Fréttabréf Ættfræðifélagsins - 01.05.1986, Blaðsíða 2

-2-
Ættarskrá
Hér að ofan er ættarskífa sem er lykillinn að því talnakerfi sem notað er í
ættarskránni. Guðmundur Jensson gefur dæmi um þetta á næstu blaðsíðu.
Karlar bera jafnar tölur en konur oddatölur.
Faðir finnst með því að tvöfalda tölu sonar eða dóttur en móðir ber tölu sem
er einum hærri en tala föður.
Forfeður og formæður í kvenlegg eru rakin út frá #3, en forfeður í karllegg
frá #2.
Maki systkina ber ekki sérmerkingu.
Afkomendur systkina eru taldir strax á eftir þeim.
Fyrsta tala segir til um stöðuna í ættarskránni ( á ættarskífu eða ættartöflu ).
Punktur er hafður á eftir þessari tölu.
Talan fyrir aftan punktinn gefur til kynna röð í systkinahópi. Síðan kemur
bandstrik.
Fyrsta talan fyrir aftan bandstrikið táknar barn viðkomandi og um leið fjölda
þeirra (systkinaröð). Fari fjöldi barna í tveggjastafatölu er hafður punktur
á eftir.
Næsta tala táknar barnabarn og svo áfram.