Fréttabréf Ættfræðifélagsins - 01.10.1991, Blaðsíða 2

2
Fyrirspurn svarað um ætt Úlfheiðar Ketilsdóttur
í fjórða tölublaði þessa árs af Fréttabréfi
Ættfræðifélagsins er fyrirspurn um ætt Úlfheiðar
Ketilsdóttur konu Einars Einarssonar bónda á Jaðri í
Þykkvabæ. (Garði í Þykkvabæ í fyrirspurninni hlýtur að vera
misritun.) Ég mun hér á eftir gera grein fyrir því sem ég
veit um ætt hennar og er heimild mín handritið Lbs 462 fol í
Landsbókasafni. Handrit það er að stofni til frumrit
manntalsins 1729 en með því hafa verið bundin auð blöð sem
Hannes Þorsteinsson þjóðskjalavörður ritaði á fjölda
athugasemda um ýmsa sem nefndir eru í umræddu manntali og
afkomendur þeirra, þar á meðal, ættmenn fyrrnefndrar
Úlfheiðar Ketilsdóttur. Hvaðan Hannes hafði sínar
upplýsingar um ætt Úlfheiðar er mér ekki kunnugt en ég held
að heimildir hans hafi verið traustar og þar af leiðandi sé
þessi ættfærsla ábyggileg eins og flest það sem Hannes lét
frá sér fara. Faðir Úlfheiðar hét Ketill Bjarnason. Um hann
er næstum því ekkert vitað nema það að kona hans hét
Guðríður Oddsdóttir og dóttir þeirra var Úlfheiður f. 1780 í
Háfssókn. Mér vitanlega kemur hann hvergi við
samtímaheimildir. Hann mun hafa verið fæddur 17 38 eða 17 39
því hjá móður hans eru 1762 tveir synir hennar 23. og 24.
ára gamlir en þeir eru ekki nafngreindir.
Foreldar Ketils Bjarnasonar voru Bjarni Bjarnason sem
1729 bjó á Ketilsstöðum í Holtum og 1733 í Haga og sxðari
kona hans Sigríður Ketilsdóttir. Börn þeirra auk Ketils voru
Kristín f. 1737 kona Jóns Sigurðssonar bónda í Parti í
Vetleifsholtshverfi og Bjarni. Kona Bjarna hét Valdís
Þorsteinsdóttir f. 1738 og var dóttir þeirra Guðrún f. 1783
gift Ólafi Jónssyni bónda í Rimakoti í Þykkvabæ. Þau voru
barnlaus og erfði Úlfheiður Ketilsdóttir þessa frænku sína.
(Sjá skiptabók Rangárvallasýslu 29. sept.1855.)
Bjarni Bjarnason bóndi á Ketilsstöðum var fæddur 1697.
Foreldrar
hans voru Bjarni Þorgrímsson og kona hans Úlfheiður
Bjarnadóttir f.1662. Hún bjó ekkja á Galtalæk á Landi 1703.
Bjarni Þorgrímsson faðir Bjarna á Ketilsstöðum var bróðir
Bjarna Þorgrímssonar sem 1703 bjó í Skarfanesi á Landi.
Þeir munu hafa verið synir Þorgríms bónda í Klofa á Landi
(1655), Bjarnasonar bónda í Haga í Holtum (1605),
Þorgrímssonar lögréttumanns í Haga (1590), Oddssonar.
Sigríður Ketilsdóttir móðir Ketils Bjarnasonar var fædd
1709.
Bræður hennar voru Hannes bóndi í Köldukinn í Holtum og Jón
bóndi á Sauðholti í Holtum faðir Hannesar spítalahaldara í
Kaldaðarnesi. Foreldrar þeirra voru Ketill Sigurðsson bóndi
Hraungerði í Flóa f. 1670 d.1730 og kona hans Kristín f.
1686 Brynjólfsdóttir lögréttumanns á Baugstöðum í Flóa,
Hannessonar. Sigríður Ketilsdóttir var þrígift. Fyrst
áðurnefndum Bjarna Bjarnasyni, Þá Gottsveini Jónssyni bónda
á Herríðarhóli í Holtum og loks Marteini Jónssyni bónda á
Húsum í Holtum. Hún bjó á Herríðarhóli (Herru) í Holtum
1762 þá orðin ekkja í annað sinn. Sigríður lést 1796 í
Kaldaðarnesi.