Unga Ísland - 01.02.1938, Blaðsíða 17

UNGA ÍSLAND
27
Litla húsið í garðinum.
Litla stúlkan á myndinni heitir
Shirley. Hún á pabba og mömmu
og tvo bræður. Þau búa í stóru
og fallegu húsi. Kringum húsið er
garður. Þar vaxa mörg falleg blóm
og stór og falleg tré. Epli og aðrir
góðir ávextir vaxa á sumum trján-
um.
Shirley sefur í stóra húsinu hans
pabba síns. Þar er skólastofan
hennar, þar sem hún lærir að lesa,
skrifa, reikna og teikna. Mamma
hennar gefur henni að borða í
borðstofunni og baðar hana í bað-
herberginu í stóra húsinu. Shirley
þykir vænt um þetta stóra hús,
því að það er mjög fallegt, og
henni líður vel í því. En henni
þykir samt enn vænna um litla
húsið í garðinum, því það á hún
sjálf.
Ein stofa og eldhús er í litla-
húsinu. í stofunni eru litlir stólar
og lítið borð. Litla stúlkan er hús-
móðir í húsinu sínu. Lísa, brúðan
hennar, situr í stól við borðið. Hún
er nú gestur, sem hefir heimsótt
litlu frúna. Frúin tekur vel á móti
gestinum og segir: »Ég má víst
bjóða þér einn tebolla«. »Já, þökk
fyrir«, segir gesturinn, ég er feg-
in að fá heitt te, því að mér er
hálf-kalt«. »Það er eðlilegt,« sagði
litla frúin. Hann er nokkuð kaldur
í dag.«
Hún hellti í bollana og sagði:
»Blessuð gerðu nú sætt og smakk-
aðu á kökunum, sem ég var að
baka«.
»Ó, þakka þér fyrr«, sagði gest-
urinn og fór að borða. »En hvað
þú getur bakað fínar kökur.«
Litla frúin brosti. Hún var ánægð
yfir hrósinu. En hún vildi ekki láta
mikið á því bera, því að hún var
kurteis og lítillát. »Vertu nú ekki
að hæðast að kökunum,« sagði
hún, »ég held þær séu mesta
ómynd.«