Fréttabréf Ættfræðifélagsins - 01.11.1986, Page 1
FRETTABREF
ÆTTFRÆÐIFELAGSINS
7. tbl. 4. árg. Nóvember 1986
Indriði IndriSason;
Hugleiðing um gildi ættfræðirannsókna.
- Flutt á fundi í Ættfræðifélaginu,18.september 1986 -
Skemmtunar- og áhugaefni manna eru margbreytileg eins og
mennirnir sjálfir og mjög mismunandi jákvæð eða uppbyggjandi fyrir
manninn sem einstakling. Sum áhugaefni eru eingöngu til skemmtunar
að kallað er, en önnur af öðrum toga spunnin, en flest veita þau
þó iðkendum sínum ótaldar ánægjustundir og eru jafnframt leið til
þroska og menntunar með ýmislegum hætti.
Eitt af því sem stundum er nefnt tómstundagaman og grúsk er að
fást við ættfræði; það hefur einnig hagnýta þýðingu,og kem ég að
því síðar, en um þetta grúsk ætla ég að fjalla í stuttu máli.
Þetta spjall er eiginlega fremur miðað við áheyrendur sem lítið
þekkja til þessara hluta, þeim til fræðslu. Þeirrar fræðslu þarfnist
þið ekki,sem allflest eruð etv. altekin af bakteríunni; en þó kynni
svo að vera,að þið mættuð hafa af þessu rabbi einhverja skemmtun og
hæfir þá ekki að hafa lengri formála.
Ýmsir álíta að ættfræði-athuganir sé lítið annað en aðeins nöfn
og ártöl og geti það því ekki falið í sér mikla skemmtun og því
síður hagnýtt gildi. Þessir grúskarar séu bara skrítið fólk sem sé
að eltast við einhver stórmenni eða hexðarfólk (eins og eitthvað
sé til af því),sem það geti komið sér saman í ætt með, - en svo er
margt sinnið sem skinnið og sannindi þess máltækis eru okkur ætt-
fræðingum máske ljósari en sumum öðrum.
Ég er þannig gerður,að ég get ekki hugsað mér skemmtilegra
tómstundaefni eða starf en að fást við ættfræði,og get því tekið
undir með föður mínum, en hann kastaði fram þessari stöku á ungum
aldri: Ef það væri að sveitar=»sið,
svoleiðis lífi að haga,
ættartölur yndi ég við
alla mína daga. - =•= En faðir minn var bóndi á Fjalli
í Aðaldal og átti heima í þeirri sveit alla ævi.
Og hver er svo hvatinn að þessari leit okkar og grúski?
Hver er maðurinn, og hverra manna? Hvaðan er hann? Hvað starfaði