Fréttabréf Ættfræðifélagsins - 01.12.1992, Qupperneq 1
FRETTABREF
rFRÆÐIFELAGSINS
8. tölublað 10. árg.
Desember 1992
Frá félagsfundi.
Almennur félagsfundur í Ættfræðifélaginu 5 .nóv. 1992
að Hótel Lind við Rauðarárstíg í Reykjavík. Húsið var
opnað Kl. 19.30. fyrir bókakynningu.
Formaður setti fundinn og stjómaði honum, bauð
félagsmenn og gesti velkomna, gaf síðan Ólafi Jenssyni
lækni orðið.
Ólafur Jensson hóf mál sitt á því að þakka Hólmfríði
Gísladóttur fyrir að gefa sér tækifæri til að kynna ætt-
fræðikunnáttu sína á fundi í Ættfræðifélaginu.
í yfirgripsmiklu og fróðlegu erindi Ólafs Jenssonar,
sagði hann frá læknastarfi fyrr á öldum, löngu fyrir daga
Bjama Pálssonar læknis. Uppbyggingu lækna- og ljós-
mæðrakennslu og störfum hér á landi. Til skýringar á
erindi sínu, var ræðumaður með skyggnur af áatölum og
ættarskrám af viðkomandi fólki er fjallað var um í er-
indinu.
Ólafur Jensson læknir lauk erindi sínu, á skýringum á
læknisfræðilegri erfðafræði og gaf fundarmönnum inn-
sýn í hvemig slík fræði em unnin.
Fundarstjóri þakkaði Ólafi Jenssyni fyrir fróðlegt og
skemmtilegt erindi. Þá skýrði fundarstjóri frá því að
Grunnvíkingabók, 2. bindi, eftir Guðrúnu Ásu Grímsdótt-
ur og Lýð Bjömsson væri til sölu hjá Steinunni Guð-
mundsdóttur. Ennfremur að Hálfdan Helgason hefði nú
lokið gerð nafnalykla fyrir manntalið 1816.
Eftir kaffihlé bað Ásthildur Steinsen um orðið og
talaði um talsímakonumar sínar. Þakkaði hún félags-
mönnum fyrir skjót og góð viðbrögð sem fyrr, vegna
fyrirspurna sinna til þeirra, og lagði fram fleiri fyrirspumir
til fundarmanna um talsímakonur. Næstur tók úl máls
Guðmundur Guðni Guðmundsson rithöf. og ræddi um
nafnið “Helvítus” frá öðru sjónarhomi en Dr. Fríða Sig-
urðsson.
Amgrímur Sigurðsson tók til máls, þakkaði Ólafi
Jenssyni lækni fyrir hans fróðlega og skemmtilega erindi.
Talaði Amgrímur um orðið “salemi”, komu fram fróðleg-
ar og skemmtilegar útfærslur hjá honum á þessu hugtaki.
Taldi hann orðið komið frá borginni Salerno á Ítalíu, er
var nefnd í erindi Ólafs Jenssonar læknis, borg hreinlætis
og heilbrigði.
Hólmfríður Gísladóttir tók síðast til máls, sagði frá
vinnu við manntalið 1910 og möguleikum á útgáfu þess.
Formaður sleit fundi Kl. 22.45, fundarsókn var mjög
góð.
Ritari.
Frásögn formanns Ættfræðifélagsins af
störfum nefndar vegna Manntalsins 1910
Góðir fundarmenn!
Ég ætla að segja ykkur frá vinnu við manntalið 1910.
Nefndin, sem á að sjá um útgáfu á manntalinu, kom
saman 26. ágúst s.l. og fengum við Stefán Hjartarson hjá
Þjóðskjalasafni til að ræða um samræmingu á texta.
Stefán Hjartarson er fulltrúi Þjóðskjalavarðar í sam-
bandi við manntalið 1910.
Við sem höfum unnið að manntalinu, komum saman
einu sinni í viku og sumir oftar, í húsakynnum Þjóðskjala-
safns við Laugaveg. Það sem við erum að gera, er að
setja ýmsar viðbætur úr frumritinu inn á tölvuútskriftina.
Svo förum við með viðbætumar úl Erfðafræðinefndar
og starfsfólk hennar bætir þeim inn á tölvuna.
Nú höfum við fengið aðra útskrift hjá Erfðafræði-
nefnd og emm farin að enduryfirfara.
Okkur í útgáfunefndinni hefur dottið í hug að gefa
manntalið út í heftum, svona svipað og Manntalið 1816.
Það yrði sennilega ódýrara.
En hvenær við getum hafið útgáfu er ekki gott að
segja, það lítur ekki vel út með peninga. Við fengum ekki
styrk fráríkinu fyrir árið 1992, sem við vonuðumst eftir,
því við höfum fengið hann undanfarin ár. Hvað sem
verður síðar.
Hólmfríður Gísladóttir
1