Fréttabréf Ættfræðifélagsins - 01.05.2002, Blaðsíða 23
Fréttabréf ættfræðifélagsins í maí 2002
Nýr heiðursfélagi
Guðjón Óskar Jónsson fæddist 1. maí 1922 að Hellis-
holtum í Hrunamannahreppi og ólst þar upp. Foreldrar
hans voru Jón Einarsson bóndi í Hellisholtum f. 4.
aprfl 1882 d. 6. júní 1947 og kona hans Eyrún
Guðlaugsdóttir f. 22. nóv. 1882 d. 20. nóv. 1967.
Guðjón Óskar stundaði nám við Héraðsskólann á
Laugarvatni 1943-1945 og í gagnfræðadeild 1945-
1946, tók svo landspróf frá Menntaskólanum í
Reykjavík 1946. Vann fyrir og með skóla ýmsa
verkamannavinnu. Starfaði í bókhaldsdeild SÍS frá
1947 til 1989. Hann sat í stjórn Starfsmannafélags SÍS
og í stjóm Byggingasamvinnufélags starfsmanna SÍS.
Hefur lengi verið annar endurskoðenda Ættfræði-
félagsins, sækir fundi þess reglulega og er daglegur
gestur á Þjóðskjalasafni. Iðkaði nokkuð skák um
tveggja áratuga skeið og fylgist vel með á því sviði.
Guðjón Óskar hefur lengi stundað ættfræðirann-
sóknir og lesendur Fréttabréfsins þekkja vel nafn
hans, svo oft hefur hann átt í því ritgerðir um ýmis
ættfræðileg efni, þar sem gjarnan hefur verið leyst úr
álitaefnum í þessurn vandasömu fræðum af glögg-
skyggni og nákvæmni.
í tilefni af áttræðisafmæli Guðjóns Óskars 1. maí
sl. ákvað stjórn Ættfræðifélagsins að útnefna hann
heiðursfélaga. Kom hann til fundar við stjórn í upp-
hafi stjómarfundar 2. maí, þar sem formaður greindi
frá þessari ákvörðun og afhenti honum skjal henni til
staðfestingar.
Ættfræðifélagið sendir Guðjóni Óskari Jónssyni
heillaóskir.
Fyrirspurn
Getur einhver gefið mér upplýsingar um ætt
Sesselju Jónsdóttur á Páfastöðum?
I Ættir og óðal eftir Jón Sigurðsson á Reyni-
stað bls. 41-42 stendur Helga búandi í Selhaga á
Skörðum, en átti tvö börn með Oddi hreppstjóra
Oddssyni í Geldingaholti, var dóttir Þorleifs
bónda á Skarðsá Þorleifssonar en ekki Kristínar
Sveinbjarnardóttur konu hans eins og talið er í
Ættum Skagfirðinga.
Móðir hennar var Sesselja Jónsdóttir á Páfa-
stöðum. Samkvæmt dómsmálabókum Skaga-
fjarðarsýslu var fæðing Helgu tilkynnt sýslu-
manni með bréfi dagsettu 16. aprfl 1779. Helga
Þorleifsdóttir var fædd 1766.
Kristín Sigurðardóttir
Heiðarlundi 11,210 Garðabæ
sími 5656203
Ólafur H. Óskarsson, formaður, gerir Guðjón Óskar
Jónsson að heiðursfélaga Ættfræðifélagsins 2. niaí s.l.
(ljósmynd Olgeir Möller)
Fyrirspurn frá Kanada
Mig vantar upplýsingar um afa minn og ömmu. Eg
veit mjög lítið um þau en afi minn hét William
Sigurbjörn Byron fæddur 1861 og dáinn 1950.
Hann flutti ungur vestur um haf til Bandaríkjanna
og settist trúlega að í Norður-Dakoda. Amma mín
hét Guðbjörg Octavía, hún var tvíburi, fædd 1875
dáin 1956. Tvíburabróðir hennar var Samúel
Helgason. Ég veit ekki hvort afi og amma giftu sig
í Bandaríkjunum eða Kanada. Mig grunar að
ættamafnið Byron sé dregið af einhverju íslensku
orði eða nafni. Afi og amma reistu bú í Swan River
dalnum í Manitoba nálægt aldamótunum 1900
ásamt mörgum öðrum íslenskum fjölskyldum.
Frændi ömmu minnar á Islandi heitir eða hét
Pálsson og hún átti ættingja á íslandi sem sat á
Alþingi eða var hátt settur í landbúnaðarráðuneyt-
inu. Hann kom í heimsókn til Winnipeg Manitoba
á vegum Alþingis.
Ég væri þakklátur ef einhver gæti veitt mér
upplýsingar um þau afa minn og ömmu og fólkið
mitt á íslandi.
Wilmer Byron
Penticton
B.C., Canada
http://www.vortex.is/aett
23
aett@vortex.is