Unga Ísland - 01.01.1938, Blaðsíða 2
2
UNGA ÍSLAND
Til Hörpufélaga.
Góður Hörpufélagi.
J>ú verður að vonum undrandi, er
þér berst orðsending og kvéðjur frá
Hörpu með Unga fslandi. — En
stundum skipast skjótt um efni.
Annar undlirritaðra, sem anfiast
hefir ritstjórn Hörpu, hefir fengið
frí frá starfi næsta skólaár. Með vor-
inu held ég öfuga leið við farfugl-
ana og dvelst erlendis eitt ár. Ég get
því ekki lengur annast efni blaðsins.
Það mun ekki ofsagt, að Harpa
hafi hlotið óvenju glæsilegar viðtök-
ur á þessu fyrsta — og líklega síðasta
ári. En vitanlega gat hún lítil ritlaun
greitt. Það hefði líka verið ofar öllu
hugsanlegu að byrja með, þar sem
enginn eyrir var að baki, enda höfð-
um við hugsað okkur að leggja kaup-
endafjölgun til fullkomnunar blaðinu
og bíða sjálfir betri tíma. Nú
standa sakir svo, að litlar líkur virð-
ast til, að neinn fáist til að annast
ritstjórn blaðsins, er undirritaður fer.
En við viljum ekki byrja útgáfu 2.
árg., án þess að hafa vissu fyrir, að
hann komist allur út. Slíkt væri svik
við kaupendur og kostnaður einn fyr-
ir blaðið.
Harpa leggst því niður — en
unga ísland mun að nokkru bera
hennar svip framvegis, þar eð við
höfum lofað því einhverju af þeim
þáttum Hörpu, er mestar vinsældir
hlutu og voru af allmörgum kennur-
um og öðrum kaupendum taldir
blaðinu til mikils gildis. Framvegis
á Unga ísl. því að sameina hið
besta úr báðum blöðunum. Væntum
við þess, að þetta verði kaupendum
beggja blaðanna gleðiefni, því að
aðalatriðið er auðvitað: blað, vand-
að að efni og vandað að frágangi. Og
því aðalatriði verður vitanlega því
betur fullnægt, sem fjölhæfari
starfskraftar og fleiri góðir kaupend-
ur standa að því.
í fullu trausti þess, að Unga ísland
verði með sameinuðum kröftum
beggja blaðanna, betra en þau voru
hvort um sig, mælumst við til, að þú
gerist kaupandi þess, og biðjum þig
vinsamlegast að tilkynna, óskir þú
þess ekki.
Við viljum stuðla að því, að blað-
ið verði svo úr garði búið, að þú bíðir
þess ávallt með eftirvæntingu; að þú
teljir þér hag af að standa í skilum
við það, og að það verði þér svo kært,
að þú finnir hvöt hjá þér til að stuðla
að gengi þess, eins og þú áður
studdir Hörpu.
í þeirri von hefir nú 1. tbl. þ. á. af
Unga Islandi verið endurprentað og
sent kaupendum Hörpu og nýjum á-
skrifendum. í marsblaðinu mun koma
framhald af vinsælustu þáttum Hörpu
og framhaldssögunni. Efni, sem bor-
ist hefir frá ykkur, mun birt smám
saman, og væntanlgea berast ykkur
kveðjur frá æskulýðskórunum öðru
hvoru, eins og áður.
Það má senda okkur undirrituðum
nöfn nýrra áskrifenda og efni til
blaðsins, og það er nóg að merkja það
aðeins: Pósthólf 785, Reykjavík, eða
öðrum undirrituðum.
Að síðustu okkar bestu kveðjur og
óskir um gleðilegt ár og þakkir fyrir
alla vinsemd á liðna árinu.
Lifið heil!
Marteinn Magnússon. Jón ísleifsson.