Unga Ísland - 01.08.1939, Blaðsíða 12
100
Við Tjörnina.
aður. En upprunalega bjó Sverrir stein-
höggvari hólmann til, fyrir næstum
einni öld.
Frá því að Tjörnin var friðuð, fyrir
um það bil 20 árum, hefir kríunni
fjölgað þar ár frá ári, því að ekkert
er tekið þar af eggjum. En þó að marg-
ir fuglar, sem rændir eru, verpi aftur,
þá eiga ungar þeir, sem úr þeim eggj-
um koma, minni lífsvon, en hinir, sem
komið hefðu úr fyrri eggjunum. Því
að þeir verða mikið síðar þroskaðir,
enda eru venjulega frá öndverðu minni,
því að eggin, sem þeir fuglar verpa
í annað sinn, eru venjulega minni en
þau, sem þeir verptu fyrr.
Kríustofninn hér við Tjörnina hefir
vafalaust átt heima hér frá því fyrir
landnámstíð, og verptu tvær og þrjár
-------------- UNGA ÍSLAND
kríur hér við Tjarnarendann næstu
árin áður en Tjörnin var friðuð. Á-
veita var þá við Tjarnarendann, frá
Laufási, og verptu kríur þessar á flöt-
um þúfum, er stóðu upp úr áveitu-
unni. Hafa þau tvö til þrjú kríutvinn,
er þá verptu hér, verið leifarnar af
stóru og samfelldu kríuvarpi, sem á
landnámstíð hefir verið hér í kring-
um Tjörnina og Örfirisey. Er gott til
þess að vita, að stofn þessara frum-
Reykvíkinga hafi ekki dáið út, og hef-
ir honum nú fjölgað svo, að honum er
óhætt úr þessu, þó að eitthvað mikið
óhapp kynni að henda kríurnar ein-
hverntíma í suðurferð þeirra.
Krían er, sem kunnugt er, farfugl.
En þó menn viti ekki með vissu, hvar
þær halda sig á vetrum, vita menn það,
að þær fara mj ög langt suður, og senni-
lega fara þær lengst allra farfugla, sem
hér eru. Því að kría af þeirri tegund,
sem hér er, hefir verið skotin fyrir
sunnan pólbaug á suðurhveli.
Krían kemur, eins og kunnugt er,
hérum bil alltaf á sama tíma, en út
af þessu bar í fyrra, og kom hún seinna
en venja var til. Hafa ýmsar getur
verið leiddar að því, hvað valdið hafi,
en sennilegt er, að hún hafi einhvers
staðar á leiðinni lent í óvenju miklu
og góðu æti.
Kríurnar hérna við Tjörnina haga
sér ólíkt öðrum kríum gagnvart mönn-
unum. Þær hafa lært af reynslunni,
að mennirnir vinna beim ekkert tjón,
og láta þá því óáre’tta, en annars
staðar byrjar krían að garga að mönn-
um, löngu áður en þeir eru komnir að
kríuvarpinu.
Allmargar endur verpa hér í mýr-
inni sunnan við Tjörnina, og leiða ung-