Fréttabréf Ættfræðifélagsins - 01.11.1986, Blaðsíða 6
-6-
sem þett fólk bjó, skiljum við Stephan G. einkarvel,er hann segir:
" Ég skil hví vort heimaland hjartfólgnast er,
öll höppin og ólánið það
er ættkvísl vor beið, rifjar upp fyrir þér,
hver árhvammur, fjallströnd og vað.
Og það er sem holtin sjálf hleypi í mann þrótt,
þar sem hreystiraun einhver var drýgð,
og svo er sem mold sú sé manni þó skyld
sem mæðrum og feðrum er vígð.”
Hvert spor sem við stígum í huganum aftur í fortíðina,og sérhver
upprifjun alþýðlegra fræða er við færumst í fang, gerir okkur lang-
sýnni á það er fyrir fótum okkar liggur. Þeim mun meira sem við vitum
um liðna tímann, þeim mun meiru getum við miðlað hinum ókomna tíma
og þeim atburðum er hann felur í sér.
Skoðun mín og niðurstaða nokkurrar reynslu er sú, að stundun
þessara fræða og þekking á þeim, geri okkur ættræknari,Þjóðræknari,
glöggskyggnari á lífið. Geri okkur haldbetri þátt í þjóðlífsheildinni
og þekking á þessum fræðum geri okkur hæfari til að lifa í landinu.
Við verðum hlutgengari til þess að skapa heilbrigt og öfgalaust
þjóðfélag, sem á sér skjöld og hlíf í þjóðarmetnaði sem byggður er
á erfðum og atvinnuháttum fortíðar í samruna við nútíma lífshætti.
FRÆNDGARÐUR oq ÆTTMEIÐUR eftir BJÖRN MAGNOSSON. Otgefandi: LEIFTUR hf.
Við gerum ráð fyrir því, að margir félagar í Ættfræðifélaginu kannist við hin
merku rit dr. Björns Magnússonar. Arið 1981 kom út eftir hann bókin Frændgarður
og 1985 bókin Ættmeiður. Tilefni þess að við minnum á þessar bækur nú er það, að
nú stendur félögum Ættfræðifélagsins til boða að kaupa þessar bækur á félagsverði.
Hjörtur Þórðarson forstjóri Leifturs hefur boðið okkur þetta. Þegar þetta er ritað
hefur verðið ekki verið ákveðið, en það verður tilkynnt þegar það liggur fyrir.
1 formála fyrir Ættmeiði segir Björn Magnússon meðal annars: "En um formæður sínar
vilja margir hnýsast, ekki síður en um forfeður, og því taka menn saman áatöl og
framættir. Þar sem niðjatölin eru rakin niður frá tveim einstaklingum hvert um sig,
eru framættirnar raktar upp frá einstakling eða systkinum bæði í karlleggi og kven-
leggi, svo langt og víða sem til næst. En hver einstaklingur á sér tvö foreldri,
sem síðan á sér tvö foreldri, o.s.frv., svo að talan tvöfaldast með hverjum ættlið.
Og nú er reynt að halda öllu til haga, í allar áttir og svo langt sem heimildir
finnast. Það væri ógerningur, ef ekki kæmu til sögunnar sömu ættleggirnir aftur og
aftur, og þá nægir að vísa á milli. Miklu varðar, að það sé gert greinilega og auð-
skiljanlega. Jafnframt leiðir af þessu, að bráðlega, þegar komið er fáa ættliði
upp á við, verða fyrir hendi ættleggir, sem fjöldi manna á sameiginlega, og jafnvel
næstum allir Islendingar, þegar kemur fáar aldir aftur í tímann."
Framhald á bls. 8