Unga Ísland - 01.02.1938, Blaðsíða 14
UNGA ÍSLAND
2A
Þú þarft aldrei að láta
þér leiðast . . ,
Ef þú elskar lífið, þá mátt þú
ekki eyða nokkurri stund til
ónýtis. Lífið er aðeins fáeinar
stuttar stundir. Franklin.
Þeim 24 stundum sólarhi'ingsins
verja menn yfirleitt til vinnu, svefns
og skemmtunar.
Orðið skemmtun mun vera dregið
af orðinu skammur, sem merkir stutt-
ur. Merking orðsins skemmtun, er því
sú, að gera tímann stuttan.
Auðvitað er hver stund þó ávallt
jáfn lengi að líða, hvernig sem henni
er varið, en þó könnumst við öll við,
að okkur finnst tíminn á stundum ætla
aldrei að líða. En svo getur tíminn
líka flogið áfram, fyrr en okkur varir.
í fyrra tilfellinu eru athafnir okkar
annað hvort engar, eða þá slíkar, að
okkur falla þær ekki í geð. Þá leiðist
okkur. En í hinu síðara, eru það at-
hafnir okkar sjálfra eða annarra, sem
hrífa hugann, og þá skemmtum við
okkur.
Lífshamingja okkar allra, er að
mjög miklu leyti undir því komin að
tómstundum, þeim tíma, er hvorki
er varið til venjulegra dægúrstarfa
eða svefns, sé varið vel og skynsam-
lega, og happadrýgst í því efni mun
reynast hollt, frjálst, útilíf og íþrótta-
iðkanir.
Áhugi íslenskrar æsku beinist æ
meir og meir inn á þessar brautir, og
það lofar góðu um framtíðina. Unga
ísland mun framvegis, sem hingað
til, flytja greinar og frásagnir um í-
þróttir. Um sund, skauta- og skíða-
ferðir og hverskonar íþrótta- og útilíf.
Sendið blaðinu frásagnir úr ykkar
byggðarlagi, þegar eitthvað gerist í
þessum efnum, er getur orðið hvatn-
ing fyrir aðra.
Endurminning.
frá sumrinu 1936.
R j ú p a n.
Einn sunnudag, seint um sumarið,
vorum við fjórir strákar boðnir á bæ
utarlega í Vopnafirði. Við skemmtum
okkur ágætlega. — Á leiðinni heim
fældust hestarnir við eitthvað, sem
veltist á undan okkur á veginum. Tveir
af okkur stukku af baki, til að gá að
hvað þetta væri. Sáum við þá, að þetta
var rjúpa, sem hafði líklega rekið sig
á símavírinn, því að hún gapti og náði
illa andanum. Vegna þess hve dimmt
var orðið, þreifuðum við á henni, en
fundum engin sár. Fórum við með
hana heim, settum hana í stall í
hesthúsinu og gáfum henni grjón, en
hún gat ekki etið þau fyrst í stað.
Leið svo næsti dagur, að hún át sama
og ekkert, en úr því fór hún að hress-
ast. Daginn eftir að við fórum suður
var rjúpunni sleppt og virtist hún þá
vera al-heilbrigð. Var rjúpan búin að
vera hjá okkur á þriðju viku.
Vigfús Helgason, 12 ára.
„Ég heyrði að vörugeymslan hans
hefði brunnið. Tapaði hann nokkru?“
,,Já, næstum heilum eldspítustokk,
bara fyrir klaufaskap“.