 1791. Hann er í sóknar- mannatali frá 1769 kalaður yfirskerari. Ætt frá honum er mjög fjölmenn, stundum kölluð Lóskeraætt. Hann giftist konu er hét Þorbjörg Eiríksdóttir. Dóttir beirra var Ingveldur kona Einars Jónssonar stúdents og kaupmanns en þaunvöEu foneldrar Ingibjargar konu Jóns Sigurðssonar forseta. Sonur Ingveldar og Einars var Olafur prófastur á Stað á Reykjanesi vestra í Reykhólasveit faðir Þorláks 0. Johnsens kaupmanns sem stofnaði fyrirtækið O.Johnsen & Kaaber. Hann var frægur fyrir það að hann verslaði mikið við Englendinga og var mikill brautryðjandi í verslun hér í Reykjavík. Einnig var sonur Einars Guðmundur Johnsen prestur í Arnarbæli í Ölfusi og annar sonur Jafet gullsmiður í Reykjavík. Frá þeim er einnig margt af merkisfólki komið. Næsta ætt sem ég ætla að minnast á er oftastnær kölluð Vefaraætt eða Teitsætt. Hún er komin frá Teiti vefara Sveinssyni. Hann var fæddur 1738, dáinn 1809.

x

Fréttabréf Ættfræðifélagsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttabréf Ættfræðifélagsins
https://timarit.is/publication/885

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.