Fréttabréf Ættfræðifélagsins - 01.05.2002, Page 22

Fréttabréf ættfræðifélagsins í maí 2002
Sumarferð ættfræðifélagsins
Sumarferð Ættfræðifélagsins verður farin helgina
23.-25. ágúst í Skagafjörð.
Lagt verður af stað kl. 18:00 frá Ármúla 19.
föstudagin 23.8. Á leiðinni verður m. a. stoppað við
Arnarstapa, sem er hóll austast í Vatnsskarði, en þar
er minnisvarði um skáldið Stephan G Stephanson
(1853-1927). Komið verður í náttstað á Hofsósi kl.
20.00-20.30. Á laugardaginn verður ekið um helstu
sögustaði Skagafjarðarhéraðs. Komið verður við í
Safnahúsinu á Sauðárkróki og Vesturfarasetrið á
Hofsósi heimsótt. Komið verður við á Víðimýri, sem
er kirkjustaður og fornt höfðingjasetur, en þar sátu
fyrirmenn Ásbirninga m.a. þeir frændur Kolbeinn
Tumason og Kolbeinn ungi Arnþórsson. Kirkja úr
torfi var reist þar 1834-35. Flugumýri er kirkjustaður
og höfuðból, þar bjó Gissur jarl Þorvaldsson um
skeið og þá varð Flugumýrarbrenna 1253. í kirkju-
garðinum á Flugumýri er legsteinn yfir Jóni Espolín
sýslumanni og sagnaritara sem bjó í Viðvík: og á
Frostastöðum. Aðrir helstu sögustaðir héraðsins eru:
Viðvík, kirkju- og prestssetur, þar bjó Þorbjörn
öngull sá sem drap Gretti. Af seinni aldar mönnum
má nefna Jón Pétursson lækni sem komst til
Uppgönguvík í Drangey. (Ljósmynd Björn Jónsson)
Bænhúsið í Gröf. (Ljósmynd Björn Jónsson)
Algeirsborgar, líklega um 1770 er hann var læknir á
dönsku kaupfari, frekar en herskipi. Hann bjó í
Viðvík til dauðadags um 1802.
Á Neðra-Ási bjó til forna Þorvaldur spak
Böðvarsson sem fyrstur Islendinga reisti kirkju á bæ
sínum árið 984. En Þorvaldur var ættfaðir Ásbirn-
inga. Hólar í Hjaltadal, biskupssetur 1106-1798.
Latínuskóli frá siðaskiptum til 1802, svo og prent-
smiðja. Hólakirkja er reist úr sandsteini úr Hóla-
byrðu, vígð 1763, endurvígð 1988. Sjávarborg, þar
var ritaður Sjávarborgarannáll. Reynistaður, bær
Þorfinns karlsefnis, og var staðurinn í eigu ættmenna
hans til 1259. Þaðan voru Reynistaðabræður er urðu
úti á Kili 1780. Glaumbær er kirkju- og prestssetur.
Þar er byggðasafn Skagfirðinga. Þar er einnig
minnisvarði eftir Ásmund Sveinsson um víðförlustu
konu Islandssögunar, Guðríði Þorbjarnardóttur, og
son hennar Snorra Þorfinnsson, fyrsta Evrópumann-
inn sem fæddist í Vesturheimi. Á gamals aldri lagði
Guðríður land undir fót og gekk til Rómar. Hér er
aðeins tæpt á litlu af því sem merkilegt er í þessu
sögufræga héraði og mörgu sleppt. Gert er ráð fyrir
að koma heim á sunnudaginn milli kl. 18. og 19.
Rit sem gott væri að líta í um Skagafjörð eru:
Árbók Ferðafélagsins 1946; Landið þitt ísland;
Þjóðsögur Jóns Árnasonar; Vegahandbókin; Geislar
yfir kynkvíslum, grein Hallgríms Jónassonar um
Guðríði Þorbjarnardóttur í ársriti Útivistar no.6; Af
Skagfirðingum; Skagfirskur annáll og ýmsar ætt-
fræðibækur.
Gisting verður í uppbúnum rúmum. Kostnaður
fyrir gistingu í tvær nætur, tveir morgunverðir, ein
sameiginleg máltíð og allur akstur kosta 14.000 kr.
Verð ferðar með gistingu en án matar er 10.600 kr.
Þátttaka tilkynnist til Kristins Kristjánssonar í
síðasta lagi 10. ágúst, í síma 567 2747 eða á netfang
hans: sigkri@islandia.is. eða til Olgeirs Möller í
síma 553 1076 eða á netfang hans:
olmoller@simnet.is.
http://www.vortex.is/aett
22
aett@vortex.is