Fréttabréf Ættfræðifélagsins - 01.05.1991, Síða 1
FRETTABREF
ÆTTFRÆÐIFELAGSINS
3. tbl. 9. árg. Maí 1991
Almennur félagsfundur í Ættfræðifélaginu 11.04.1991.
Formaður setti fundinn og stjórnaði honum.
*
Gísli Agúst Gunnlagusson sagnfræðingur flutti viðamikið erindi um
lifnaðarhætti fólks á s.l. öld og fram á þessa öld. Fróðlegt erindi um
hagi þessa fólks, búhokur, hjúskap, hjúskaparhömlur, barneignir
utan hjónabands, frjósemi þess, barneignir vinnukvenna með
húsbændum sínum giftum sem ógiftum. Möguleika fátæks fólks að
stofna til hjúskapar og komast yfir jarðnæði til búskapar. Flutnings
þessa fólks úr sveit til þéttbýlis,og bann við öreiga giftingum, svo
eitthvað sé nefnt.
*
Gísli Agúst,lauk máli sínu með þeim orðum, að skilningur
sagnfræðinga um heimildir ættfræðinga til rannsókna þeirra væru
mikilvægar. Benti hann á bágar aðstæður hjá Þjóðskjalasafninu, og að
sagnfræðingar og ættfræðingar ættu að þrýsta á stjórnvöld um
úrbætur í þessum efnum.
Þórarinn B Guðmundsson kynnti tvær bækur: Niðjatal Björns
Eysteinssonar og Guðbjargar Jónsdóttur og Niðjatal Guðmundar
Loftssonar bónda, Holtum, Mýrum.
Á fundinum lögðu Sigurgeir Þorgrímsson og Jón Valur Jensson fram
eftirfarandi tillögu:
Almennur félagsfundur í Ættfræðifélaginu 11. apríl, 1991, skorar á
menntamálaráðherra og stjórn þjóðskjalasafns, að sjá til þess að
opnunartími Þjóðskjalasafns verði lengdur alla virka daga til kl.
19.00. Ættfræðifélagið væntir þess að þetta verði gert án þess að
opnunartími verði styttur á öðrum tímum. Hér er um brýnt
nauðsynjamál að ræða fyrir ættfræðinga, sagnfræðinga og fleiri
fræðimenn, einkum þá sem nota stopular stundir utan vinnutíma til
fræðiiðkana. Ættfræðiáhugi hefur stóraukist á undanförnum árum, og
því þarf opinber þjónusta að aukast að sama skapi til að koma á móts
við þarfir þessa fólks fyrir upplýsingasöfnun og heilbrigða gefandi
tómstundaiðju.
Tillagan var samþykkt samhljóða.