Fréttabréf Ættfræðifélagsins - 01.02.2012, Blaðsíða 13
Fréttabréf Ættfræðifélagsins í febrúar 2012
Skúli og Theódóra eignuðust þrettán börn. Þau voru:
Unnur húsfreyja, Guðmundur prófessor og yfirlæknir,
Þorvaidur lést í frumbernsku, Skúii yfirdómslögmaður
og alþingismaður, Þorvaldur fór til Vesturheims, Kristín
Ólína yfirhjúkrunarkona og skólastýra, Katrín læknir,
alþingismaður og bæjarfulltrúi, Jón lögfræðingur og
skáld, Ragnhildur húsfreyja. Bolli borgarverkfræðing-
ur, Sigurður verkfræðingur og alþingismaður, Sverrir
bankafulltrúi og María Kristín húsfreyja.
ir. Þórður Tryggvason læknir er barnabarnabarn
Guðmundar.
Greinar um Guðmund Thoroddsen
1. Ferðaþættir og minningar. Erindasafnið II.
Útvarpstíðindi 1943. 62 bls.
2. Læknar segja frá. Úr lífi og starfi átta
þjóðkunnra lækna. Gunnar G. Schram skráði.
Setberg 1970: 129-47.
3. Skúli Thoroddsen. Læknar segja frá. Úr lífi og
starfi átta þjóðkunnra lækna. Gunnar G. Schram
skráði. Setberg 1970: 149-68.
4. Við sem byggðum þessa borg. Endurminningar
níu Reykvíkinga. Vilhjálmur S. Vilhjálmsson tók
saman. Oddi 1957: 92-142.
5. Faðir minn læknirinn. Hersteinn Pálsson bjó til
prentunar. Skuggsjá 1974: 203-14.
Samantekt Guðfinna Ragnarsdóttir
Hugleiðingar við lestur Engeyjarættar
Það er alltaf gaman þegar kemur út nýtt niðjatal.
Engeyjarætt er stór og mikil en það eru fleiri af henni
komnir en Ólöf. Ég sakna þess að fá ekki alla þá
sem komnir eru út af Snorra Sigurðssyni. Það væri
mjög gerlegt að vinna það. Út af Ólöfu er komið mik-
ið af þekktu fólki og áberandi í þjóðlífinu, kannski
finnast fleiri þekktir einstaklingar út af hinum börn-
um Snorra. Pétur Guðmundsson, maður Ólafar, var
ekki Engeyingur en hann var af Seltjarnarnesi og
á sína sögu þar. Bjó lengi í Skildinganesi og þar
eru öll börn hans fædd. Og þó, eins og segir í bók-
inni, að hann hafi róið úr Engey til þjónustu (með-
hjálpar) í Dómkirkjunni, þá hefur hann líka hlaupið
Vatnsmýrina og Tjarnarbakkann í Dómkirkjuna þegar
hann bjó í Skildinganesi.
Það eru talin upp börn Snorra í þessari bók sem
lifðu, en það vantar Odd, hann var elstur og út af hon-
um er komið nokkuð af fólki en ekki mikið, hann
átti bara þrjú börn og af þeim lifðu tvö. Hann bjó í
Engey. Það má svo geta þess að tengdamóðir Odds
var Kolfinna Sigurðardóttir, systir Snorra í Engey,
svo þau hafa verið systkinabörn hjónin Oddur og
Elín Gísladóttir, kona hans. Börn Snorra og Guðrúnar
voru tíu en það lifðu bara fimm. Þau dóu ung, nema
Runólfur sem dó 26 ára um borð í skipi á leið frá
Kaupmannahöfn. Svo átti Snorri son áður en hann
giftist, með vinnukonu í Engey, sem hét Arnór, og út
af honum er komið margt fólk.
Það er talað um Snorra ríka í Engey, ég tel að auð-
ur hans hafi komið með konunni, því hún var dóttir
Odds Jónssonar á Neðra-Hálsi í Kjós, hann var rík-
ur maður, lét eftir sig margar jarðir og mikið silfur.
Eitt barna Snorra var Þórður, bóndi á Blikastöðum
í Mosfellssveit, hann átti son sem hét Jón, hann bjó
á Morastöðum í Kjós. Dóttir hans var Guðrún, hús-
freyja í Gróttu, kona Þorvarðar Einarssonar vitavarðar.
Sonur þeirra var Albert, vitavörður í Gróttu, og dótt-
ir þeirra var einnig Vilborg, hennar dóttir var Guðrún
Signrundsdóttir, dóttir hennar Þyrí Valdimarsdóttir og
svo Sæunn Eggertsdóttir, sonardóttir mín, sem er hér.
Einn sannur Engeyingur.
Flutt á ættfræðifundi 24. nóvember
Hólmfríður Gísladóttir
Viðbót við greinina
Hugljúf saga sem hófst
i Flóanum í 2. tbl.
Fréttabréfsins 2011
Olöf Sighvatsdóttir, einn afkomandi fóstursystk-
inanna og hjónanna Astrósar Jónasdóttur og Gísla
Guðmundssonar, fór þess á leit við Fréttabréfið
að birt væri eftirfarandi viðbót við greinina um
þau hjónin:
Elsti sonur þeirra hjónanna Astrósar og Gísla
var Viggó Einar. Hann var kvæntur Asu Sigríði
Björnsdóttur og áttu þau þrjú börn. Asa Sigríður
dó 1951. Þá réð María Benediktsdóttir, f. 1910 d.
1999, sig í vist til Viggós og gekk börnum hans
í móðurstað, þau voru þá á aldrinum 4-14 ára.
Viggó og María giftust árið 1956. María bar alla
tíð mikla umhyggju fyrir börnunum og fjölskyld-
unni.
http://www.ætt.is
13
aett@aett.is